Skip to main content
130

Dette jobopslag er udløbet

Susassaqartitsinermut immikkoortortaq perorsaanermik siunnersortissarsiorpoq

Tutsuiginartuuguit, allannguerusussuseqarlutit unamminartunillu suliaqarusullutit. Taava Kommuneqarfik Sermersuumi sulinissat ilinnut piukkunnaateqarpoq.

Eqeersimaartuuit, isumalluartuullutillu aamma qiimasuuit, inuttut angusanik pitsaalluinnartunik tunniussisinnaasoq? Taava illiusimassaaq ujartugarput. Kommuneqarfik Sermersuumi Meeqqanut Atuarfeqarnermullu Ingerlatsiviup Susasssaqartitsinermut Immikkoortortaani nukissaqarluartumik nutaaliorussuseqartumillu suleqatissarsiorput, taassuma isumagissallugit sunngiffimmi atuartitsinermut aamma meeqqanut inuusuttunullu aaqqissuussinerit, soorlu atuanngiffiup nalaani aaqqissuussinernut tunngasut.

Innuttaasunut pingaartumik meeqqanut inuusuttunullu susassaqartitsinissaq pingaartitarigukku, Kommuneqarfik Sermersuumi perorsaanermik siunnersortitut atorfik pissanganartoq ineriartortinneqartuartorlu neqeroorutigaarput.

Susassaqartitsinermut immikkoortortaq immikkoortortaavoq eqeersimaarfiullunilu ineriartortinneqartuartoq, kommunimi innuttaasunut pitsaasunik periarfissaqartititsoq.

 

 

Makkua suliassarivatit:Kommunip innuttaasuinut iluaqutaasussanik pitsaaliuinermut suliniutinik siunnerfilinnik eqeersimaarlutik kajumissuseqarlutillu suleqatigiinni suleqataalissaatit. Perorsaanermik siunnersortitut atorfeqarnermi pitsaaliuinermi suliat sulisunit sakkussaqarfigineqarlutik suliarinissaannut "hands-on" aamma eqinnaatsumik sulisoqassaaq, sunngiffimmi atuartitsissutigineqarsinnaasut nutarterneqartassapput kiisalu nammineq kajumissutsimik suliaqartartunik annertusaanissamik suliaqartarneq.

 

 

Perorsaanermik siunnersortitut akisussaaffigisassatit makkorpiaassapput:

  • inersimasunillu sunngiffimmi atuartitsineq
  • Sunngiffimmi atuartitsinermi ilinniartitsisut tiiminut nalunaarsuiffinnik katersineq
  • Sunngiffimmi atuartitsissutaasinnaasunik periarfissarsiorneq
  • Sunngiffimmi atuartitsinermik ilinniartitsinertalimmik ingerlaavartumik nakkutilliineq
  • Kommunip sullissinerani kajumissutsimik suleqataasartut periarfissarsiuunnerini suliniutinik suliaqarneq
  • assigiinngitsunik pilersaarusiorneq aaqqissuinerlu, soorlu atuartut atuanngiffiisa nalaani
  • digitalinngorsaaneq
  • takkussortut

Ilinniartitsineq piumaarpoq. Pingaarnerpaavorli, nutaaliornissamik suliaqarusussuseqartuunissat

 

 

Qinnuteqartunut naatsorsuutigisat:

  • Inunnut allanut attaveqarsinnaassuseqartutit
  • Ilinniartitsisutut ilinniagaqarsimanissat
  • Inunnut katersuussimasunut amerlanerusunut saqqummiinissaq ajornartorsiutigineq ajorit

 

 

Pingaartipparputtaaq:

  • Nukissaqarluartuusutit, pitsaasussarsiortuusutit, sulianut paasisimasaqartuullutillu tunniusimasuusutit
  • Immikkoortortami allaanerusartumik qiimanermillu anersaaqarfiusumi iluarisimaarinnilluni sulinissaq.
  • Allannguinermik inunnut sunniuteqarsinnaasutit
  • Killilersuineq pinnagu periarfissanik takunnissinnaaneq taakkulu iliuuseqarfiginissai.
  • Suleqatiginnillaqqissuuvutit – ataatsimut suliniuteqarnikkut angusat pitsaanerpaat ilisimavatit.
  • Akisussaaffimmik tigusisinnaaneq, suliallu naammassinissaasa tungaanut suliarisinnaallugit.
  • Unammillernartunik suliaqarsinnaaneq, allannguerusussuseqarneq.
  • Marlunnik oqaaseqartutit, kalaallisut/danskisullu

 

 

Uagut neqeroorutigaavut:
Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut

 

 

Akissaatinut atorfinitsitaanermullu tunngatillugu atugassarititaasut:Akissarsiaqarnermut atorfinitsitaanermullu atugassarititaasut Namminersorlutik Oqartussat aamma IMAK akornanni isumaqatigiissut atuuttoq naapertorlugu pissapput, atorfik una misissorneqaleruttorpoq, misissorneqarneratalu ingerlanerani akissarsiatit inissinneqarallassapput. Meeqqanik toqqaannartumik attaveqarfiusuni suliniutinik suliaqartarnissat pillugu meeqqanik pinerliisimannginnermut uppernarsaat piumasaqaataavoq. Atorfik qaammatinik pingasunik sivisussuseqartumik misileeqqaarfiussaaq

 

Atorfinitsitsineq qaammatini pingasuni misiliutaaqqaassaaq.

 

 

Inissaq:
Atorfimmut atatillugu inissaqartitsisoqanngilaq.

 

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

 

 

Atorfimmut atatillugu inigisassamik innersuussisoqarsinnaanngilaq.
Atorfik taanna meeqqanik pinerliisimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

 

Qinnuteqaat:
Qinnuteqaatip ilisarnaataata atorfiup normua 463/22, aamma ilinniagaqarsimaneq siornatigullu sulisimanerit pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

 

Ima qinnuteqassaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

 

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

 

 

 

Qinnuteqarnissamut killissarititaasoq: juulip 25.-at, 2022

Atorfik una qinnuteqarfigiuk