Kommuneqarfik Sermersuumi Innarluutilinnut tarnimikkullu nappaatilinnut immikkoortortaqarfik siunnersortimik atorfinittussamik pissarsiorpoq

 

Innarluutilinnut tarnimikkullu nappaatilinnut immikkoortortaqarfimmi fagchefi peqatigalugu najugaqarfissatut neqeroorutini arfineq marlunni, najugaqatigiiffinni tallimani, sammisassaqartitsivittullu ornittakkani marlunni kiisalu kommunimi illoqarfinni tamani ikorfartuisoqatigiinni siunnersortimik pissarsiorpugut. Ulloq aallartiffik tassaavoq 1. aggusti tamatumaluunniit kingorna piaartumik.

 

Ineriartornermik ingerlatsinermik aallartitseqqammivugut, pingaarnertullu suliatsinnik ineriartortitsinitsinni suliatigut piginnaasat, assigiinngissuseq, ataatsimoornerlu ilisarnaataassapput. Innuttaasut nammineersinnaanerulernissaannik pitsaanerusumillu inuuneqalernissaannik tapersersornissaat. Tamanna iluatsikkumallugu illit aamma piumassutsit piginnaasatillu sulianik ingerlatsinermilu suliassanik tamatigoortuunissat atorfissaqartippavut.

 

Neqeroorutitta ineriartortinnissaanut tapersersuutaanissaanik siunertalimmik suliassanik assigiinngitsunik siunnersortitut suliaqartassaatit. Ilaatigut ineriartortitsinissamut suliniutit, aqutsisoq suleqatitillu peqatigalugit najugaqarfinni neqeroorutini ataasiakkaani innuttaasut qanillissavasi. Eqqarsartaatsikkut pissusilersuutinik tunngavilimmik piginnaasatigut ineriartortisinissaq pilersaarusiuleruttorparput. Naatsumik oqaatigalugu qanimut suleriaaseqarnikkut perorsaariaatsip pitsaanerpaamik allanngoriartuaarnissaa upperaarput - illit siuttuuffiginissaa sapiissuseqarfigissavat

 

Aammattaaq aalajangersimasunik allaffissornikkut suliassaqartassaaq, tassani aqutsisut atorfinitsitsinissamut suliaanni annertunerusumi ikorfartussallugit Taama ittunik suliaqarnermut ilaapput aqutsisoq peqatigalugu atorfinnik inuttassarsiuussineq, atorfinitsitsinissamullu suleriuseq atorfinitsitsinikkut itingartitsinikkulluunniit malillugu. Taassuma saniatigut fagchefi peqatigalugu paasissutissanik katersissaatit, paasissutissat atorlugit siunissami ungasinnerusumi periusissiaqarluni aqutsinermut pitsanngorsaatissanik. Sulisussarsiortarnermi periusissiaq atorlugu ass. sulisoqarnerup ingerlarnga misissorsinnaavarput, aqutsisullu peqatigalugu qanoq immikkoortortarput pitsanngorsarsinnaanerlugu ilisimasaqarfiginerulissavarput.

 

Suliatigut piginnaasat, assigiinngissuseq, ataatsimoornerlu suleriaatsimik siunissami kivitsinissap iluatsinnissaanut pingaaruteqarsoraagut. Taamaattumik suliniutinik nutaanik, suliatigut qaninnerulersitsisussanik aallartisaalluta aallartilluareerpugut. Kukkussutitta oqaluuserinerisigut ilinniutiginerisigullu ataatsimut pikkorinnerulersinnaanerput upperaarput.

 

Iluaqutaasaaq illit

• Sullinniakkatsinnik ilisimasaqarneq, perorsaanermi attaveqarnermillu tamanik ilisimaarinnittutit
• Namminersorlutit sulisinnaasutit, najugaqartut akornanniikkaluarlutit qarasaasiap saavani sulisinnaasutit
• Attaveqaqateqarnermut piginnaaneqarluartutit, immikkoortumilu suliffeqarfiup iluani avataanilu suleqatigiinnerup nukittorsarnissaanut matuma pingaaruteqassusaa takusinnaagit.
• Kalaallit inuiaqatigiit kulturilu pillugit ilisimasaqarluartutit, iluaqutaassaarlu marluinnik oqaaseqaruit.

 

Inuttut

 

• tunngaviusumik allaanerussuteqarneq ataatsimoornerlu nukittut isigissagitit
• arlalinnik suliaqarlutit nuannarissagit
• tatitusutit oqaloqatiginnikkumasuullutillu
• Ilisimasaqarusuttuuit, alapernaatsuuit ineriartorusuppillu

 

Alapernaannerulersimaguit

Kommunip nittartagaani suliat allaaserineqarnerini suliatsinnut malittarisassat pillugit atuarsinnaavutit, aammattaaq allanik apeqqutissaqaruit attaveqarfiginissatsinnut tikilluaqqusaavutit.

 

Matumani ilaatigut nakkutilliisoqarfimmit periusiliat atorlugit suliassariligassavut pillugit oqaluttuussinnaavatsigit kiisalu iliuusissatut pilersaarutinut nutaanut, aqutseqatigiikkuutaarnernut, workshoppinut aalajangersimasunut allanullu ilisaritillutit.

 

Atorfinitsitsinissamut oqaloqatiginninnerit sapaatip akunnerini 07-mi ingerlannissaat naatsorsuutigaarput

 

Annertunerusumik paasisaqarusukkuit:Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: fagchef-imut Mathias Knude Brusgaard, oqarasuaat +299 562761 imaluunniit e-mail: mtbr@sermersooq.gl

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

  

Inissaq:

Atorfininnermut atatillugu inissiamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 36/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 3.-at, 2023

Atorfik una qinnuteqarfigiuk