Skip to main content
137

Dette jobopslag er udløbet

Tasiilami alivarpi pisortassarsiorpoq

Pisortaarusussuseqarpit meeqqat inuunerinnissaannik anguniagaqartoq? Tamaaat ataatsimut isiginninneq pigaajuk aamma suliassat assigiinngitsorpassuit ingerlanneranni, tulleriiaaripallassinnaaneq tamannalu ilutigalugu qungujulaarsinnaassuseqarneq pigaajuk – taamaappat immaqa taassaavutit illit ujartugarput?

 

Kommuneqarfik Sermersooq misilittagaqartumik Tasiilami Alivarpi pisortassarsiorpoq.

 

Atuarfiup pisortaata siuttuuffigissavaa, Meeqqanut Atuarfeqarnermullu Ingerlatsiviup atuarfeqarnermut tunngatillugu takorluugai. Taakku ilaatigut tassaallutik peqqissunik, alapernaatsunik aamma meeqqanik tatitussusilinnik pilersitseqataaneq kiisalu meeqqat atuarfianni naammassinermi, meeqqat amerlanerpaat ilinniarfinnut ingerlariaqqinnissaannik eqqanaarinneqataasinnaaneq. Atuarfiup pisortaa ersarissunik takorluugaqartariaqarpoq, qulaani taaneqartut atuarfimmi anguniakkatut piviusunngortissinnaanerlugit. Ilanngullugu pisortaq ersarsissuusariaqarpoq tatiginartuullunilu.

 

 

Tasiilami Alivarpia atuarfiuvoq, sulinermi atugarissaarnissamik kissaateqartoq minnerunngitsumillu atuartunut sulisunullu toqqissisimasumik peqqinnartumillu pilersitserusuttoq taamaasilluni toqqissisimaneq sulerusussuseqarnerlu pingaartinneqarput. Atuarfik tasssaasaaq iluaqutaasoq ilikkarusussuseqanermik siuarsaasoq.

Tasiilap Alivarpiani naatsorsuutigaarput, ilinniartitsisutta suliassamut pikkorissuseqarneq kiisalu suleqatigiinneq nukittooq aallaavigalugit pitsaanerusumik ilikkarusussuseqarnernik avatagiiseqartitsisinnaaneq.

Tasiilap Alivarpia ukiorpaalunni pisortanik paarlakaattumik ingerlanneqarpoq taamaattumik aalajaatsumik, piumassuseqartumik pisariaqartitsivoq, pisortassarlu aalajaannermik, toqqissisimanermik aamma attaveqaqatigiinnermik, sunniivigeqatigiinnermik kiisalu suleqatigiinermik nukittorsaanissamik sulerusussuseqartuussaaq.

Tasiilami Alivarpi Kommuneqarfik Sermersuup atuarfiata ilagaat, 320-nik atuartuuteqartoq. Ukioqatigiit marlunnut ingerlasuuvoq, atuaqatigiikkaat 20-iullutik kiisalu immikkut atuartinneqartartut klassit tallimaallutik. Atuaqatigiikkaat 1. Klassiniit 10. Klassit ilanngullugit atuartinneqartarput alloriarfiillu pingasuullutik. Atuartitsisartut tamakkerlugit 60-iupput pisortat ilanngullugit.Atuarfik illoqarfiup qeqqani inissisimavoq.

 Tasiilaq pillugu paasissutissat

Tassilaq Kalaallit Nunaata kangiani illorfinni annersaavoq 2000 missaanik innuttaqartoq, tunumilu illoqarfiulluni takornariaqarnerpaaq. Pinngortitarsuup kusanartup saniatigut Tasiilaq misigisassarsiornissamut periarfissaqarluarpoq soorlu angallammik sikut akornasigut angalaarnermik, qimussernermik, snescooternermik, sisoraaserluni ujakkaarnermik, nuakkut pisunnermik allarpassuarnillu. Aalisarnermik piniariarnermillu nuannarisaqaruit periarfissaqarluarpoq. Iluatsiteriaruit aamma nannunik, qilalukkanik, aavernik, puisinik allanillu uumasunik imarmiunik takunnittoqarsinnaavoq.

