Skip to main content
98

Dette jobopslag er udløbet

Sukisaarsartarfik Kalaaleq Paamiuniittoq pisortamut tullersortissarsiorpoq - Allagarsiussap nr.a 602/20

Sukisaarsartarfik Kalaaleq Paamiuniittoq sunngiffimmi sammisassaqartitsivittut ullukkut meeqqanut 9-iniit 13-inut ukiulinnut ataasinngornermiit sisamanngorneq ilanngullugu nal.12:00 – 16:00, tallimanngornikkut nal.13:00 – 16:00, kiisalu unnukkut inuusuttunut 14 -iniit 21-t tikillugit ukiulinnut ataasinngornermiit sisamanngorneq ilanngullugu nal.19:00 – 23:00, tallimanngornikkut nal. 19:00 – 24:00 neqeroorutaavoq  

Akisussaaffiit suliassallu ilaatigut ukuussapput
• Sunngiffimmi sammisassaqartitsivinni Paamiut, Arsuk, Qeqertarsuatsiaat aamma Kapisillit   pisortaq suleqatigalugu  ulluinnarni allaffissornikkut aamma sulisunut aqutsineq.
• Sunngiffimmi sammisassaqartitsivimmi sammisassanik pilersaarusiorneq ingerlatsinerlu.
• Sunngiffimmi sammisassaqartitsiviup ineriartortinneqarneranut suliareqqinneranullu peqataaneq.
• Sunngiffimmi sammisassaqartitsivimmi meeqqanut  inuusuttunullu  sammisassaqartitsiniutinut peqataaneq.
• Pisortaq qanimut suleqatigalugu missingersuusiorneq, naatsorsuuserineq malinnaatitsinerlu.
• Sulisut suliffissaasa ataqatigiissarneqarnerat.
• Meeqqat inuusuttuaqqallu  angajoqqaavinut qanimut suleqateqarneq.

Naatsorsuutigaara
• Perorsaasutut, isumaginninnermi ikiortitut, klubbimiluunniit ikiortitut ilinniarsimaneq, suliffimmilluunniit assingusumik misilittagaqartutit.
• Aqutsinermik allaffissornerullu iluani misilittagartutit
• Nammineersinnaasutit, aallarnisaasinnaasutit, piumassuseqartutit takunnilluarsinnaallutillu.
• Suliassat suliffissallu eqqarsaatigalugit tamatigoortuusutit.
• Suleqatikkuminartuusutit qiimmaarissuullutillu.

Meeqqerivinnut Immikkoortortaq ulluunerani neqerooruteqarfiusuni atorfeqartunut  naleqqussakkanik pikkorissarnernik ingerlaavartumik neqerooruteqartarpoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissiamik innersuussisoqarsinnaanngilaq.

Qinnuteqaat:

Qinnuteqaatip ilisarnaataata Job nr. 602/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 7. december 2020
Atorfininneq: 1. januar 2021
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Tim Serritzlev
Telefon: +299 367610
Nittartagaq: http://www.sermersooq.gl
Qinnuteqaat nassiutiguk