Skip to main content
77

Dette jobopslag er udløbet

Sulisoqarnermut Sulisunillu Kiffartuussinermut pisortaq / Job nr. 779/19

Kommuneqarfik Sermersuumi nangittumik ineriartortitsinermut peqataarusuppit, aammalu sulisoqarnermut tunngasunik ingerlatsisinnaallutillu ineriartortitsisinnaavit?

Kommuneqarfik Sermersuumi Sulisoqarnermut Sulisunillu Kiffartuussinermut pisortatut nutaatut tassaassaatit sulisunut 34-nut aqutsisutut pisortaqatigiinnut kommunimilu aqutsisunut sulisullu sinniisaannut isumasiuiffigineqartartoq.

Sulisoqarnermut Sulisunillu Kiffartuussivik tassaavoq kommunip aaqqissuussaanera tamakkerlugu pingaarutillik kiffartuussivillu. Taamaattumik suliassaqarfik ataavartumik ineriartortitsiffiusarpoq, kingullertullu HR systemi MindKey atuutilersinneqarpoq. Suliassaqarfimmut pingaarutilimmut atorfinitsikkusutarput tassaavoq Sulisoqarnermut Sulisunillu Kiffartuussinermut pisortaq tunniusimasoq. Atorfinitsikkusutarput tassaassaaq ingerlatsinermi isumannaallisaaneq suligasuartuunerlu pillugit sallersaasoq, suleqatigiinnissamik naapertuilluartumillu suleriaaseqarnissamik ujartuijuartoq. Tamanna pisinnaavoq, arlalinnik assigiinngisitaartunillu suliniuteqarnikkut aammalu ingerlatsinermi ineriartortitsinermilu suliassanik, tamarmik kommunip aaqqissuussaaneranut taakkununngalu ilanngullugu aqutsisorpassuarnut sulisorpassuarnullu ikorfartuutaasussanik.  Tassunga atatillugu pingaaruteqarluinnarpoq, illit qularnaatsumik allaffeqarfimmik aqutsisinnaanissat aaqqissuussaanermillu ineriartortitsisinnaanissat ilaatigut illup iluani avataanilu attaveqaatinik tatiginartumik pilersitsinikkut. Tassunga ilanngullugu suliffimmi avatangiiseq pitsaasoq eqqumaffiginissaa nammineq immikkoortortami, kommunilu tamaat. 

Sulisoqarnermut Sulisunillu kiffartuussinermut pisortatut illit Vicekommunaldirektørimut attaveqassaatit, aammalu kommunimi pisortatut qaffasinnerusumik atorfillit  ataatsimeeqatigiittarnerini peqataasassaatit. Naatsorsuutigivarput HR immikkoortortami sulisut 18-it, Aningaasarsialerivimmi inuit 14-it Pilersaarusiornermut ineriartortitsinermullu immikkoortortami sulisunut marlunnut afdelingslederit teamlederillu aqqutigalugit qanimut ersarittumillu aqutsinissat

Naatsorsuutigaarput illit Sulisoqarnermut Sulisunillu kiffartuussinermut pisortatut Sulisoqarnermut tunngasunut ilisimasaqarluassasutit, sulisoqarnermi inatsisilerinermut tunngasunik piginnaasaqarluartoq, aammalu pisortat aaqqissuussaanerannit aqutsisutut misilittagalik.

Sulisoqarnermut Sulisunillu kiffartuussivimmi pingaartinneqarnerpaatinneqartut tassaapput:

  • allaffimmi sulisunut sulisoqarnermut tunngasunik suliaqarneq (atorfinitsitsinerit soraarsitsinerillu)
  • sulisoqarnermut aalajangersimasunut tunngasuni siunnerfilinnik suliniutissat
  • sulisoqarnermut politikkimi suliniutinik ineriartortitsineq
  • aqutsisunik ikiorsiineq siunnersuinerlu
  • pikkorissarnernik tamanut tunngasunik neqerooruteqartitsineq
  • sullivimmi avatangiisit atugarissaarnerlu
  • inatsisilerinermut tunngasunik immikkut ilisimasarialinnik suliaqarneq
  • Ilinniartut suliffinnillu sungiusartut
  • immikkoortortaqarfimmi sulianik ingerlatsinermi pitsanngorsaaneq
  • aaqqissuussinermut piffissaq eqqorlugu sullissineq.

Neqeroorutigaavut:

  • atorfik nammineerluni suliffiusoq aammalu suliatigut inuttullumi annertuunik suliassaqarfiusoq unammilligassaqarfiusorlu.
  • suliassaqarfiup ineriartortinneqarnissaanut kommunimi qitiusumik inissisimaffik aallaavigalugu sunniuteqarnerpaanissaq
  • immikkoortortaq ingerlatsivillu ingerlalluartoq, suleqatit sulisullu pitsaasut suleqatigalugit
  • tatigeqatigiiffiusumik pitsaasunik atugaqarluni suleqatigiinneq.
  • soqutiginartuni pikkorissaqataaneq ineriartornissamullu periarfissat pitsaasut

Naatsorsuutigaarput illit:

  • sulisoqarnermut tunngasunik ilinniarluarsimasuusutit, aamma/imaluunniit misilittagaqartutit
  • ­pisortat suliffeqarfiutaanni sulinermik misilittagaqarputit
  • suliamik ingerlatsinermut tunngasunik aqutsinermik misilittagartutit
  • suliffeqarfimmi pisariusumi inuit suleqatigiinneri soqutigisaqarfigalugillu paasisaqarfigissagitit
  • angusaqarusulluartoq
  • pitsaasumik inuttut isiginnittaasilik aammalu tatiginnilersitsisinnaasoq tatigilersitsisinnaasorlumi
  • marluinnik oqaaseqartuusutit (kalaallisut/danskisut) piumaneqarneruvoq 

Pinerlussimannginnermut uppernarsaat:
Atorfik una pinerlussimannginnermit uppernarsaammik paasiniaanissamut inatsimmi pisussaatitaavoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat aatsaat kommune pinerluuteqarsimannginnermut uppernarsaammik Politiinit pissarsereerpat. 

Akissaatit atorfinitsitaanermilu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutaaqqassaaq.

Ini:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 779/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Paasissutissanik annerusumik piniaraanni vicekommunaldirektøri Marie Fleischer attavigineqarsinnavoq tlf. 585480-mut sianerluni.

 

Qinuteqaat tunniunneqassaaq kingusinnerpaamik: 26-12-2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Marie Fleischer
Telefon: +299 367002
Nittartagaq: http://www.sermersooq.gl
Qinnuteqaat nassiutiguk