Skip to main content
112

Tasiilami Ilaqutariinnut paarsisartunut siunnersortinik pissarsiorput / Atorfiup normua 612/19

Kommuneqarfik Sermersooq pikkorissunik tunniusimasunillu Ilaqutariinnut paarsisartunut siunnersiortinik pissarsiorpoq, Isumaginninnermi siunnersortitut, perorsaasutut imaluunnit Isumaginninnermik suliaqarnermut siunnersortitut ilinniagalinnik piaartumik isumaqatigiissuteqarneq malillugu sulilersussanik.

Ilaqutariinnut paarsisartunut siunnersortit Tasiilami Meeqqanut Ilaqutariinnullu Ingerlatsivimmiissapput, tassanilu suliassat pingaarnertut tassaapput Ilaqutariit paarsisartunut akuersissutit qulakkeerneqarnissaat, Ilaqutariinnik paarsisartut sullinneqarnerat tamakkiisoq, taamattaarlu Ilaqutariit paarsisartut sulineranni isumaginninnikkut perorsaanikkullu tunngasunik siunnersorneqartarnissaannut, inatsisillu atuuttut tunngavingalugit sullissinerup ingerlanneqarnera qulakkiissallugu. Qaninnertut pisortarissallugu Kommuneqarfik Sermersuumi Meeqqanut Ilaqutariinnullu Ingerlatsivimmi pinaveersaartitsinermik immikkoortortaqarfimmi aqutsisoq.

Tasiilami Ilaqutariinnut paarsisartunut siunnersortit maanna marluupput, aappaa suliunnaartussaalluni, Tasiilami Ilaqutariinnut paarsisartunut siunnersortitut atorfiit katillugit pingasuupput. Tamatuma saniatigut Kommuneqarfik Sermersuumi Meeqqanik Ilaqutariinnullu Ingerlatsiviup ataani Pinaveersaartitsinermik immikkoortortaqarfimmi Ilaqutariinnut paarsisartunut sullissinerup iluani aqutsisup saniatigut aamma teamlederimik sulisoqarpoq.

Ilaqutariinnut paarsisartunut siunnersortitut atorfik ulloq naallugu atorfiuvoq, ataasinngornermiit tallimanngornermut akunnerit suliffiusut 40-it  tunngavingineqarlutik, qaninnerpaatut aqutsisuulluni Meeqqanut Ilaqutariinnullu Ingerlatsivimmi Pinaveersaartitsinermut immikkoortortaqarfimmi aqutsisoq.

Atorfiup imarisaa:
Misilittagaqartumik Ilaqutariinnut paarsisartunut siunnersortitut suliaqarnermi peqataalluarsinnaasumik ataanilu makkunannga suliaqarluarsinnaasumik pissarsiorpugut:

  • Tasiilami nunaqarfiinilu ilaqutariinnik paarsisartunik eqeersimaartunik pissarsiniarneq.
  • Paarsaqarsinnaanermut akuersissutinik tunniussinissamut suliaqarnerit tamaasa.
  • Ilaqutariit paarsisartut sullinneqarnerat tamaat, taassuma iluani aamma paarsaqarnersiutissanik nalunaarusiortarneq.
  • Ilaqutariinnik paarsisartunik isumaginninnermut tunngasunik, perorsaanermullu tunngasunik pikkorissartitsinerit/piginnaanngorsaanerit, aqqutissiuussinerit siunnersuisarnerillu.
  • Ilaqutariit paarsisartut nakkutingineri.
  • Meeqqanik sullissisut suleqatigalugit meeqqat inuusuttullu eqqortumik inissinneqarnissaannik isumannaarinninneq.
  • Meeqqanik sullissisut suleqatigalugit angerlartitsinermut sulianik suliaqarneq.
  • Meeqqat angajoqqaarsianiittut pillugit suliassanik assigiinngitsunik sullissisunut apuussisarnerit, suleqataaffiginninnerillu.

Suliassat Kommuneqarfik Sermersuumi Ilaqutariinnut paarsisartunut siunnersortit allat kiisalu Meeqqanik ilaqutariinnillu sullissisut allat peqatigilluinnarlugit suliat ingerlanneqartassapput.

Qinnuteqartunut naatsorsuutigisat:

  • Isumaginninnermi siunnersortitut, perorsaasutit imaluunniit Isumaginninnermik suliaqarnermut siunnersortitut ilinniagalik
  • Inatsisinik atuaallaqqissuusutit paasinnillaqqissuullutillu.
  • Allannikkut oqalunnikkullu oqaasiliullaqqissuseqartutit.
  • Ilaqutariit paarsisartut aallaavigalugit suliami peqataasunik suleqateqarusussusilik, suleqateqarnissamullu piginnaasaqarluartoq.
  • Aaqqissuulluakkamik aamma tamakkiisumik isiginnittaaseqartumik sullissisinnaassusilik.

Pingaartipparputtaaq:

  • Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq.
  • Uippakajaarani arlariinnik suliaqarsinnaasoq.
  • Erseqqissumik tappissumillu allattariarsorlunilu oqaluttariarsorsinnaasoq.
  • Nammineerluni sulisinnaasoq, akisussaassuseqartoq sullissiumatoorlu.
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Nukittooq pilersitsiniallaqqissoq inissaqartitsiuartoq piumassuseqarluartorlu.
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq.
  • Atituumik suleqateqarluarsinnaasoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.


Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 612/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 23. oktober 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Gerda Fleischer
Telefon: +299 367206
Nittartagaq: http://www.sermersooq.gl
Qinnuteqaat nassiutiguk