Skip to main content
91

Dette jobopslag er udløbet

Sikkersoq Inunnik isumaginninnermi ikiortinik marlunnik pissarsiorpoq / Atorfiup ilisarnaataa 659/21

Akuleriinnut meeqqerivik Sikkersoq Inunnik isumaginninnermi ikiortinik marlunnik pissarsiorpoq

Sikkersoq pillugu allaaserinninneq:

Sikkersoq meeqqeriviullunilu meeraaqqeriviuvoq meeqqanut 64-inut, taakku ininut sisamanut agguataagaapput, meeraaqqerivimmi meeqqat 24-t meeqqerivimmilu meeqqat 40-t. Inini tamani sulisut pingasunik amerlassusiligaapput.
Meeqqerivik Nuussuarmi Kangillinnguit Atuarfiata qanittuani eqqissisimanartumilu inissisimavoq.
Sapaatip akunneranut akunnerni 40-ni nikerartumik suliffiuvoq. Sikkersoq ullukkut nal 07.00 - 17.00 ammasarpoq.

Immikkoortortaq maannakkut 14-nik sulisoqarpoq, aqutsisoq, aqutsisup tullia, perorsaasut, isumaginninnermi ikiortit, igaffimmioq kiisalu eqqiaasoq.

Atorfik ulloq naallugu suliffiuvoq, Immikkoortortamilu aqutsisumik qullersaqarpoq.

Naatsorsuutigaarput:

  • Isumaginninnermi ikiortitut ilinniarsimasoq / meeqqerisoq
  • Qanilaartoq meeqqanullu kajumissaarisoq
  • Meeqqat ataasiakkaat pisariaqartitaannut eqqummaarittuunissat
  • Unneqqarissuunissat aamma ammasuunissat
  • Suliassarsiullaqqissuunissat aammalu akisussaaffimmik tigusisinnaanissat meeqqallu ineriartortinnissaannut pimassuseqarlutit
  • Angajoqqaanut, suleqatinut meeqqanullu suleqatikkuminartuusutit
  • Sulisutut ineriartornissamut ammasuunissat piumassuseqarnissat aammalu avitseqarsinnaanissat
  • Suleqaternut unneqqarissuussaatit aamma inimi perorsaasut qanimut suleqatigissavatit
  • Aasat tamaasa pisartumi tammaarsimaariarnernut ilaasassaatit
  • Aalajaatsoq piffissamillu ataqqinnittoq
  • Nutaanik pilersitsisinnaassuseqartutit meeqqallu ilagalugit perorsaanermut tunngasunik suliaqarusussuseqartutit.

Sikkersumi naleqartitavut makkuupput:

  • Akuersaartumik perorsaariaaseq.
  • Pinngortitarsuaq perorsaatitut atorparput
  • Allaassuteqarsinnaaneq pillugu meeqqat ataqqinnissinnaanermik ilinniartillugit.
  • Meeqqanut toqqissisimaneq pilersissallugu, ineriartornermut inissaqartitsisoq.

Neqeroorutigisinnaasavut:

  • Suliffik akisussaassuseqarfigisinnaasat sunniuteqarfigisinnaasallu.
  • Suliffik pisoqarfiusoq avatangiisit kusanartorsuit atorlugit.
  • Pikkorissarnernut ilinniagaqarnissamullu peqataasinnaaneq.
  • Angajoqqaat pimoorussisut meeqqallu inequnartut.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 659/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 15. oktober 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Juliane H. Tobiassen
Telefon: +299 366730
Nittartagaq: http://www.sermersooq.gl
Qinnuteqaat nassiutiguk