Kommuneqarfik Sermersooq Meeqqanut Ilaqutariinnullu Ingerlatsivik Tasiilaq

Tasiilami Meeqqanut Ilaqutariinnullu sullissivimmi meeqqanut inuusuttunullu innarluutilinnut sullissisoq Atorfiup normua 208-23

Kommuneqarfik Sermersooq pikkorissumik tunniusimasumillu meeqqanut inuusuttuaqqanullu innarluutilinnut sullissisumik (sagsbehandler), isumaginninnerup iluani tulluuttumik ilinniagalimmik, Meeqqanut Ilaqutariinnullu Tasiilami immikkoortortami 01.06.2023 sulilersussamik kingusinnerusukkulluunniit sulilersinnaasumik pissarsiorpoq.

Tasiilami meeqqanut ilaqutariinnullu sullissivik Tasiilami immikkoortortaavoq, Kommuneqarfik Sermersuumi Meeqqanut Ilaqutariinnullu Ingerlatsiviup ataani. Tasiilami Meeqqanut Ilaqutariinnullu Immikkoortortami uku inissisimapput: Meeqqanut ilaqutariinnullu sullissivik, suliaqarfiup ataani inatsisit atuuttuusut malillugit meeqqanut inuusuttunullu sullissinermik ingerlataqartartut, Børn og Familie Centret ilaqutariinnik innersuunneqarsimasunik sullissinermik ingerlataqartartut, Tidlig indsats ilaqutariinnik meeqqat 3-nik ukioqalernissaasa tungaanut immikkut sullissisartut. Inuusuttuaqqanik siunnersortit inuusuttuaqqanik 18 tikillugit ukiulinnik aammalu sullinneqarnermik malitseqartitsisunik 23 tikillugit ukiulinnik sullissisuusartut.

Meeqqanut Ilaqutariinnullu sullissivimmi sulisut katillugit 11, taakkunannga sagsbehandlerinut aqutsisoq 1, sagsbehandlerillu 10, taakkunannga 2 angalasartuullutik Nuummiit paarlakaallutik Tasiilami najuuttartut, aammalu meeqqanut inuusuttunullu innarluutilinnut sullissisoq 1.

Atorfik tamakkiisumik atorfiuvoq, maannalu taartaangallartumik inuttaqarluni. Sullissisoq atorfeqarnermut tunngatillugu MI Tasiilami fagchef ataaniippoq, sulianullu tunngatillugu teamleder aqutsisuulluni.

 

Atorfiup imarisaa:

Misilittagaqartumik meeqqanut inuusuttunullu innarluutilinnut sullissisumik (sagsbehandler) pissarsiorpugut, suleqatit peqatigalugit pisortaniit meeqqanut inuusuttunut ilaqutariinnullu sullissinermik ingerlatseqataasussamik, peqataalluarsinnaasumik ataanilu makkunannga suliaqarluarsinnaasumik pissarsiorpugut:

 

∙Meeqqanut Ilaqutariinnullu ingerlatsivimmi isumaginninnerup iluani sulianik ineriaqartortitseqataaneq.

∙Meeqqanut inuusuttunullu innarluutilinnut sullissinernik ingerlatsineq

∙Innarluutillit pillugit misissuinermik ingerlatsinerit, sulianik saqqummiussilluni allattuinerit, akuersissutinik ingerlatsinerit aammalu qinnuteqataatinik takkuttunik suliaqarneq

∙Iliuusissatut pilersaarutinik suliaqarneq nutarterinerlu, ataavartumillu ikiorsiissutit pillugit malitseqartitsineq nalilersuinerlu.

∙Paasissutissanik tamanik notatpligt malillugu immersuinerit (journalisering)

∙Inuttaasunik sullitanik, meeqqanik suleqatinillu assigiinngitsunik oqaloqatiginninnerit

∙Ataqatigiissaarilluni suliaqarneq makkununnga tunngasinnaasut; innersuussinerit, sullissaq pillugu qaninnertut avatagiisiisa ataatsimeeqatiginerat, inissiinerit, ikorfartorneqarnissamik /tapersersorteqar-nissamik akuerissutit il. il.

∙Ikiorsiilluni suliniutinik nalilersueqqinnerit

∙Ataavartumik meeqqanut inuusuttunullu innarluutilinnut sullisinermik malinnaatitsineq misissuinerlu

∙Meeqqat inuusuttullu innarluutillit ullu unnuarlu angerlarsimaffinnut inissinneqarsimasunut nakkutilliinerit ukiumut ataasiarluni pisartussat.

∙Suliat pillugit isummersoqatigiinnermut peqataaneq, suliffimmi suliat pillugit assigiissaakkamik sullissinissaq anguniarlugu.

∙Suliffimmi sullitanik isumaginninnerup tungaatigut sullissinermi misilittakkanik ilisimasaqalerneq tunngavingalugu katersinermi peqataaneq

∙Immikkoortortami suleriutsinik ersarissaaneq inerisaaqqinnerlu peqataaffiginissaa

∙Suliffiit akimorlugit Tasiilami nunaqarfiinilu suleqatigiinnermut peqataanissaq

∙Socialvagtiunermut peqataanissamut periarfissaqarneq

 

Suliassat ingerlatsivimmi sulisut allat kiisalu qanittumik suleqatit attuumassuteqarsinnaasut peqatigilluinnarlugit suliat ingerlanneqartassapput.

 

Qinnuteqartunut naatsorsuutigisat:

∙Isumaginninnerup iluani ilinniagaqarsimaneq (inunnik isumaginninnermut siunnersorti, isumaginninnerup iluani siunnersorti, Siunnersuinermi ikiorti)

∙Isumaginninnerup iluani innarluutilinnullu inatsisinik tunngaviusunik ilisimasaqarneq misilittagaqarnerlu

∙Isumaginninnerup iluani innarluutilinnullu inatsisit tunngavingalugit sullissinermik misilittaqarneq

∙Politikkikkut aqunneqartut iluani sulinermik misilittangaqarneq

∙Meeqqanut innarluutilinnullu sullissinerup iluani misilittaqarneq

∙Sulffeqarfiit akimorlugit suleqatiginninnermut misilittangaqarneq

 

Pingaartipparputtaaq:

∙Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

∙Uippakajaarani arlariinnik suliaqarsinnaasoq

∙Erseqqissumik tappissumillu allattariarsorlunilu oqaluttariarsorsinnaasoq

∙Nammineerluni sulisinnaasoq, akisussaassuseqartoq sullissiumatoorlu

∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

∙Nukittooq pilersitsiniallaqqissoq inissaqartitsiuartoq piumassuseqarluartorlu

∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

∙Atituumik suleqateqarluarsinnaasoq

∙kalaallisut qallunaatullu oqaaseqartuuguit iluaqutaassaaq, piumasaqaataanngilarli

 

Neqoroorutigaavut:

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagschef Gerda Fleischer , oqarasuaat +299 36 72 79 imaluunniit e-mail: gfle@sermersooq.gl

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

Qinnuteqaat:

Qinnuteqaat qulequtserlugu Atorfiup ilisarnaataa 208/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: marsip 27.-at, 2023

Atorfik una qinnuteqarfigiuk