Tassilami inuttaasut qanilaartuupput avataaniit tikittunut ammasut. Inuttaasut ataqatigiilluartut sumiiffimminni akaaeqatigiittut. Ukiup ingerlanerani assigiinngitsunik sammisaqartitsisoqartarpoq soorlu qilaatersornernik, kalattoornernik, arpatsitsinernik kiisalu kommunimit aaqqissuussat allat. Illoqarfimmi timersoqatigiiffiit arlaqarpuq, kiisalu aqeqanngitsumik timigissarsinnaanerit sisorsrnermilu majuartaammik akeqanngitsumik atuisinnaanerit.

 

 

Atuarfiup pisortassaatut ujartorparput:

  • Atuarfimmik meeqqat inuusuttullu ilinniartinneqarneranni ingerlatsilluarusuttoq, Tasiisali Alivarpiup . Atuarfiup ineriartortitseqinnissaanut atuarfiup siulersuisui, sulisut, angajoqqaallu peqatigalugit suliniuteqartoq.
  • Suliniutinik inissitsiterisinnaasoq atuarfimmi sullivimmik naammagisimaarinnillutik nuannarinnillutillu sulisitsilluni.
  • Ammasoq ersarissorlu anguniakkaminik ersarissumik siunniussalik, illoqarfimmi ummaarissumi ineriartortitsinermut peqataarusuttoq.
  • Perorsaanikkut allaffissornikkut kiisalu sulisunut tunngasunik suliaqarnermik soqutigisalik.
  • Pisunut malinnaalluartoq, aaliangiisinnaassusilik, pilersaarusiorsinnaassusilik sulianillu agguataarisinnaasoq atuarfiup nunarsuarmioqataanitsinnut ineriartortinnissaanut soqutiginnittoq.
  • Atuartoq qitiutillugu atuarfimmik ingerlatserusuttoq, atuartoq piginnaasani aallaavigalugit ineriartortinniarlugu.
  • Sermersuumi atuarfiit akimorlugit suleqateqarsinnaasoq atuartut atualertussallu ineriartorteqqinnissaannut.
  • Ilinniartitsisutut ilinniarsimasoq imaluunniit assigusumik, kandidatitut ilinniarsimasuusinnaavoq.
  • ajoranngippat marluinnik kalaallisut qallunaatullu oqaasilik. Tuluttoorsinnaaneq iluaqutaassaaq.

 

 

 

Akissaatinut atorfinitsitaanermullu tunngatillugit atugassarititaasut:Naalakkersuisut aamma Ilinniartitsisut Meeqqat Atuarfianneersut Kattuffiata (IMAK) akornanni Kalaallit Nunaanni allanilu meeqqat atuarfiini ilinniartitsisut pillugit isumaqatigiissut. Isumaqatigiissut manna malillugu atorfinitsinneqarnermi sivisisunerpaamik qaammatini pingasuni misiliisoqarnissaa aalajangersarneqarpoq.

  • Atorfinitsinneqartoq nuunnermi ajunngitsorsiassaqartitsineq pillugu isumaqatigiissummi ilaavoq
  • Immikkut ukiuni aalajangersimasunut atorfinitsinneqarneq pilluguisumaqatigiissut 16. februar 2007-imeersoq malillugu atorfinitsissineq.
  • Qaammatini 12-t atorfeqareernermi atorfeqartoq ilaquttanilu akiliunneqarluni angalasarneq isumatigiissut pillugu akiliunneqarluni angalasarneq Kalaallit Nunaanni Namminersornerullutik Oqartussani IMAK akornanni isumaqatigiissut augustusi 26, 2014-meersoq malillugu.

 

 

Maluginiaruk:

Tjenestemanditut atorfeqareersut kisimik atorfininnermi tjenestemandiutinneqarsinnaapput.

 

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

 

Inissiaq:Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl.

 

 

Atorfimmut tunngasumut arlaannik apeqqutissaqaruit saaffigisinnaavat:

Fagchef Riikki Grønvold, telefon: + 299 36 73 03, E-mail: rigr@sermersooq.gl

 

 

Qinnuteqaat:
Qinnuteqaatip ilisarnaataata Atorfiup nr. 427/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 13.-at, 2022

Atorfik una qinnuteqarfigiuk