Skip to main content
75

Dette jobopslag er udløbet

Tasiilami alivarpi inunnik isumaginninnermik siunnersortissarsiorpoq / Atorfiup normua 251/20

Tasiilami atuarfik Kalaallit Nunaata kangianiippoq, alloriarfinnik immikkoortortaqarpoq, atuartut 430 missaaniillutik, ilinniartitsisoqarlunilu 60-nik tunniusimalluartunik.

Atuartuupput 1. – 10. kl. Alloriarfiit pingasuupput: atualerlaat 1 – 3. kl., akulliit 4.- 7. kl. angajulliit 8. –10. kl., immukkullu atuartitat arlallit.

Atuarfik ineriartortitsinissaminik malinnaasoq, suleqatitsialaat, meeqqat piuminartut, suliffik ulapaarfiusoq, suleqatigiillu tapersersoqatigiilluartut.

Atuarfimmi inunnik isumaginnittutut, atuarfimmi qitiusumik ikorfartuiffimmi sulissaatit. Qitiusumi ikorfaretuiffimmi sulisuupput: Familieklassemi ilinniartitsisut, immikkut atuartitsinermi siunnersuisartullu. Suleqatigiit akornnissinni siunnersoqatigiissinnaavusi, perorsaariaatsinullu tunngatillugu eqqartueqatigiissinnaallusi. Taassumap saniatigut, kommunip ilaqutariinnik immikkoortortaqarfianiittut inunnik isumaginninnermi siunnersortit suleqatigisassavatit, peqqinnermi pinaveersaartitsinermi immikkoortortaq, Misilu suleqatigisassavatit.

Inunnik isumaginninnermi siunnersortitut sulininni, suliassanni pingaarnertut taaneqarsinnaavoq, qitiusumik ikorfartuiffik, ilinniartitsisut aqutsisullu qanimut suleqatiginissaanik aaqqissuussinissaq.

Aamma atuarfiup angerlarsimaffiullu akornanni suleqatigiinnissamut tunngatillugu, pitsanngorsaanissamut suleqataasassaatit. Ilinniartitsisunik siunnersuisassaatit, nalunaarusiornermut tunngatillugu, atuartunik angajoqqaanillu oqaloqateqartarlutit, ilinniartitsisullu isummersueqatigisarlugit.

Taakkua saniatigut, inunnik isumaginninnermi siunnersortitut sulininni, Kommuneqarfik Sermersuup inunnik isumaginninnermi siunnersortii allat suleqatigillugillu isummersoqatigisassavatit.

Atuarfimmi sulisut, Ilaqutariinnermilu immikkoortortaqarfik suleqatigalugit, iliuusissanut pilersaarusioqatigisassavatit, assersuutigalugu atornerluinermi qinngasaarinermulluunniit pinaveersaartitsinissamut tunngatillugu. Aammattaaq atuarfiimi sakkortuumik pisimasoqartillugu piareersimasuni suleqataallutit.

Klassemi sakkortuumik pisimasoqartillugu, ilinniartitsisut ilaqutariillu suleqatigalugit, klassemut tunngatillu, iliuusissanik pilersaarusiussaasi. Tassani oqaloqatigiinnittassaasi, siunnersuillusilu.

Inunnik isumaginninnermi siunnersortip, atuarfimmi pisortaq pisortarissavaa.

Naatsorsuutigisavut:

  • Inunnik isumaginninnermi siunnersortitut assigisaanilluunniit ilinniarsimanerit.
  • Inunnik isumaginninnermi siunnersuinermik suliaqarnermut misilittagaqarneq
  • Sulinermut tunngatillugu, ilinniagaqarsimasutut sulineq.
  • Kiinnerluarlutit ammasuuneq
  • Aaqqiigiagiinngittoqaraangat, tunniusimalluarlutit suleqataaneq
  • Meeqqanut, angajoqqaanut, suleqatinullu tunngatillugu sulianut malinnaaneq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, AK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput. 

Qinnuteqaat:
Qinnuteqaatip ilisarnaataata Atorfiup normua 251/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                       
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 4. juni 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Morten Boel Nielsen
Telefon: +299 367802
Nittartagaq: http://www.sermersooq.gl
Qinnuteqaat nassiutiguk