Skip to main content
99

Dette jobopslag er udløbet

Sulianik ingerlatsisoq/sanaartortitsisoq Sanaartornermut immikkoortortamut, Sanarfinermut Avatangiisinullu Ingerlatsivik / Atorfiup nr. 546/20

Kommuneqarfik Sermersooq Sanaartornermut immikkoortortamut, Sanarfinermut Avatangiisinullu Ingerlatsivimmut sulianik ingerlatsisumik pikkorissumik kajumissuseqartumillu pissarsiorpoq, atorfiniffissaq 1. januaari 2021 isumaqatigiissuteqarnikkulluunniit.

Nuummi Sanarfinermut Immikkoortortaqarfiup kommunip sanaartornermut pilersaarutitut sanaartortitassai, kommunip ingerlatsivii allat sinnerlugit suliarisarpai. Suliassaasarput nutaanik sanaartornerit illunillu pioreersunik iluarsartuussinerit. Suliffeqarfik Issortarfimmut 1B i Nuummi adresseqarpoq.

Sanaartornermut immikkoortortaq tallimanik sulisoqarpoq ataatsimillu sanaartornermut pisortaqarluni.

Atorfik ulloq naallugu suliffiusoq, Sanarfinermut Avatangiisinullu Ingerlatsivimmi sanaartornermut pisortamik qullersaqartoq.

Kommuneqarfik Sermersooq kommuniuvoq ineriartorluartoq pingaartumik sanaartornermi suliassaqarfimmi suliassat amerliartuinnarlutik.

Atorfiup imarisaa:
Sulianik ingerlatsisoq/sanaartortitsisumik kommunip sanaartornermut immikkoortortaani assigiinngitsunik suliaqartussamik pissarsiorpugut, suliassaralugit:

  • Sanaartortoqartillugu sanaartortitsisutut akisussaasutut innissisimaneq.
  • Nutarterinerit PPV-it ilanngullugit.
  • Pisariaqartitsineq naapertorlugu suliassat.

Suliassat, sanarfinermut immikkoortortaqarfimmi sulisut allat ingerlatsiviullu immikkoortortai allat qanimut suleqatigalugit suliarineqartarput.

Qinnuteqartunut naatsorsuutigisat:

  • Sanaartornermi konstruktøritut, illussanik titartaasartutut ingeniøritulluunniit ingerlaqqiffiusumik ilinniarsimasutit.
  • Sulianik ingerlatsisutut aamma/imaluunniit sanaartortitsisutut ukiuni 3-5 misilittagaqarluarsimasutit.
  • Sanaartukkat naatsorsuinerillu teknikkikkut annertuumik piginnaasaqarfigigitit.

Inuttut illit nuannersumik tapersersuisuuvutit, ammasuullutillu attavigiuminartuuvutit aamma assigiinngitsutigut suleqatikkuminartuullutit.

Pingaartipparputtaaq:

  • Ataatsikkut arlalinnik suliaqarsinnaassuseqartoq.
  • Allattariarsornikkut oqaatsitigullu ersarissumik attaveqarluarsinnaasutit.
  • Namminersullaqqissutit, saaffigiuminartutit, tunniusimasutit akisussaaffeqartuusutillu.
  • Suliassanut naleqqussarsinnaassuseqartutit.
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataasinnaasutit.
  • Qarasaasiamik, pingaartumillu Officemik atuisinnaasutit.
  • Marluinnik oqaaseqaruit pitsaaqutaassaaq (kalaallisut qallunaatullu), piumasaqaataanngilarli.

Tamatuma saniatigut ulluinnarni pisussat siumut ilisimaneqartannginnerat piareersimaffigissavat, tamatumanilu paasisimasaqarnissat ullullu ingerlanerani assigiinngitsunik suliaqarsinnaanerit pisariaqarpoq. Ataqatigiissaarisinnaasariaqarputit aamma pilersaarutit assigiinngitsut amerlasuut akuutinneqarnerat piareersimaffigalugu.

Neqeroorutigaavut:

  • Ingerlatsivik ineriartortuartoq.
  • Immikkoortortaqarfik pissanganartunik allanngorartunillu suliassalik.
  • Immikkoortortaqarfik suliffimmi avatangiiserissoq suleqatillu kajumissuseqarluartut.
  • Immikkoortortaqarfik ulluinnarni sunniuteqaqataasoq.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, AC-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Atorfiup nr. 546/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                         
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 13. november 2020
Atorfininneq: 1. januar 2021 isumaqatigiinnikkuulluunniit
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Rasmus Hansen
Telefon: +299 367205
Mobil: +299 589378
Nittartagaq: http://www.sermersooq.gl
Qinnuteqaat nassiutiguk