Skip to main content
144

Dette jobopslag er udløbet

Sermiligaami atuarfimmi aqutsisoq / Atorfiup nr-a 76/19

Sermiligaami Alivarpi atuarfiuvoq alloriarfinnut agguataariffiusoq aamma 35-inik nunannersunik atuartoqartoq tallimanillu suleqataalluartunik atuartitsisoqartoq/timelærer-qartoq. Sermiligaami atuarfik Tunumi Ammassallip eqqaaniippoq.

Atuarfimmi atuartut 1. klassiniit 7. klassinut atuartuupput alloriarfinnullu marlunnut agguataagaapput: Nukarliit 1. klassiniit 3. klassinut, akulliit 4. klassiniit 7. Klassinut.

Atuarfiup pisortaa makkuninnga piginnaanilik kissaatigaarput:

  • atuarfik pillugu meeqqat inuusuttullu ilinniarnissaannut sulinissamut aallussisinnaasoq / piumassususeqarluartoq atuarfimmi siulersuisut, sulisut, atuartut illoqarfimmilu innuttaasut suleqatigalugit inuiaqatigiinni qitiusutut ineriartortinnissaanut siuttuusinnaasoq.  
  • perorsaanermi akuersaaruminartumik periarfissanik takunnissinnaasoq sulisullu akornanni sulerusussusermik atugarissaarnermillu pilersitsisinnaasoq.
  • perorsaanermi, allaffissornermi sulisunillu aqutsinermi suliassanik misilittagaqartoq soqutigisaqartorlu.
  • aalajangersinnaasoq, ataatsimoortumik takunnissinnaasoq, pilersaarusiorsinnaasoq suliassanillu agguataarisinnaasoq.
  • atuartitsinermi ilinniartitseriaatsimik pitsaasumik qaffasissumillu anguniagaqarnissamut suliniuteqarusuttoq atuarfiullu isumalluutaanik pitsaanerpaamik atorluaanissamut isumannaarinnissinnaasoq.
  • inuiaqatigiit ineriartornissaat pillugu suliassanillu inerniliinissamut sulianik akoorinerni ikioqatigiinnermi pingaarutilinnik takunnissinnaasoq kiisalu atuarfiup sulilu atualersimanngitsunut suliassaqarfiit akornanni suleqatigiinnerup ineriartortinnissaanut peqataarusussinnaasoq.
  • Ilinniartitsisutut ilinniagaqarsimasoq aamma marluinnik oqaaseqarsinnaavoq – kalaallisut/danskisut.

Tamakku saniatigut atuarfimmi pisortatut Kommuneqarfik Sermersuumi kommunimi atuarfiit ataatsimut ineriartortinneqarnerannut tapersersueqataanissat naatsorsuutigineqarpoq. 

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:

Kalaallit Nunaanni Namminersornerullutik Oqartussani aamma kommunini tjenestemandit pillugit Inatsisartut inatsisaat nr. 5, 14. maaji 1990-imeersoq naapertorlugu tjenestemanditut atorfinitsitsisoqassaaq aamma Namminersornerullutik Oqartussat aamma IMAK-ip (Kalaallit Nunaanni meeqqat atuarfianni ilinniartitsisut qitiusumik kattuffiat) akornanni isumaqatigiissutit atuuttut naapertorlugit imaluunniit Namminersornerullutik Oqartussat aamma IMAK-ip akornanni isumaqatigiissutit naapertorlugit atorfinitsitsisoqarsinnaavoq.


Akissarsiat pillugit isumaqatigiissutitut atorfik isumaqatigiissut Namminersornerullutik Oqartussat meeqqat atuarfianni ilinniartitsisunut IMAK-lu akornanni.

Isumaqatigiissutit maanna atuuttut malillugit atorfininnermi ukioq ataaseq misiliutitut ingerlasoqassaaq. Atorfillillu isumaqatigiissutaannik atuisut malittarisassat isumaqatigiissutillu atuuttut naapertorlugit atorfeqarnertik ingerlatiinnarsinnaavaat.

Atorfilittut inigisaq sivisussusileriikkamillu atorfeqartitaanermi, akiliunneqarluni feeriarnermik soraarnermilu aningaasarsiassat ilaareerput.

Atorfinittumut, taassumalu ilaqutaanut atorfininnermi akiliunneqarluni angalatitsisoqarsinnaavoq siusinnerpaamillu ukiut pingasut qaangiunneranni soraarnermut atasumik angalanermut akiliussisoqarsinnaalluni, soorlu aamma malittarisassat atuuttut naapertorlugit nutsernermut akiliussisoqarsinnaasoq.

Atorfinittussaq sulinngiffeqarnermi angalanermut aningaasaateqarfik pillugu isumaqatigiissummut ilaatinneqarpoq.

Ineqarnermut tunngasut allallu.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Paasisaqarnerorusukkuit attavigisinnavatit:
Atuarfeqarnermi pisortaq Jesper Madsen, oqa. +299 36 73 03, Skolekonsulent Ujuunnguaq Nathansen +299 36 73 15, Skolekonsulent Peter von Staffeldt +299 36 73 43. Meeqqanut, - Ilaqutariinnut - Atuarfeqarnermullu  Ingerlatsivik, oqarasuaat +299 36 73 00, e-mail: ATU@sermersooq.gl.

Qinnuteqaat:
Qinnuteqaatip ilisarnaataata Job nr. 76/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Atuarfik pillugu paasisaqarnerorusukkuit iserfigiuk. Kommuneqarfik Sermersooq pillugu: www.sermersooq.gl. Kangia pillugu: www.eastgreenland.com

 

Qinuteqaat tunniunneqassaaq kingusinnerpaamik: 28. februar 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Sermiligaaq
Paasissutissat allat uani piniarneqarsinnaapput: Nukannguaq Kristiansen
Telefon: +299 367812
Nittartagaq: http://www.sermersooq.gl
Qinnuteqaat nassiutiguk