Nuuk pillugu oqaluttuassaqqissunik isumassarsisinnaassuseqarluarlutillu takunnissinnaassuseqarluarpit internitsikkullu inuit attaveqatigiittarfiisigut soqutiginnilersitsisinnaassuseqarluarlutit? Taamaappat SoMe aamma Visit Nuuk pillugit nittarsaassisartutut atorfik qinnutigiuk.

 

Visit Nuuk maannakkorpiaq piffissami pissanganarluinnartumiippoq. Nutaamik ilusiliivugut, taaguuterput Colourfull Nuuk allanngortillugu Visit Nuuk taaguutitaaraarput nittartagarlu nutaaq saqqummiullugu. Nuummi neqeroorutaasinnaasut soqutigineqaleraluttuinnarnerat maluginiarparput, pissanganartillugulu mittarfittaaq ammarpat pissutsit qanoq iliumaarnersut. Pingaarutilimmik suliassaqarpugut tassa nittartagartaarput aalluttussaavarput Nuummilu periarfissat suunersut avatangiisitsinnut nittarsaassinnaanissaanut nutaamik periusissaliortussaalluta, ilaatigut internetsikkut attaveqatigiittarfiit aqqutigalugit.

Naatsukullammik takkajaamillu oqariartuuteqallaqqissuunissaq pingaartitariviuk, niuernermik paasisimasaqarpit aamma Visit Nuuk avammut takutinnissaanut kusanartumik pilerisaarinnillaqqissuseqarpit, taamaappat taannaavutit ujartugarput.

 

Illit suliassatit:

SoMe aamma Visit Nuuk pillugit nittarsaassisartutut ilaatigut suliassavit ilagissavaat:

∙ Visit Nuuk pillugu aamma avammut attaveqaqatigiinneq ataatsimut isigalugu periusissaliorneq

∙ Nittartakkap uummaarissuutinneqarnissaa soqutiginartuunissaanillu qulakkeerinninneq, tassunga ilaallutik ilanngutassiarineqartussanik periussaliorneq ujartuinerlu

∙ Internetsikkut attaveqatigiittarfinnik inerisaaneq attassinerlu kiisalu suliniuteqarnitta sunniutaanik misissueqqissaarneq

∙ Sermersuumi siuarsaataasussanik aaqqissuussineq

∙ Saqqummersitsisuni peqataanissamut aaqqissueqataaneq

∙ Assinik katersaateqarfiliorneq

 

Ilinnut neqeroorutivut:

 

∙ Suliffeqarfik pissanganartunik unammillernartulik pingaartumillu akisussaassuseqarluni kiffaanngissuseqartitaaffiusoq

∙ Suleqatigiinnut Nuummi neqeroorutaasinnaasunik tamanik nunarsuarmioqatitsinnut apuussisussanut peqataanissamik periarfissaq aamma illoqarfimmiunik oqaluttuassatsialannik apuussassaqartunik peqataatitsineq

∙ Attaveqaqatigiinnermi nittarsaassinermilu pissanganartunik suliniuteqarneq

∙ Suliannut inuttullu piginnaasannik ineriartortitsinissamut periarfissagissaarneq

∙ Suliniutinut isumassarsiannik ineriartortitsinissamut periarfissaqarluartoq

∙ Suliffeqarfimmi nunatsinnit nunattalu avataaniit attaveqaqatigiiffiit amerlasuut

 

Suliatigut piginnaasassatit:

Naatsorsuutigaarput:

∙ Sulinermut atatillugu internetsikkut attaveqatigiittarfinnik atuinermut misilittagaqarluartutit, pilersaarusiornermut inuiaqatigiinnilu aqutsinermut tunngasut eqqarsaatigalugit.

∙ Attaveqatigiittarfinnik ukuninnga atuinermik misilittagaqartutit: Facebook, Instagram, Linkedin, TikTok

∙ Nuannersumik oqaluttuarsinnaassuseqarnermi takorluuisinnaassuseqartutit pingaartitsisuusutillu.

∙ Internetsikkut attaveqatigiittarfinni ilanngussassanik nittartakkamilu takisuunik ilanngussassaliornissamut pimoorussilluni allannermik misilittagaqartutit.

∙ Kalaallit Nunaannut ilisimasaqartutit aamma takornarialerinermut tunngasunik soqutigisaqartutit paasisimasaqarlutillu

∙ Internetsikkut attaveqatigiittarfik pillugu paasissutissanik misissueqqissaarnermik nalunaarusiorsinnaassuseqarnermillu pikkoriffigalugu misilittagaqartutit

∙ Atorfimmut attuumassuteqartumik ingerlariaqqiffiusumik ilinniagaqartutit tassungaluunniit tunngasumik misilittagaqartutit

∙ Tuluttut sulianut attuumassuteqartunik piginnaasaqarluartutit. marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli. .

∙ Suliniutinut missingersuutinik suliaqarsinnaaneq malinnaaffiginnissinnaanerlu.

 

Inuttut piginnaasatit

Naatsorsuutigaarput illit inuttut:

∙ Tunniusimasuusutit inuttullu sulerusussuseqarluartuusutit

∙ Suleqatigiinni peqataasinnaassuseqarluartoq suliannillu attassisinnaassuseqarluartutit

∙ Suliniummik aqutsinermi aaqqissuussaasumik, eqqarsaatigilluagaasumik misissuilluarsinnaassuseqartumillu aallussinermik misilittagaqartutit

∙ Nutaanik pilersitsisinnaallutillu pilersaarusiorsinnaasutit, periutsinut suleqatigisanullu tunngatillugu

∙ Pissutsinik malinnaaffiginnilluartuusutit nutaarsiassaqqissunillu ujartuillaqqissutit

∙  Attaveqaqatigisinnaasannik ujartuillaqqissutit atorluaasartutillu

 

Atorfik pillugu:

Atorfik piffissaq tamakkerlugu suliffigineqartassaaq (sap. ak. 40 tiimit), Nuummi kommuneqarfiup allaffiani. Visit Nuuk Kommuneqarfik Sermersuumi inuussutissarsiornermut immikkoortortap ilagaa, taamaattumillu inuussutissarsiornermut pisortaq Mads-Daniel Skifte qullersarissavat. Ulluinnarni sulinermi Destination Manager Sara Nissen qaninnertut sulisitsisorissavat.

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Inuussutissarsiornermut pisortaq Mards-Daniel Skifte , oqarasuaat +299 36 73 72 imaluunniit e-mail: mdsk@sermersooq.gl

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

Inissaq:

Atorfininnermut atatillugu inissiamik innersuussisoqarsinnaanngilaq

 

Qinnuteqaat:

Qinnuteqaat qulequtserlugu Atorfiup ilisarnaataa 38-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

 

Qinnuteqarnissamut killissarititaasoq: februaarip 5.-at, 2023

Atorfik una qinnuteqarfigiuk