Skip to main content
100

Tasiilami Alivarpi marlunnik ilinniartitsisussarsiorpoq / job nr. 515/19

Kommuneqarfik Sermersuup atuarfiani Tasiilami Alivarpimmi ilinniartitsisunik pisariaqartitsivugut.

Pisinnaasat:

  • Ilinniarfissuarmi ilinniarnikoq
  • Kiinnerluarsinnaasoq, suliaminut tunniusimalluarlunilu, nammineq aallartitsisinnaasoq
  • Suleqatit, aqutsisut, angajoqqaallu suleqatigisinnaalluarlugit
  • Periarfissanik ingerlatsisinnaaneq, aporfiit uniffigiinnarnagit
  • Atuarfimmi avatangiisini allanngorartuni ineriartortunilu, suleqataanissamut piumassuseqarneq
  • Atuarfimmi immikkoortortaqarfiusumi, suleqatigiinnermik ineriartortitseqataallunilu suleqataasinnaasoq

Neqeroorutigisinnaasagut:

  • Atuarfik ineriartortitsinermik pingaartitsisoq, inuttut ilinniarsimassutsikkullu ineriartornissamik periarfissiisoq
  • Atorfik pissanganartoq, suliffillu perorsaariaatsinik ineriartortitsinermi pingaartitsisoq
  • Suleqatit akornani tapersersorluaqatigiinneq
  • Suleqatitsialaat suleqatigiillaqqissut
  • Suliassanut tunngatillugu sunneeqataasinnaaneq, pilersaarusiorsinnaanermullu periarfissaqarluarneq

Tasiilami Alivarpi

Tasiilami Alivarpi, Tasiilami atuarfiuvoq, 430 miss. atuartoqartoq, klasset 29-iupput, pingasunillu immikkoortortaqarluni. Ilinniartitsisut 59-iupput. Atuarfik, Kalaallit Nunaata kangiani illoqarfiit annersarivaat 2300 miss.inuttaqarluni, nunattalu kangiani piorsarsimassutsikkut pingaaruteqarluni.

Atuarfiup pisortaanut Nukánguak´ Kristiansenimut saaffiginnittoqarsinnaavoq.  Tlf. (+299) 36 78 01, E-mail: nukr@sermersooq.gl

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat. Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:
Ukiunut aalajangersimasunut immikkut ittumik atugassaqaratitsilluni atorfinitsitsisoqassaaq, Namminersorluik Oqartussat kiisalu Ilinniartitsisut Meeqqat Atuarfianeersut Kattuffiata IMAK-ip akornanni isumaqaitigiissutaat naapertorlugu. 

Tjenestemandioreeruit aatsaat tjenestemanditut atorfinitsinneqarsinnaavutit. Isumaqatigiissut malillugu atorfinitsitaanermi atorfineqqaamut misilitsiffik ukioq ataasiuvoq. Isumaqatigiissut malillugu aamma tjenestemanditut atorfinitsitaanerni tamani ilinniartitsisutut ilinniagaqarluni naammassinermiit ilinniartitsisutut atorfeqarsimaneq naatsorsorneqartarpoq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Atuarfiup ilisarnaataa 515/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 4. September 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Nukannguaq Kristiansen
Telefon: +299 367812
Nittartagaq: http://www.sermersooq.gl
Qinnuteqaat nassiutiguk