Skip to main content
96

Dette jobopslag er udløbet

Sulisoqarnermut siunnersortissarsiorpoq / Atorfiup normua 505/20

Allaffissornermi aamma ingerlatsivimmi suliassanik suliarinnissallutit piginnaasaqarpit peqatigitillugulu sulisoqarnermut atatillugu allaffissornerup iluani kommunip pisortaanik kiffartuussinissannut siunnersuisarnissamullu soqutigisaqarpit? Taava Kommuneqarfik Sermersuup Sulisoqarnermut Immikkoortortaqarfia Sulisoqarnermut siunnersortissarsiorpoq, 1. november 2020 imaluunnniit isumaqatigiissut malilllugu atorfinittussamik.

Sulisoqarnermut immikkoortortaqarfik inuit eqqortut atorfinnut eqqortunut kommunip atorfinitsitsisarnissaa akisussaaqataaffigaa, tamatumalu kingorna kommunimi sulisut pikkorissat nutaat maannalu atorfillit atorfeqaannartinnissaat isumagisarlugu. Tamanna kommunimi tamarmi aqutsisut assigiinngitsut qanimut attaviginerisigut suleqatiginerisigullu pisarpoq.

Sulisoqarnermut immikkoortortaqarfimmi suleqatitut nutaatut illit ingerlatsivimmi aqutsisunik kiffartuussisartoqatigiit siunnersuisartoqatigiillu suleqatigilissavatit, kisianni suleqatitit allat assigalugit ingerlatsivinni suliassaqarfinni suliassat allat sulisoqarnermut immikkoortortaqarfimmut tunngasut suliarisassallugittaaq. Tamakku saniatigut immikkoortortaqarfimmi suleqatigiinnut kommunip sulisoqarnermut systemianik Mindkey-mik aqutsisut ineriartortitsisullu suleqatigilernissaannut periarfissaqarpoq

Qinnuteqartunut naatsorsuutigisat:

  • Sulisoqarnermut sullissinermit misilittagaqarneq
  • Sulisunut allaffissornermut aamma Kalaallit Nunaanni oqartussani isumaqatigiissutinut iilsimasaqarneq
  • Mindkey-mut ilisimasaqarneq aamma atorneranut misilittagaqarneq
  • Suliatigut tulluartumik ilinniagaqarsimaneq, kisianni piumasaqaataanngilaq
  • Aallartitsisinnaanermik suliumatussuseqarnermillu takutitsisarneq kiiisalu kiffartuusserusunneq
  • Suleqatigiilluarnermut piginnaasaqarneq illup iluani avataanilu
  • Qinnuteqartut qallunaatut kalaallisullu oqalussinnaallutillu allasssinnaassut piumaneqarnerupput

Neqeroorutigaavut:

Atorfik unamminartoq, qinnuteqartoq immikkoortortaqarfimmi allaffissornermut aqutsisunillu sullissinerannik ineriartuinermut akisussaaqataassaaq, taamaattumillu aamma immikkoortortaqarfimmi suliassanut ilaasut suliassat ajornakusoortut suliarisarnissaannut ineriartortinneqassalluni. 

Pinerliisimannginnermut uppernarsaat:

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat aamma Atorfillit Kattuffiat/AK akornanni isumaqatigiissut atuuttoq  imaluunniit Kalaallit Nunaanni kattuffiup allap isumaqatigiinniarsinnaatitaasup isumaqatigiissutaat atuuttoq malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq kommunimi atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. 

Qinnuteqaat

Qinnuteqaatip ilisarnaataata Atorfiup nr. 505/20 aamma ilinniagaqarsimaneq siornatigullu sulisimanerit pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Attaveqarfissamut paasissutissat:

Atorfik pillugu apeqqutissaqartoqarpat immikkoortortaqarfimmi aqutsisoq Salomon Blytmann e-mailikkut sabl@sermersooq.gl imaluunniit oqa. 367086 attavigineqarsinnaavoq.

Ima qinnuteqassaatit:

Atorfik qinnuteqarfigerusutat takugukku, uagutsinnut qinnuteqaat nassiutissavat nittartagarput aqqutigalugu.

Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat. 

 

Qinuteqaat tunniunneqassaaq kingusinnerpaamik: 22. oktober 2020
Atorfininneq: 1. november 2020 imaluunniit isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Afdelingsleder Salomon Blytmann
Telefon: +299 367086
Nittartagaq: http://www.sermersooq.gl
Qinnuteqaat nassiutiguk