Skip to main content
110

Dette jobopslag er udløbet

Sulisoqarnermut Immikkoortortami suleqatigiit siunnersortinik marlunnik amerlineqarput / Atorfiup ilisarnaataa 643/21

Allaffissorneq pikkoriffigalugu kommunimilu aqutsisut sulisoqarnermut tunngatillugu allaffissornermi suliarpassui pillugit kiffartuunnissaanut siunnersornissaannullu soqutigisaralugit kajumissuseqarluarpit? Taamaappat periarfissaq atorlugu Sulisoqarnermut Immikkoortortami suleqatigilertigut - illiuvormi suleqatitaarerusutarput.

Kikkuuvugut?

Sulisoqarnermut Immikkoortortamiipput kontorfuldmægtigit marluk, siunnersortit qulit, immikkoortortami aqutsisoq aamma pisortaq tamarmillu Kommuneqarfik Sermersuup Kommuneqarfiup Allaffiani qullersaqarfeqarput.

Inuit eqqortut atorfinnut eqqortunut kommunip atorfinitsitsisarnerani sulisoqarnermut immikkoortortaq akisussaaqataavoq, atorfinittullu pikkorissut kommunimiiginnarnissaat ilanngullugu. Taamaaliortoqassaarlu kommune tamakkerlugu aqutsisut assigiinngitsut qanimut attaveqarfigisarnerisigut suleqatigisarnerisigullu.

Sulisoqarnermut immikkoortortami suleqataalersutut ingerlatsivimmi suleqatigiinni ingerlatsiveqarfimmi aqutsisut annerusumik kiffartuunneqarnerinik siunnersortarnerinillu suliaqartuniissaatit immikkoortortamilu ingerlatsinermi suliassat ataatsimoorunneqartut ilanngullugit suliarisassallugit. Sulinermi ingerlariaatsitta suleriaatsittalu pitsanngorsartuarnissaat ukkatariuarpavut, taamaammat siunnersuuteqartarnissannut periarfissaqarluassaatit. Immikkoortortami pissuseq nalinginnaasoq atorneqarpoq, nuannisaqatigiinnissaq pingaartitarineqarpoq, ullullu suliffiit assigiinngisaannarlutik.

Atorfiup imarisai:

  • Atorfinitsitsinerit soraartullu allaffissornikkut suliarineri
  • Aqutsisut angusaqarfiulluartussamik suleqatigalugit sulisunut sulianik imaannaanngissinnaasunik suliaqarneq
  • Immikkoortortami suleriaatsit malittarisallu ataavartumik pitsaassusaasa qulakkeernissaanut suleqataaneq
  • Sulisoqarnermut apeqqutit pillugit aqutsisunut pisariaqartitsineq naapertorlugu siunersiueqatiginninneq, siunnersuineq aamma ilinniartitsineq, matumani isumaqatigiissutit atuuttut malillugit atorfinitsitsinerit ilanngullugit.
  • Sulisoqarnermut immikkoortortami ineriartortitsinermut atulersitsinermullu suliarpassuit suleqatit peqatigalugit suliarissallugit
  • Suliniutinik assigisaanillu nutaanik ineriartortitseqataaneq
  • Suliffeqarfiup ataqqinninneq, akisussaassuseqarneq ineriartortitsinerlu pillugit anguniagaanik piviusunngortitseqataaneq

Qinnuteqartunut naatsorsuutigisat:

  • Sulisoqarnermut immikkoortortami sulianut sullissinermullu tunngatillugu misilittagalik
  • Sulisunut tunngasunik allaffissornermi aamma Kalaallit Nunaanni pisortat suliffeqarfiini isumaqatigiissutinut tunngasunik suliaqarnermik ilisimasalik
  • Ajornanngippat Mindkey pillugu atuinermik ilisimasalik
  • Ajornanngippat suliassaqarfik assingusumilluunniit naleqquttumik ilinniagalik
  • Nammineq iliuuseqarusussuseqarnissaq piumassuseqarnissarlu kiisalu sullisserusussuseqarnissaq
  • Suliffiup iluani avataanilu pitsaasumik suleqateqarnissamut piginnaasaqarluarneq
  • Kalaallit qallunaatullu oqalussinnaasut allassinnaasullu piumaneqarnerupput

Neqeroorutigaavut:

Suliffik unamminartulik pissarsiffiusorlu, ilaatigut immikkoortortami allaffissornerup ineriartortinnerani aqutsisullu kiffartuunnerani akisussaaqataassallutit. Pitsaasumik suleqatigiinnissaq pingaartipparput suliallu ajornakusoorsinnaasut ulluinnarni isumagisartagassat suleqatigiinnitsinni ataatsimoorutigisavut pillugit ineriartortuarnissannut tapersersorneqassallutit.

Attaveqarfissanut paasissutissat:
Atorfik pillugu allanik apeqqutissaqaraanni Sulisoqarnermut Immikkoortortami Akissarsialerivimmilu pisortaagallartoq Hansine Korneliussen attavigineqarsinnaavoq, hako@sermersooq.gl oqarasuaat normoqartoq 366080.

Pineqaatissinneqarsimannginnermut uppernarsaat:
Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune aatsaat pinerluuteqarsimannginnermut uppernarsaammik Politiinit pissarsereerpat.

Akissaatinut atorfinitsitaanermullu tunngatillugu atugassarititaasut:
Akissarsiaqartitsineq atorfinitsitsinerlu aallaaviatigut Kalaallit Nunaanni Namminersorlutik Oqartussani atorfillit pillugit Naalakkersuisut isumaqatigiissutaat, imaluunniit Kalaallit Nunaanni Naalakkersuisut kattuffiullu isumaqatigiissusiorsinnaatitaasup akornanni isumaqatigiissutaat naapertorlugu Naalakkersuisut aamma Atorfillit Kattuffiata/AK-p akornanni isumaqatigiissutaat naapertorlugu pissaaq. Atorfinitsitsineq qaammatini pingasuni misiliutaaqqaassaaq.

Ineqarneq:
Atorfimmut atatillugu inissaqartitsisoqarsinnaavoq, tassungalu qularnaveeqqummut ineqarnermullu, atuinermut il.il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu illuutaannut il.il. tunngatillugu ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisarneq pisassalluni. Atorfininnerup kinguninngua sulinermut atatillugu inissamik innersuussisoqarsinnaanngippat utaqqiisaasumik inissiamik neqeroortoqassaaq, qulaanilu taaneqartut naapertorlugit inimut, atuinermut il il akiliisoqartassalluni. Ineqarnermut, tassunga ilanngullugu atuinermut tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl

Piffissamut atorfininnissamut sulisunut qaqugu inissaqartitsilersinnaaneq apeqqutaavoq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.

Qinnuteqaat:
Nittartagarput atorlugu qinnuteqaatit Atorfiup Ilisarnaataa 643/21 immersorneqarnissaa piumaneruarput, tassuuna CV ilinniarsimanermullu pappiaqqat ilanngullugit nassiussinnaavatit. Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarsersumik piumasarineqarpoq. Qinnuteqartut piukkunnaatillit ataavartumik atorfinitsitsinissamut tunngatillugu oqaloqatiginnittoqartarumaarpoq. Qinnuteqarfissaq kingulleq ulloq 5. November 2021.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 05. november 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Hansine Korneliussen
Telefon: +299 36 60 80
Nittartagaq: http://www.sermersooq.gl
Qinnuteqaat nassiutiguk