Skip to main content
127

Dette jobopslag er udløbet

Tasiilami Dr. Ingrid-ip Meeqqerivia pisortamik pissarsiorpoq / Atorfiup nr. 389/21

Tasiilami Dr. Ingrid-ip Meeqqerivianut pisortassarsiorneq , taanna aamma meeraaqqerivik Amaagajaaq & nunaqarfinni Meeqqat ornittagaanni  tallimaasuni Kulusummi, Tiilerilaami, Sermiligaami, Isertumi & Kuummiini aqutsisuussaaq. 

Pisortatut aquisinissami  aamma meeqqat inuunerissut pingaartippigit? Tamakkiisumik isiginnittariaaseqarpit aamma nammineq allalluunniit "suliai arlallit" tigummisinnaavigit sulilu qungujulallutit - taava immaqa ILLIT tassaavutit, Tasiilami meeqqerivitsinnut, meeraaqqerivitsinnut aamma nunaqarfinni Meeqqat ornittagaannut aqutsisussatut pissarsiarerusutarput.

Dr. Ingridip Meeqqerivia mikisunnguuvoq Tasiilami inissisimasoq, meeqqanut 40-nut 3 - 6-inik ukiulinnut inissalik, taakkulu ininut marlunnut agguataagaapput, suleqatigiit aqutsisoq ilanngullugu qulingiluaapput. 
Ammasarfik: Ataasinngornermiit tallimanngornermut nal. 7 - 17.

Meeraaqqerivik Amaagajaaq mikisunnguuvoq meeqqanut 24-nut 0-imiit marlunnut ukiulinnut inissalik, taakkulu ininut marlunnut agguataagaapput, Tasiilami inissisimavoq, suleqatigiit arfineq-pingasuupput.  
Ammasarfik: Ataasinngornermiit tallimanngornermut nal. 7 - 17.

Meeqqat ornittagaat nunaqarfinni tallimani immikkut tamarmik meeqqanut 16-inut inissaqarput, pingasuniit arfinilinnut ukiulinnut, taakkulu Kulusummi, Tiilerilaami, Sermiligaami aamma Isertumi inissisimapput, taakkulu immikkut tamarmik 2,25-nik sulisoqarput.
Ammasarfik: Ataasinngornermiit tallimanngornermut nal. 8 - 15.

Meeqqat inuunerissuunissaat assut pingaartitaraarput, meeqqat ulluinnarni pitsaanerpaamik misigisaqarnissaat ineriartortinneqarnissaallu pillugu pitsaasumik sulineq, isumassuineq qanilaarnermik  pissuseqarneq pingaarnerutillugit.

Meeqqerivimmi, meeraaqqerivimmi kiisalu Meeqqat ornittagaanni ataatsimoorluta ilisarnaatigaarput meeqqanik sullissinermik nuannarisaqartuunerput naleqartitanillu, soorlu silamiittarnermik, qanilaartuunissamik nuannaarnermillu, pingaartitsisuunerput.
Meeqqanut angajoqqaavinullu tamanut ulluinnarni pitsaanerpaamik toqqissisimanarnerpaamillu pilersitserusuppugut.

Pisortamut  nutaamit naatsorsuutigaarput/kissaatigaarput

  • Aqutsisuunermit, sapinngisamik meeqqeriveqarfimmi, misilittagaqarneq.
  • Perorsaanermut tunngasunik aqutsisuulluarnissamut soqutiginninneq.
  • Meeqqanut suli atualinngitsunut perorsaanikkut inerikkiartuutaasunik ulluunerani. neqeroorutit pillugit Inatsisartut inatsisaat nr. 16, 3. december 2012-meersumik malinninneq aamma malitseqartitsineq, saniatigullu politikikkut periusissiat anguniakkallu malillugit sulineq.
  • Paasiuminartuuneq aamma ersarissuuneq, saniatigullu suleqatigiinnermik suliatigullu ineriartornermik pingaartitsineq.
  • Perorsaanikkut suleriaatsinik nutaanik ilisarititsineq aammalu sulisunut angajoqqaanullu ingerlatitseqqiineq.
  • Siuttuuneq isumassarsisitsinerlu, suliatigut perorsaanikkut suleriaatsinik nutaanik sulisunut ilisaritsitsineq.
  • Tusarnaarsinnaaneq akuersaartuunerlu.
  • Suleqatiginnilluarsinnaaneq tamakkiisumillu isiginnittuarsinnaaneq.
  • Meeqqanut, angajoqqaanut sulisunullu isumannaatsuutitsineq toqqissisimatitsinerlu
  • Aqutsisutut ersarittuuneq pisunullu peqataasarneq.
  • Meeqqerivinni allani aqutsisunik perorsaanikkut siunersiuisinnaaneq kiisalu suleqateqarsinnaaneq.
  • IT/qarasaasiamut piginnaasaqarneq.
  • allaffissornikkut aningaasaqarnikkullu aqutsisutut suliaqarsinnaasoq.
  • Ulluinnarni Dr. Ingrids Meeqqeriviani & meeraaqqerivik Amaagajaami tullersortinik qanimut suleqateqarneq.

Neqeroorutigaavut:

  • Suliffeqarfik pikkorissunik tunniusimasunillu sulisulik.
  • Atorfik soqutiginartoq, akisussaaffeqarnissamik allannguutinullu piareersimanissamik piumasaqaatitalik.
  • Perorsaanikkut sulisunik aqutsinissamut periarfissaq saniatigullu inini ataasiakkaani meeqqanik toqqaannartumik sullissineq.
  • Suliffimmi avatangiisit pitsaasut, quianarsinnaasunut illarnermullu inissaqartitsisut.

Meeqqerivinnut aqutsisooqatigiinnullu naleqquttunik ingerlaavartumik pikkorissarnissamut meeqqeriveqarnermut immikkoortortamit neqerooruteqartoqartarpoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 389/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 30. juli 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Naussunguaq Lyberth
Telefon: +299 367324
Nittartagaq: http://www.sermersooq.gl
Qinnuteqaat nassiutiguk