Skip to main content
76

Dette jobopslag er udløbet

Sulianiik ingerlatsisumik / Sanaartortitsisumik pissarsiorput / Atorfiup normua 549/19

Kommuneqarfik Sermersooq pikkorissumik illuliornermi konstruktørimik, illussanik titartaasartumik ingeniørimilluunniit ukiuni arlalinni misilittagaqareersumik Sanarfinermut Immikkoortortaqarfimmi, Sanarfinermut Avatangiisinullu Ingerlatsivimmi 01.12.2019-imi isumaqatigiinnikkulluunniit atorfinittussamik pissarsiorpoq.

Nuummi Sanarfinermut Immikkoortortaqarfiup kommunip sanaartornermut pilersaarutitut sanaartortitassai, kommunip ingerlatsivii allat sinnerlugit suliarisarpai. Suliassaasarput sanaartorfissagissaanerit, nutaanik sanaartornerit taavalu illunik pioreersunik iluarsartuussinerit annikitsut. Suliffik kommuneqarfiup allaffiani inissisimavoq, Nuup qeqqani. 
Sanarfinermut Immikkoortortaqarfik maannakkut sisamanik sulisoqarpoq ataatsimillu sanaartornermut pisortaqarluni. 
Atorfik ulloq naallugu suliffiusoq, Sanarfinermut Avatangiisinullu Ingerlatsivimmi sanaartornermut pisortamik qullersaqarpoq.

Kommuneqarfik Sermersooq kommuuniuvoq ineriartorluartoq pingaartumik sanaartornermi suliassaqarfimmi suliassat amerliartuinnarlutik.

Atorfimmi suliassat:
Sulianik ingerlatsisumik/sanaartortitsisumik kommunip sanaartornermut immikkoortortaani assigiinngitsunik suliaqartussamik pissarsiorpugut, suliassaralugit:

  • Sanaartortoqartillugu sanaartortitsisutut akisussaasutut innissisimaneq
  • Sanaartornermut naatsorsuutinik suliaqarneq akisussaasuunerlu
  • Iluarsartuussinerit
  • Suliassanik takkussortunik suliaqarneq

Suliassat, sanarfinermut immikkoortortaqarfimmi sulisut allat ingerlatsiviullu immikkoortortai allat qanimut suleqatigalugit suliarineqartarput.

Qinnuteqaateqartunut naatsorsuutigisat:

  • Sanaartornermi konstruktøritut, ilussanik titartaasartutut ingeniøritulluunniit ingerlaqqiffiusumik ilinniarsimasutit
  • Sulianik ingerlatsisutut aamma/imaluunniit sanaartortitsisutut ukiuni arlalinni misilittagaqarluarsimasutit
  • Sanaartukkat naatsorsuinerillu teknikkikkut annertuumik piginnaasaqarfigigitit

Inuttut illit nuannersumik tapersersuisuuvutit, ammasuullutillu attavigiuminartuuvutit aamma assigiinngitsutigut suleqatikkuminartuullutit.

Tamatuma saniatigut pingaartipparput:

  • Ataatsikkut arlalinnik suliaqarsinnaassuseqartoq
  • Allattariarsornikkut oqaatsitigullu ersarissumik attaveqarluarsinnaasutit
  • Namminersullaqqissutit, saaffigiuminartutit, tunniusimasutit akisussaaffeqartuusutillu
  • Suliassanut naleqqussarsinnaasuseqartutit.
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataasinnaasutit
  • Qarasaasiamik, pingaartumillu Officemik atuisinnaasutit
  • Marluinnik oqaaseqartuusutit (kal./qall.)

Tamatuma saniatigut ulluinnarni pisussat siumut ilisimaneqartannginnerat piareersimaffigissavat, tamatumanilu paasisimasaqarnissat ullullu ingerlanerani assigiinngitsunik suliaqarsinnaanerit pisariaqarpoq. Ataqatigiissaarisinnaasariaqarputit aamma pilersaarutit assigiinngitsut amerlasuut akuutinneqarnerat piareersimaffigalugu.

Neqeroorutigaavut:

  • Ingerlatsivik ineriartortuartoq
  • Sanaartornermut immikkoortortaq ineriartortuartoq
  • Immikkoortortaqarfik pissanganartunik allanngorartunillu suliassalik
  • Immikkoortortaqarfik suliffimmi avatangiiserissoq suleqatillu kajumissuseqarluartut
  • Immikkoortortaqarfik ulluinnarni nammineq ingerlatarinissaanut piginnaasanillu ineriartortitsinissamut periarfissaqarluartoq

Akissarsiat atorfinitsitaanermilu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfimmut atatillugu inissaqartitsisoqarpoq, atorfininnermi angalanermut pequtinillu assartuinermut akiliussisoqarsinnaalluni.

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Naatsorsuutigivarput atorfinitsitsinissaq pillugu oqaloqatiginninnerit ingerlaavartumik ingerlanneqarnissaat.

 

Qinuteqaat tunniunneqassaaq kingusinnerpaamik: 4. oktober 2019
Atorfininneq: 1. december 2019
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Anlægschef Rudi Birkedal
Telefon: +299 36 74 10
Nittartagaq: http://www.sermersooq.gl
Qinnuteqaat nassiutiguk