Skip to main content
143

Dette jobopslag er udløbet

Susassaqartitsivimmut immikkoortortaqarfik suliniutinut suleqatissarsiorput

Kommuneqarfik Sermersuumi Susassaqartitsinermut Immikkoortortaqarfik suliniutinut suleqatissarsiorpoq

 

 

Aaqqissuulluakkamik suleriaaseqarpit suliassanillu allaffissornermut suliniutinullu tunngasunik suliaqarusullutit? Susassaqartitsinermut Immikkoortortaqarfik suliniutinut suleqatissarsiorpoq, allaffissornikkut misilittagalimmik aamma suliniutinik aqutsinermik misilittagaqarsinnaasumik.   

 

Susassaqartitsinermut Immikkoortortaqarfik suliffiuvoq ineriartorfiujuartuulluni pissanganartoq uummaarissorlu. Susassaqartitsinermut Immikkoortortaqarfik Meeqqanut Atuarfeqarnermullu Ingerlatsivimmiippoq.  Immikkoortortaqarfimmi suliniutinut suleqatitut illit pingaarnerusumik immikkoortortaqarfimmi suliniutit assigiinngitsut aamma suliassat assigiinngisitaartut ingerlattassavatit. Taamaattumik suleqateqallaqqissuunissat pingaaruteqarpoq.

 

Suliniutinut suleqatitut suliffimmi immikkoortortaqarfimmi fagchefi sulisitsisorissavat, suliallu immikkoortortaqarfimmi apisortat allat suleqatillu suleqatigalugit ingerlanneqartassallutik.   

 

 

Makkuninnga akisussaaffeqassaatit:

  • Susassaqartitsinerup iluani suliniutinik aqutsineq.
  • Suliat pitsaassusaannik qulakkeerinninneq.
  • Missingersuutinik, pilersaarusiornermik, akiligassat akilernerinik aamma missingersuutissatut siunnersuutit ataqatigiissarnerinik ikiuunneq
  • Susassaqartitsinermut tunngasunik suliassanik/suliniutinik ataqatigiissaarineq ineriartortitsinerlu.
  • Assersuutigalugu Meeqqat ulluat, Timersortartut ulluat, atuanngiffeqarnermi sammisassat, illoqarfimmi inuusuttunut sammisassat, Royal Run, Majuarta il.il.   
  • Ingerlatsivimmi suliassaqarfiit assigiinngitsut akornanni suleqateqarneq aamma suleqatigisartakkanik attuumassuteqartunik suleqateqarneq.  
  • Ataatsimiinnerni assigiinngitsuni imaqarniliorneq.
  • Suliassat takkussuuttut.

 

 

Qinnuteqartumut naatsorsuutigisat:

  • Naleqquttumik ilinniagaqarsimassasutit
  • Susassaqarnermut tunngasuni suliassanut soqutiginnittuussaatit
  • Nammineerlutit suliaqarnissamut ujartuillaqqissaatit iliuuseqarusuttuullutillu
  • Ineriartortitsinissamut piginnaasaqartutit, nutaanik pilersitsisinnaassallutit, aamma immikkoortortaqarfimmi ineriartortitseqataanissamut sapiissuseqarlutit
  • Aaqqissuulluagaasumik akisussaaffilimillu suleriaatsimik takutitsisinnaallutit
  • Ataatsimoorluni sulianik kivitseqatigiittarnerup pitsaaqutai takusinnaavatit, suleqateqallaqqissuuvutit, immikkoortut, ingerlatsiviit suliffeqarfiillu akornanni pissutsinik eqqarsaateqallaqqissuuvutit.

 

 

Uagut neqeroorutigaavut:

Allaffissornikkut aaqqissugaasumi ineriartortuartumi allanngorartumilu suliffik pissanganarlunilu allanngorartoq, innuttaasunut pitsaanerpaamik iluaqutaaqqullugu. Ulluinnarni pissanganartumik susassaqartitsinermut suliassaqarfiup immikkoortuisa akornanni suliat tungaatigut inuttullu piginnaaninnik ineriartortitseqqinneq.   

 

 

Annertunerusumik paasisaqarusukkuit:
Annertunerusumik paasisaqarusukkuit pisortaq Frederik Lundblad attavigisinnaavat uunga oqarasuaat 366080 imaluunniit e-mail-imut uunga: frel@sermersooq.gl  

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Ilinniartitsisut Meeqqat Atuarfianneersut Kattuffiat (IMAK-ip) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq. Imaluunniit kattuffik alla isumaqatiginninniarsinnaatitaasoq.

 

Qaammatini pingasuni misiligummik atorfinitsitsisoqarsinnaavoq.

 

 

Inissaq:
Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:
Qinnuteqaat qulequtserlugu Atorfiup ilisarnaataa 658/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 28.-at, 2022

Atorfik una qinnuteqarfigiuk