Skip to main content
106

Dette jobopslag er udløbet

Sulianik ingerlatsisut marluk Nunaminertanut sanaartornermullu oqartussaqarfimmi / atorfiup normua 290/19

Kommuneqarfik Sermersooq ingeniørinik, illussanik titartaasartunik, ilusilersuisartunik, nunamik uuttortaasartunik teknikkimulluunniit tunngasunut attuumassutilinnik ilinniagalinnik marlunnik pitsaasumik sulerusussusilinnik pissarsiorpoq. Illoqarfimmik inerisaanermi pilersaarutigineqartut annersaasa ilaannik kommunimilu inuussutissarsiutit ineriartortinnerannik ulappuseruttorpugut, pissanganartorpassuarnik suliassaqarluta.

Immikkoortortaqarfiit Illoqarfiup pilersaarusiorneqarnera, Nunaminertanut Sanaartornermullu Oqartussaqarfik maannakkut 13-nik sulisoqarpoq.  Immikkoortortaqarfiit illoqarfimmi pilersaarusiorneq, nunaminertanik atugassiineq sanaartugassanillu akuersissuteqarneq suliaqarfigaat. 

Nunaminertanut oqartussaqarfimmi suleqataalissaasi, oqartussaaffimmi suliaqarneq suliniuteqarumanermilu oqaloqatigiinneq qitiutillugu, ulluinnarni suliffik Kalaallit Nunaanni illoqarfiit pingaarnersaanni Nuummi inissisimavoq. Nunaminertanut oqartussaqarfimmi sulisut ukiumut nunaminertanik atugassiinerit 1000-t missaat suliarisarpaat, utaqqiisaasumik nunaminertanik atugassiigallarnerniit containerinut, erfalasulerfinnut nunaminertanik atugassanngortitsinernut, naatsiiviit, inissianik alliliinerit, sanaartugassanillu nutaanik suliaqarnerit inuussutissarsiornermilu suliat pillugit soqutiginnittunik oqaloqateqarnerit. Pilersaarusiorneq aamma nunaminertat atorneqarnerat pillugu inatsit tassungalu atatillugu kommunimut pilersaarut tassungalu atasoq kommunimut pilersaarummut tapiliussaq akuersissutigineqarsimasut naapertorlugit oqartussaqarfimmi suliamik suliaqartarneq pissaaq.

Atorfimmi suliassat:
Nunaminertanut qinnuteqaatinik suliaqarnermik misilittagalinnik nunaminertanullu tunngasunik oqartussaqarfimmi peqataasussanik suliassanik arlalinnik uku ataanni suliaqartussanik marlunnik pissarsiorpugut:

  • Innuttaasut sullinneqarneri aamma innuttaasunut paasissutissat.
  • Nunaminertanik atuisinnaanermut qinuuteqaatinik suliaqarneq.
  • Nakkutilliiuarneq
  • Sanarfinermut Avatangiisinullu Ataatsimiititamut suliat saqqummiunneqarnerat.
  • Suliassat nukinginnartut.

Suliassat immikkoortumi sulisut suleqatigalugit naammassineqassapput Sanarfinermut Avatangiisinullu Ingerlatsivik immikkoortortaqarfiillu allat qanimut suleqatigalugit.

Pingaartipparput illit:

  • teknikkimik ilinniagaqarsimasuusuutit soorlu Ingeniøritut, Illussanik titartaasartutut Ilusilersuisartutut assingusumilluunniit ilinniagaqarsimasutit
  • Sanaartornermi aamma pilersaarusiornermi inatsisitigut ingerlatsinermi misilittagaqartutit.
  • Suliatigut/allaffissornikkut qarasaasialialerinermik assersuutigalugu ESDHsystem, NunaGIS ArcGis aamma AutoCAD-imik misilittagaqartutit
  • Sullisserusussuseqartoq
  • Ingerlatsiviup piginnaasaanik ineriartortitsinermi aamma suleqatigiinnermi avatangiisitigut sukkut tamaana nuannersumik peqataallutit misigisinnaasassasutit.
  • akuersaartuusutit, tunniutiinnajanngitsutit, aamma suleqatikkuminartutit.
  • Qinnuteqartut marluinnik oqaasillit (kal/dk) atorfinitsinnissaat orniginartinneqarpoq.
  • Aqutsisutut allagartaqarneq iluaqutaassaaq

