Skip to main content
130

Dette jobopslag er udløbet

Susassaqartitsinermut Immikkoortortaqarfik AC-fuldmægtigimik pissarsiorpoq

Kommuneqarfik Sermersuumi Susassaqartitsinermut Immikkoortortaqarfik AC-fuldmægtigimik pissarsiorpoq

Aaqqissuulluakkamik ingerlatsisarpit suliassanillu allaffissornermut suliniutinullu tunngasunik suliaqarusullutit? Susassaqartitsinermut Immikkoortortaqarfik AC-fuldmægtigimik allaffissornermi sulinerup iluani misilittagalimmik ajornanngippallu suliniutit angisuut ataqatigiissarneqartarnerinut misilittagalimmik pissarsiorpoq. 

Susassaqartitsinermut Immikkoortortaqarfik suliffiuvoq ineriartorfiujuartuulluni pissanganartoq uummaarissorlu. Susassaqartitsinermut Immikkoortortaqarfik Meeqqanut Atuarfeqarnermullu Ingerlatsivimmiippoq. Immikkoortortaqarfimmi AC-fuldmægtigitut politikkikkut suliat saqqummiunnissaat allatallu pitsaassusaannik qulakkeerineq pingaarnertut isumagisarissavat. Taamaattumik allallaqqissuunissat pingaaruteqarpoq.

AC-fulgmægtigitut suliffimmi immikkoortortami fagchefi qaninnertut sulisitsisorissavat suliallu allannerini immikkoortortaqarfiup aqutsisui suleqatigissavatit.

 

 

Makkuninnga akisussaaffeqassaatit:

  • Politikkikkut sulianik saqqummiussineq
  • Allatat aqutsisoqatigiinnut saqqummiussassat pitsaassusaannik qulakkeerineq
  • Missingersuutinik, pilersaarusiornermik, akiligassat akilernerinik aamma missingersuutissatut siunnersuutit ataqatigiissarnerinik ikiuunneq
  • Susassaqartitsinermut tunngasunik suliassanik/suliniutinik ataqatigiissaarineq ineriartortitsinerlu
  • Ingerlatsivik akimorlugu suleqatigiinneq
  • Ataatsimiinnerni assigiinngitsuni imaqarniliorneq
  • Suliassat takkussuuttut

 

 

Qinnuteqartumut naatsorsuutigisat:

  • Naleqquttumik ingerlaqqiffiusumik ilisimatusarnikkut ilinniagaqarsimasuuvutit
  • Susassaqarnermut tunngasuni suliassanut soqutiginnittuusutit
  • Nammineerlutit suliaqarnissamut ujartuillaqqissasutit
  • Ineriartortitsinissamut piginnaasaqartutit, nassaarsiullaqqissuusutit immikkoortortaqarfimmillu ineriartortitseqataanissamut apiissuseqarlutit
  • Suliassanik suliarinneriaatsikkut aaqqissuussaanermik akisussaaffimmillu takutitsisinnaallutit
  • Ataatsimoorluni sulianik kivitseqatigiittarnerup pitsaaqutai takusinnaavatit, suleqateqallaqqissuuvutit, immikkoortut, ingerlatsiviit suliffeqarfiillu akornanni pissutsinik eqqarsaateqallaqqissuuvutit

 

 

Uagut neqeroorutigaavut:

Allaffissornikkut aaqqissugaasumi ineriartortuartumi allanngorartumilu suliffik pissanganarlunilu allanngorartoq, innuttaasunut pitsaanerpaamik iluaqutaaqqullugu. Ulluinnarni pissanganartumik susassaqartitsinermut suliassaqarfik akimorlugu suliat tungaatigut inuttullu piginnaaninnik ineriartortitseqqinneq. 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq Ingerlatsivimmi sulisunut tamanut meeqqanik innarliisimannginnermut uppernarsaat piumasaqaataavoq pissutigalugu suliniutit ilaannut tunngatillugu meeqqat tikillugit sullitarineqarsinnaasaramik. Atorfinitsitsineq qaammatini pingasuni misiligutitaqassaaq.

 

 

Inissaq:

Atorfininnermut atatillugu inissaqartitsisoqanngilaq.

Qinnuteqartorli Kommunimi atorfeqarnerminut atatillugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa.

 

 

Annertunerusumik paasisaqarusukkuit:

Frederik Lundblad, tlf. 36 60 80 og mail: frel@sermersooq.gl

 

 

Qinnuteqaat:
Qinnuteqaatip ilisarnaataata Atorfiup ilisarnaataa 436-22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani ikkunneqassaaq qinnuteqarnermi.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 25.-at, 2022

Atorfik una qinnuteqarfigiuk