Najugaqatigiiffik Pakkutaq Sundhedsassistentimik sulisussarsiorpoq – Inissaq periarfissaavoq

 

Inunnut innarluutilinnut tarnimikkullu nappaatilinnut immikkoortortami Najugaqatigiiffik Pakkutaq, Nuummi inissisimasumi, isumassuisumik peqqissaanermi assistentimik pissarsiorpoq. Najugaqartut pillugit allanngueqataarusuppit, taava illerpiaq suleqatissatsitut amigaatigaatsigit.

 

 

Atorfik ullormut suliffiusussaq naallugu suliffiuvoq sap. ak. 40 tiimit allanngorartumik suliffiulluni.

 

 

Najugaqatigiiffik Pakkutaq innuttaasunut timikkut tarnikkullu innarluutilinnut, 18-67-inik ukiulinnut, 12-inut inissaqarpoq. Ataasiakkaat timikkut, eqqarsartaatsikkut inooqataanermilu piginnaasatigut attassiinnarnissaannut ineriartortinnissaanullu ikiornissaat pingaarnertut suliassarissavatit. Suleqatitit peqatigalugit innuttaasup kinaassutsiminik, imminut naleqartinnermik aamma inuunermik nuannarisaqarneranik attassiinnarnissaanik ineriartortitsinissaanillu ikorfartussavat. Najugaqatigiiffimmi pingaartitavut tassaapput inuunermi ajornaannerpaat, tassaasut: isumassuineq, ataasiakkaanut ataqqinninneq, toqqissisimanermik tatiginninnermillu pilersitsineq, pitsaanerpaamik inuuneqartitsinissaq tusarnaarluarnerlu.

 

 

Peqqissaanermi assistentitut suleqatigiinni peqataalissaatit innuttaasumullu attaveqaataassallutit. Ukununnga suleqateqarnermi innuttaasut ikorfartornissaannut akisussaasuussaatit: peqqissaavimmut, nunap immikkoortuani tarnimikkut nappaatilinnik/kommunimi timimik sungiusaasunut pillorissaasunullu, aammalu innutaasup sullissisuanut attaveqarnissaanut ikorfartuinissamut akisussaasuussallutit. Sulisutsinnik ineriartortitsineq pingaartikkatsigu iluaqutaassaaq suleqatitaannut ilisimasannik avitseqatiginnissinnaaguit.

 

 

 

Illit kinaavit?

• • • -Unammillernartunut alapernaatsoq kajumilersinneqartartorlu

 

• • • -Ataatsikkut arlalinnik suliaqallaqqissuullutit

 

• • • -Suleqatikkuminartoq eqaatsumillu suleriuseqartoq

 

• • • -Ineriartortitsinissamut aallartitsisinnaassuseqartutit nutaamillu eqqarsarsinnaassuseqarlutit

 

• • • -Inuttut ilakkuminartuussaatit qiimasuusutillu

 

• • • -Aalajaatsutit, tatituujusutit inunnillu allanik inissaqartitsillutit

 

 

 

Suliassatit:

• • • -Pilersaarusiorneq, aaqqissuineq aamma ulluinnarni suliassat eqqarsaatigalugit aqutsisoq sulisullu sinneri suleqatigalugit ataqatigiissaarineq

 

• • • -Najugaqatigiiffiup najugaqartunut neqeroorutaanik ineriartortitsineq aqutsisoq sulisullu sinneri suleqatigalugit

 

• • • -Sulisunik attassineq kiisalu peqqissutsimut tunngatillugu pitsaanerpaamik angusaqarnissamut ineriartortitseqqinneq

 

 

 

Suut ilinnut neqeroorutigisinnaavagut?

• • • -Atorfik suliassanik unammillernartulik namminerlu suliassanik sunniuteqarfiusinnaasoq

 

• • • -Immikkoortortaq ineriartorluartoq

 

• • • -Atorfik nuannaartunik kajumissusilinnillu najugaqartulik ulluinnarni aalajangersimasunik malitassaqarluni sammisassaqartitsinissanillu pisariaqartitsiffiusoq

 

• • • -Suleqatit sulilluartut pikkorissullu

 

• • • -Atorfik tamatigoortoq unammillernartunillu suliassartalik

 

 

 

Uagut pilluta:

Pakkutaq immikkoortortani allanut annerusunut ilaavoq: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu tapersersorteqarfinnut pingasunut Nuummi, Tasiilami Paamiunilu agguataarsimasut.

 

 

Immikkoortoqarfimmi annertuumik ineriartorfiusussanngortumi pissanganartumilu atorfimmik neqeroorfigivatsigit. Ineriartortitsineq pineqartoq ilaatigut sulilerlaat pitsaasumik ilitsersuunneqartarnissaannik, ingerlaavartumik siunersioqatigiittarnissamik kiisalu suliatigut ataatsimooqatigiiffeqarnissamik imaqarpoq.

 

 

 

Annertunerusumik paasisaqarusukkuit:
Annertunerusumik paasisaqarusukkuit Sundhedsfagligkomsulent Ulrik Neess attavigisinnaavat uunga oqarasuaat +299 58 01 28 imaluunniit e-mail-imut uunga: ulne@sermersooq.gl

 

 

 

Atorfinitsitsinissamut oqaloqatiginninnerit sapaatip akunnerini 13-mi ingerlannissaat naatsorsuutigaarput.

 

 

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sundhedsassistentit Peqatigiiffiata IMALUUNNIIT Peqqissaasut Kattuffiata (PPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

 

Atorfinititsineq qaammatini pingasuni misiliutitaqassaaq.

 

 

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

 

Qinnuteqaat:
Qinnuteqaat qulequtserlugu Atorfiup ilisarnaataa 220/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

Qinnuteqarnissamut killissarititaasoq: marsip 29.-at, 2023

Atorfik una qinnuteqarfigiuk