Skip to main content
105

Dette jobopslag er udløbet

Suliffeqarnermut Isumaginninnermullu Ingerlatsiviup Sullissivianut sullissisussamik ataatsimik pissarsiorpoq Atorfiup normua 645/19

Suliffeqarnermut Isumaginninnermullu Ingerlatsiviup Sullissivia Pisortat ikiorsiissutaanik immikkoortartami 1. november 2019 sapinngisamik piaartumik atorfinittussamik.

Sullissivik pillugu
Sullissivik Suliffeqarnermut Isumaginninnermullu Ingerlatsiviup immikkoortortaani Oqartussaqarfianiippoq, taassumalu saniatigut Oqartussaqarfeqarpoq.

Suliffeqarnerup, pisortat ikiorsiissutaasa, erninermi tapiissutit,  ineqarnermullu tapiissutit iluini inatsit atuuttoq malillugu aammalu innuttaasut ataasiakkaat pisariaqartitsinerisa sukumiisumik naliliivigisarneri tunngavigalugit tapiisoqartarnissaa Sullissivimmit qulakkeerneqartartussaavoq.

Isumaginninnermi sullissisussap suliassaqarfittut akisussaaffigaat Kommuneqarfik Sermersooq tamaat, matumani illoqarfik, Paamiut aamma Nuuk suleqatigalugu aammalu nunaqarfiit ilanngullugit.

Oqartussaqarfittut immikkoortup aamma illoqarfiit nunaqarfiillu akornanni qanimut suleqatigiittoqassaaq.

Naatsorsuutigaarput:

  • Inunnik isumaginninnermut sullissisuusutit imaluunniit assigusumik ilinniagaqarsimasutit, Inunnik sullissisinnaasoq imaluunniit naatsorsuuserinermut misilittagaqartutit soqutiginnillutillu
  • Suleqatigiinnissamut piginnaaneqartutit
  • Allanik ilinniagalinnik suleqateqarluarsinnaasutit
  • Anguniagaqarusussuseqarluartutit
  • Unamminartunik suliaqarneq nuannarigit sullivimmi ineriartortuartumi
  • Inuttut nukittusutit
  • Kiffartuussiumatuusutit aamma ineriartornissamut ammasuusutit
  • Qinnuteqartut marluinnik oqaaseqartuuguni (kalaallisut/qallunaatut) iluaqutaassaaq, piumasaqaataanngilarli

Neqeroorutigisinnaavarput:

  • Atorfik immikkoortortaqarfimmi nuannersumi pikkorissunik sulisulimmi
  • Suleqatit nuannaartut aamma pikkorissut
  • Suliaq unamminartoq sulianut sunniuteqarfiusinnaasoq
  • Suleqatigiinneq allatut ilinniarsimasut suleqatigalugit
  • Suliffik pissanganartoq ammasorlu
  • Atorfik assigiinngitsunik unamminartunik suliassartalik

Annertunerusumik paasisaqarusukkuit attavigineqarsinnaavoq immikkoortortaqarfimmi led. fagkonsulent Kristian Dahl oqarasuaat 367650 imaluunnit kdah@sermersooq.gl

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 645/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.

Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 31. oktober 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Kristian Dahl
Telefon: +299 367650
Nittartagaq: http://www.sermersooq.gl
Qinnuteqaat nassiutiguk