Skip to main content
148

Dette jobopslag er udløbet

Tapersersorti Nukariinnut

Kommuneqarfik Sermersooq pikkorissumik, aalajaatsumillu tapersersortimik Nukariinni piaartumik imaluunniit isumaqatigiissuteqarnikkut sulilersussamik sulilersinnaasumik pissarsiorpoq.

 

Tapersersortitut sulinermi meeraq tapersersortaaffigissavat. Sapaatip akunneranut 40 tiimi sulisassaatit.

 

 

Naatsorsuutigaarput:

  • Perorsaasutut, socialassistentut , imaluunniit socialhjælperitut ilinniagaqarsimassasutit, imaluunniit tassunga assingusumik.
  • Inoqatinnut tapersersuisuusutit inissaqartitsisuusutillu
  • Akisussaassuseqarluarnissat aammalu aalajaatsuusutit
  • Suleqateqarnermik pilersitsisinnaasoq meeqqanut angajoqqaanut suleqatinullu
  • Nuannersumik anersaaqartut, sullerissuusutillu
  • Ukiumut marloriarluni nalunaarusiorsinnaasoq
  • Iliuusissanut pilersaarusiaq malillugu sulisinnaasoq
  • Eqeersimaartuunissat akusussaaffimmillu tigusisinnaanissat

 

 

Pingaartipparputtaaq:

  • Aalajaatsoq, pitsaasutsimik pingaartitsisoq immikkuualuttullu ilanngullugit malussarissoq
  • Uippakajaarani arlariinnik suliaqarsinnaasoq
  • Nammineerluni sulisinnaasoq, akisussaassuseqartoq sullissiumatoorlu
  • Sulianutatatillugu sungiussilluarsimasoq ataavartumillu suliat agguataarneqartarnerannik nalimmas-saalluarsinnaasoq
  • Ulloq ulapaarfiugaluarpalluunniit ukkararinnilluarsinnaasoq ataqatigiissitsilluarsinnaasorlu
  • Nukittooq pilersitsiniallaqqissoq inissaqartitsiuartoq piumassuseqarluartorlu
  • Atituumik suleqateqarluarsinnaasoq
  • Qinnuteqartoq marluinnik kalaallisut qalunaatullu oqaaseqartuuguni iluaqutaassaaq

 

 

Annertunerusumik paasisaqarusukkuit:
Annertunerusumik paasisaqarusukkuit pisortaq Dorthe Z. Kristiansen attavigisinnaavat uunga oqarasuaat 366109 imaluunniit e-mail-imut uunga: dozk@sermersooq.gl 

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

 

Qaammatini pingasuni misiligummik atorfinitsitsisoqarsinnaavoq.

 

 

Inissaq:
Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:
Qinnuteqaat qulequtserlugu Atorfiup ilisarnaataa 697/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALIGIUK:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 11.-at, 2022

Atorfik una qinnuteqarfigiuk