Skip to main content
113

Dette jobopslag er udløbet

Suliffeqarfimmut kiffartuussiviup ataani akiligassaqarfinnut immikkoortortaqarfianut aningaasaqarnermut siunnersorti Job nr. 542/19

Kommuneqarfik Sermersooq Suliffeqarfimmut kiffartuussiviup ataani sungiussilluarsimasumik pikkorissumillu Akiligassaqarfinnut immikkoortortaqarfianut Aningaasaqarnermut tunngasunut Siunnersorti (Konsulent), isumaqatigiinnikkut imaluunniit piaarnerpaamik sulilersussamik pissarsiorpoq.

Immikkoortortaqarfik aqutsisoq ilanngullugu maanna sisamanik sulisoqarpoq.  Akiligassaqarfinnut immikkoortortaqarfimmi suleriaatsit suleriaatsillu ingerlarngi ineriartorteqqinnissaat pitsanngorsarneqarnissaallu sulissutigiuaannarpavut, kommunip iluani suleqativut akiligassat pillugit aqutsinissaannut oqitsumillu akimmisaarfiunngitsumik suliassat akisussaaffigineranni misiginissaat pillugu.

Naatsorsuutigineqarpoq suleqatigiligassarput akiligassaqarfinnut immikkoortortaqarfimmi sulisooreersut sungiussilluarsimasut nuannersumillu periaasillit peqatigalugit suli pitsanngorsaaffiginissaanut suleqataassasoq.

Kommuneqarfik Sermersuumi akiligassaqarfinnut immikkoortortaqarfimmi akiligassat tamarmik akilerneqartarnerat isumagineqartarpoq. Nalunaarsuutaappata, malitseqartinneqarpata, naligiissaarineruppata kiisalu eqqortumik akiliinissaq qulakkeerneqarnissaannut tunngasuuppata.

Atorfiup suliassartaa:

Pissarsiorpugut – ajornanngippat misilittagaqarluartumik – Akiligassaqarfinnut immikkoortortaqarfimmi  aningaasaqarnermut tunngasunut Siunnersorti (Konsulent) peqataasussamik.  Ulluinnarni suliassat makkuupput:

  • Fagmodulineersunik akilerneqartunik eqqussineq
  • Akilikkanik naatsorsuutinut ikkussuineq
  • Fakturat akuerineqareertut akilertarnissaat
  • Aningaaserivimmiittutinik naligiissaarinissaq
  • Banksystemimik atuisunik malinnaatitsineq
  • Avataanit suleqatigisanit suliffeqarfiullu iluaniit suleqatigisanit saaffiginnissutit tamaasa akisarnissaat
  • Suliassat takkussortut suliarinerat

Qinnuteqaateqartunut naatsorsuutigisat:

  • Aningaasarivimmut aningaasanullu tunngasunik suliaqarnermik misilittagaqartutit
  • Excelimik kiisalu naligiissaarinermik ilisimasaqartutit
  • Suliassanut nutaanut suliniutinullu ajunngitsumik isumaqarnissaq
  • Kiffartuussinissamut paasisimasaqarnissaq
  • Kommunimi pissutsinut ilisimasaqarnissaq iluaqutaassaaq taamaattorli piumasaqaataanani
  • Microsoft Dynamics AX ilisimasaqarnissaq iluaqutaassaaq taamaattorli piumasaqaataanani

Tamatuma saniatigut pingaartipparput, illit:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimut takunnissinnaaneq attatiinnarlugu arlalinnik suliaqarsinnaasoq
  • Allattariarsornikkut oqaluttariarsornikkullu ersarissumik paatsuugassaanngitsumillu attaveqateqarsinnaasoq
  • Nammineerluni sulisinnaasoq akisussaassuseqartoq kiffartuussinissamullu paasisimasalik
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allannguuteqartitsisinnaassuseqartoq
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu
  • Tatitullunilu aallarnisaasinnaasoq, nukissaqarluartoq iliuuseqarnissamullu piumassuseqarluartoq
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Arlalissuarnik suleqateqallaqqissoq
  • Qinnuteqartut marluinnik oqaasillit (kal/dk) atorfinitsinnissaat orniginartinneqarpoq

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu ineriartortinneqartuartumi allanngorartumilu annertuumik akisussaassuseqarfiusoq.    Suliffimmut suliffeqarfimmullu iserluartinneqarnissaq pingaartipparput aamma qanimut aqutsisut suleqatigalugit pitsaasumik suleqatigiittoqarnissaata qulakkeernissaa anguniartuarparput.

Pinerliisimannginnermut uppernarsaat: 
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissarsiat sulinermilu atukkat:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq AK-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfininnermi piffissaq misilinneqarfiusussaq qaammatinik pingasunik sivisussuseqarpoq.

Inissaqartitsisoqarsinnaanngilaq:
Atorfimmut atatillugu inissamik innersuussisoqarsinnaanngilaq.

Qinnuteqaat:
Qinnuteqaat ilinniarsimasuuneq siornatigullu suliffigisimasat pillugit paasissutissanik, soraarummeersimanermut uppernarsaammik il.il. ilalik Job nr. 542/19-imik nalunaaqutseriarlugu Sulisoqarnermut Immikkoortortamut ulloq qinnuteqarfissaq kingulleq qaangiutsinnagu nassiunneqassaaq.

 

Qinuteqaat tunniunneqassaaq kingusinnerpaamik: 6. september 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Finans Afdelingsleder Mona Petersen
Telefon: +299 367114
Nittartagaq: http://www.sermersooq.gl
Qinnuteqaat nassiutiguk