Skip to main content
91

Dette jobopslag er udløbet

Soralu ikiortimik pissarsiorpoq / Atorfiup ilisarnaataa 653/21

Soralu ukiumikkut akuleriinnut paaqqinnittarfiuvoq pinngortitami qaqqanut imarmullu qanittumi pinnersunik avatangiisilimmi Qernertunnguani inissisimasoq. Soralumi meeqqanut inissat 54-nut amerlassuseqarput. Meeraaqqerivimmi eqimmattat pingasut aqqaneq marlunnik meerartalllit, meeqqerivik ataaseq 18-inik meerartalik.

Soralu Nuummi meeraaqqeriviit nutaanersaat ilagaat 2008-mi ammarneqartoq.

Meeqqerivimmi Soralumi sulisut 15-nik naatsorsuunneqarput. Pisortaq, pisortap tullersortia, perorsaasut sisamat, meeqqerisut sisamat, ikiortit sisamat, igaffimmioq ataaseq kiisalu asaasoq ataaseq.

Nalunngilat meeqqat ineriartuinnaleraangata aamma meeqqap takoqqusaarutaanut naalaarluni qanoq ilungersunartigisartoq. Nalunngilat, meeqqat peqqusaanerminnut naleqqiullugu annerungaartumik piginnaassuseqartut aammali illit meeqqat imminnut naleqartinnerisa imminnullu tatiginerisa allisarnissaannut suleqataarusupputit. Aamma silarsuarmut meeqqap alapernaannerani ikorfartorniarpat. Kiisalu illit susoqartoq nalunngilat.

Ullut nalinginnaasut pilersinniarusuppagut ilisarnassuseq ulluinnarni aalajangersimasumik ingerlanermik/piffissamik malussarissusermik tunngavilik kiisalu siumut oqaatigineq ajornartoq tunngaviulluni meeqqat angerlarsimaffiup kulturiata ineriartorneranut sunniuteqarsinnaanissaat. Pingaaruteqarpoq suleqatigiilluta Soralumi atuisunut tamanut angerlarsimaffimmik peqqinnartumik ineriartornartumillu pilersitsinissarput. Taamaattumik sullivimmi avatangiisit pingaartinneqarput.

Suliassat makkuupput:

  • Perorsaaneq tunngavigalugu pædagogikki
  • Pinngortitaq atorlugu perorsaaneq
  • Meeqqat allatut ittuusinnaaneranik ataqqinninnermik ilinniartillugit.
  • Meeqqat toqqissisimasumik perorsaataasumillu avatangiiseqartinnissai.

Neqeroorutigisinnaavarput:

  • Suliffik pissanganartoq, meeqqap sullinneqarnerani pilersaarusiornermi ullup ingerlanissaanut aalajangeeqataanissat.
  • Suliffik pilersaarusiorluagaq, avatangiisinillu atorluaanissaq.
  • Ini sulianut naleqqussagaq, suleqatillu pitsaasut.
  • Pikkorissarnissamut periarfissalik.
  • Inuttut piginnaaneqarluarnissat suleqateqarluarsinnaanissallu pingaartippavut.

Naatsorsuutigaarput:

  • Meeqqanik inersimasunillu suleqateqareersimanissaq
  • Eqeersimaartoq akisussaaffimmillu tigummiarsinnaanissat
  • Suleqatit perorsaanermut eqqartueqatigisinnaagitit
  • Assassorumatuujuusutit meeqqallu ineriartuutaasunik suliaqartissinnaassagitit
  • Ilakkuminartuusutit meeqqanut, sulisunut angajoqqaanullu
  • Suliffimmi aalajaatsuunissat
  • Kalaallisut oqaaseqartuunissat

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Ineqarneq:
Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Atorfiup ilisarnaataa. 653/21 , imminut ilisaritinneq, misilittakkat, ilinniagarisimasat, siornatigut suliffigisimasat, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:                                                                                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinuteqaat tunniunneqassaaq kingusinnerpaamik: 11. november 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Hansine Kristensen
Telefon: +299 366831
Nittartagaq: http://www.sermersooq.gl
Qinnuteqaat nassiutiguk