Skip to main content
100

Dette jobopslag er udløbet

Sunngiffimmi ornittagaq Aamarngaaq Aqutsisumik pissarsiorpoq / Atorfiup normua: 500/19

Tasiilami sunngiffimmi ornittakkami aqutsisutut atorfik inuttassarsiuunneqarpoq. Sunngiffimmi ornittagaq Aamarngaaq Amandusip Aqqalaa B 1112-imiittoq meeqqanut inuusuttunullu 120-nut inissaqarpoq.

Ornittagaq marlunnut atorneqarpoq, tassani illu ulluunnerani nal. 07.00 17.00-lu akornanni atuareersunik paaqqinnittarfiuvoq meeqqanut 1. klassimiit 3. klassimut 120-nut inissalik unnukkullu meeqqanut inuusuttunullu 120-nut inissaqarluni piffissami 17:30 aamma 23:00 akornanni inuusuttuaqqanut nukarlernut qulingiluaniit 13-inut ukiulinnut klubbitut  aammalu 14-it 21-llu akornanni ungdomsklubbitut atuuttarluni.

Ornittakkami aqutsisup atuuffiit taakku marluk, atuareersunut paaqqinnittarfiup kiisalu inuusuttuaqqanut nukarlernut – angullernut klubbip, aqunneqarneranni akisussaasuuvoq

Ornittakkami sulisut amerlassusilerneqarput atorfinnut katillugit 17-inut imatut agguarneqarlutik: sunngiffimmi ornittakkami aqutsisoq, aqutsisup tullersortaa, immikkoortortaqarfimmi aqutsisoq, perorsaasut marluk, isumaginninnermi ikiortit sisamat, ikiortit arfineq pingasut, taakkunannga aqqanillit atuareersunik paaqqinnittarfimmi arfininnillu inuusuttuaqqanut nukarlernut – angajullernut klubbimi.

Aqutsisoq atuareersunik paaqqinnittarfimmi perorsaasuuvoq piffissalu nal. 08.00 aamma 16.00 akornanni sulisarluni.
Immikkoortortaqarfimmi aqutsisoq inuusuttuaqqani angajullerni perorsaasuuvoq piffissallu nal. 17.00 aamma 23.00 akornanni sulisarluni.

Aqutsisoq, aqutsisup tulliani immikkoortortaqarfimmilu aqutsisoq suleqatigiillutik aqutsisuupput neqeroorutinilu perorsaanermi ineriartorneq, angajoqqaanik suleqateqarneq sulisunillu aqutsineq akisussaaffigalugit.

Aqutsisutut atorfeqarnermi suliassat:

  • Aqutsisoq aqutsisup tullersortaanik isumasiueqateqartarpoq, suleqatigiillutillu anguniakkat siunertallu pingaarnerit eqqortineqarnissaat kiisalu perorsaanermik suliaqarnermi najoqqutassiat sulinermi atorneqarnissaat qulakkiissallugu. Tassani pineqartoq atuareersunik paaqqinnittarfimmi sulisunut suliassanik ingerlatsinermi sulisunillu aqutsinermi aqutsisuuvoq qaninneq. Aqutsisoq tamassuma saniatigut ornittakkap aningaasaqarnerata ingerlatsinermilu missingersuutit eqqortinneqarnisaannik ilitsersuisinnaatitaavoq akisussaasuullunilu.
  • Aqutsisoq inimi sulisunut ilaavoq aammalu angajoqqaanik suleqateqartarluni, iliuusissanik pilersaarusiortarluni/sammiasassanik pilersaarusiortarluni, sulisut atuisullu takkuttarnerannik nalunarsuisarluni perorsaanermik nalingaasumik suliaqartarpoq.
  • Aqutsisup Tasiilap nunaqarfiini sunngiffimmi klubbit tamaasa immikkoortortanullu tamanut missingersuutit eqqortinneqarnissaannik akisussaasuuvoq.

Qinnuteqartumut piumasaqaatit tassaapput:

  • perorsaasutut ilinniagaqassaati tassungaluunniit sanilliunneqarsinnaasumik ilinniagaqarlutit
  • akisussaassuseqartuuvutit
  • tamanik takunnissinnaassaatit
  • nutaanik pilersitsisinnaassaatit
  • sungiussisinnaasuussaatit allanngortitsisinnaallutillu
  • piffissani ulaoaarfiusuni sulisinnaassuseqassaatit
  • tamatigoortuussaatit, suleqatikkuminartuussaatit kiinneraartuullutillu
  • suliamik paarsilluartuussaatit
  • killiliissutit takunagit periarfissanik takunnissinnaasaatit

Akisussaaffiit:

  • aqutsisutut kommunip inatsisartullu peqqussutaat malissavatit
  • paaqqinnittarfiup missingersuutaasa malinnissaannik pisussaaffeqarputit
  • immikkoortortaqarfinnut qulaani taaneqartunut aningaasaliissutinik sumut atorneqarnissaannik innersuussisinnaatitaavutit
  • nipangiussisimasussaatitaavutit, tamannalu sulinnaarnermi atuukkunnaassanngilaq
  • atuisut, sulisut angajoqqaallu suleqatigalugit anguniakkanik, iliuusissatut pilersaarutinik sammisassatut pilersaarutinik suliaqartassaatit

 

Perorsaanermi suliassat:

  • paqqinnittarfinnut pisortat qanimut suleqatigalugit perorsaanermik suliaqarneq pillugu inatsisit najoqqutassiallu malissavatit
  • sunngiffimmi ornittakkap sunngiffimmilu klubbit anguniagaasa naleqartitaasalu piviusunngortinnissaat qulakkiissavat
  • sulisut angajoqqaallu akornanni suleqatigiinnermi ajornartorsiutit aaqqinniarneranni peqataassaatit ilitsersuillutilluunniit

 

Allaffissornermi suliassat:

  • Tasiilami Tasiilallut eqqaani nunaqarfinni sunngiffimmi ornittakkamik sungiffimmilu klubbinik ulluinnarni aqutsineq
  • sulisunik amerlassusiliinermut tunngatillugu illersorneqarsiinnaasumik sulisoqarnissamik qulakkeerinninneq
  • sulisunik, atuisunik angajoqqaanillu ataatsimeeqateqartarneq
  • atuisut tamaasa takkuttarnerannik allattuivimmut ullut tamaasa allattuisarnissamik qulakkeerinninneq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq. 

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

 

Qinnuteqaat:
Qinnuteqaatip ilisarnaataata Job nr. 500/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.           

Imatut qinnuteqaateqassaatit:                                                          
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Qinuteqaat tunniunneqassaaq kingusinnerpaamik: 21. august 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Gustav Olsen Brandt
Telefon: +299 367319
Mobil: +299 539414
Nittartagaq: http://www.sermersooq.gl
Qinnuteqaat nassiutiguk