Ilissinnut neqeroorutigisinnaavavut:  

  • Suliffik soqutiginartoq, aamma assigiinngiiaartunik namminersorluni piginnaasatigut ingerlatsineq, aamma akisussaaffilik.
  • Pikkorissunik aamma peqataalluartunik suleqateqarlutit suliffimmi suleqatigiilluarneq,
  • suliatigut inuttullu ineriartornissamut periarfissat pitsaasut.
  • Issittumi illoqarfiit pingaarnersaanni inuunermut unammillernartumut

Akissarsiat atorfinitsitaanermilu atugassarititaasut:
Akissarsiat atorfinitsitaanermilu atugassarititaasut isumaqatigiissutit atuuttut naapertorlugit pissapput.

Inissiaq:
Atorfimmut atatillugu inigisassamik innersuussisoqarsinnaavoq. Atorfimmut atatillugu inissaqartitsisoqartillugu qularnaveeqqut ineqarnermullu akiliutit Kalaallit Nunaanni Namminersorlutik Oqartussat kommunillu illuutaat il. il. pillugit ineqarnermut akiliuteqartarnermut maleruagassat qaqugukkulluunniit atuuttut malillugit akilerneqassapput. Kommunalbestyrelsimit pisariaqarsorineqarpat, siullermik inissiamit tunniunneqartumit allamut nuunnissat paasisimassavat. Atorfinitsitaanerup atorunnaarsinneqarnerani inissiamit tunniunneqartumit nuunnissannut pisussaaffeqarputit.

Attartornerit sumiginnarsimagukku anisitaanermik kinguneqartumik, imaluunniit nammineerlutit attartornerit unitsissimagukku, inissiamik allamik neqerooqqittoqassanngilaq.

Atorfininnermi atorfinikkiartorluni angalaneq pigisallu assartorneqarneri akilerneqassapput, tamanna malittarisassat atuuttut naapertorlugit ingerlanneqassaaq.

Malugeqquneqassaartaaq atorfininnerup qularnaarnerata kinguninngua ernerluni atorfinittoqarsinnaanngimmat, aatsaalli inissamik peqartitsisoqalerpat.

Atorfinitsitsinermi qaammatit pingasut misilitsiffiussapput.

Qinnuteqaat: Qinnuteqaat atorfiup normuanik Job nr. 290/19, ilisarnaaserlugu, ilinniagarisimasat aamma siornatigut suliffigisimasat pillugit paasissutissartalik aamma soraarummeernermi pappilissat assilineqarnerannik il.il. ilalik qinnuteqaateqarnissamut killissarititaasup qaangiutinnginnerani Sulisoqarnermut Immikkoortortamit tiguneqareersimassaaq ulloq 5. juni 2019. Piaartumik isumaqatigiissusiornikkulluunniit atorfinittussamik.

Atorfik una pineqaatissinneqarsimannginnermut uppernarsaammik pissarsinissamik inatsimmi pisussaatitaavoq.

Imatut qinnuteqassaatit 
Qinnuteqaatit qarasaasiakkut tigujumaneruarput, uani quppernermi link aqqutigalugu tassanilu qinnuteqaatit CV-llu kakkiutissavatit.

 

Qinuteqaat tunniunneqassaaq kingusinnerpaamik: 5. juni 2019
Atorfininneq: 1. august 2019 imaluunniit isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Pernille Vous Jensen
Telefon: +299 367444
Nittartagaq: http://www.sermersooq.gl
Qinnuteqaat nassiutiguk