Skip to main content
124

Dette jobopslag er udløbet

Sulisoqarnermut immikkoortortaq Sulisoqanermut siunnersortimik pissarsiorpoq / Atorfiup normua 381/21

Allaffissornermi aamma ingerlatsivimmi suliassanik suliarinnissallutit piginnaasaqarpit peqatigitillugulu sulisoqarnermut atatillugu allaffissornerup iluani kommunip pisortaanik kiffartuussinissannut siunnersuisarnissamullu soqutigisaqarpit? Taava Kommuneqarfik Sermersuup Sulisoqarnermut Immikkoortortaqarfia Sulisoqarnermut siunnersortissarsiorpoq, aggustsip 1-ni 2021 imaluunnniit isumaqatigiissuteqarnikkut atorfinittussamik.

Sulisoqarnermut immikkoortortaqarfik inuit eqqortut atorfinnut eqqortunut kommunip atorfinitsitsisarnissaa akisussaaqataaffigaa, tamatumalu kingorna kommunimi sulisut pikkorissat nutaat maannalu atorfillit atorfeqaannartinnissaat isumagisarlugu. Tamanna kommunimi tamarmi aqutsisut assigiinngitsut qanimut attaviginerisigut suleqatiginerisigullu pisarpoq.

Sulisoqarnermut immikkoortortaqarfimmi suleqatitut nutaatut illit ingerlatsivimmi aqutsisunik kiffartuussisartoqatigiit siunnersuisartoqatigiillu suleqatigilissavatit, kisianni suleqatitit allat assigalugit ingerlatsivinni suliassaqarfinni suliassat allat sulisoqarnermut immikkoortortaqarfimmut tunngasut suliarisassallugittaaq.

Atorfiup imaa:
Sulisoqarnermut siunnersortimut naatsorsuutigisavut ilaatigut makkuupput:

  • Allaffissornikkut atorfinitsitsinerit suliunnaartullu suliarineqarnerni    
  • Aqutsisut aaqqissuussaasumik suleqatigalugit sulisunut sulianut tunngasut oqimaatsut isumagineqarnissaat
  • Immikkoortortami periutsinik suleriutsinillu pitsaassutsimik ingerlaavartumik qulakkeereqataaneq
  • Apeqqutit sulisoqarnermut tunngasut aamma atorfininnermut tunngasut kiisalu isumaqatigiissutinut tunngaviusunut isumaqatigiissutinillu allanut atuuttunut inissiisarneq pillugit kissaatigineqartut pisariaqartinneqartullu pillugit aqutsisunut siunnersuineq ilinniartitsinerlu
  • Sulisoqarnermut immikkoortortaqarfiup ineriartortitsinermik atortussanngortitsisarnermilu suliassarpassui suleqatit peqatigalugit ingerlannissaat
  • Suliniutinik nutaanik suliffeqarfiup anguniagaanut pisariaqartitaanullu attuumassuteqartunik ineriartortitsinermik aallartitseqataaneq
  • Suliffeqarfiup ataqqinninneq, akisussaaqataaneq aamma ineriartorneq anguniagaanut peqataalluni piviusunngortitsinissaq

Qinnuteqartunut naatsorsuutigisat:

  • Sulisoqarnermut sullissinermik misilittagaqarneq
  • Sulisunut allaffissornermut aamma Kalaallit Nunaanni oqartussani isumaqatigiissutinut iilsimasaqarneq
  • Mindkey-mut ilisimasaqarneq aamma atorneranut misilittagaqarneq
  • Suliatigut tulluartumik ilinniagaqarsimaneq
  • Aallartitsisinnaanermik suliumatussuseqarnermillu takutitsisarneq kiiisalu kiffartuusserusunneq
  • Suleqatigiilluarnermut piginnaasaqarneq illup iluani avataanilu
  • Qinnuteqartut kalaallisut qallunaatullu oqalussinnaallutillu allasssinnaassut piumaneqarnerupput

Neqeroorutigaavut:
Atorfik unamminartoq, qinnuteqartoq immikkoortortaqarfimmi allaffissornermut aqutsisunillu sullissinerannik ineriartuinermut akisussaaqataassaaq, taamaattumillu aamma immikkoortortaqarfimmi suliassanut ilaasut suliassat ajornakusoortut suliarisarnissaannut ineriartortinneqassalluni. 

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut aallaavittut Namminersorlutik Oqartussat aamma Atorfillit Kattuffiat (AK) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatigiinniarsinnaatitaasup isumaqatigiissutaat atuuttoq malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat
Qinnuteqaatip ilisarnaataata Atorfiup nr. 381/21 aamma ilinniagaqarsimaneq siornatigullu sulisimanerit pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Attaveqarfissamut paasissutissat:
Atorfik pillugu apeqqutissaqartoqarpat fg. Chef HR og LØN Frederik Lundblad frel@sermersooq.gl imaluunniit telefon nr. 366080, imaluunniit Tugdlerúnak Storch tust@sermersooq.gl 367090 attavigineqarsinnaapput.

Ima qinnuteqassaatit:
Qinnuteqaatit elektronisk-iusut piumaneruvagut, quppernerup matumap ataaniittoq aqqutigalugu, tassanilu qinnuteqaatit, ilinniarsimanermut uppernarsaatitit CV-llu ilanngutissavatit. 

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinuteqaat tunniunneqassaaq kingusinnerpaamik: 29. juli 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Frederik Lundblad
Telefon: +299 366080
Nittartagaq: http://www.sermersooq.gl
Qinnuteqaat nassiutiguk