Skip to main content
131

Dette jobopslag er udløbet

Sermiligaami Alivarpi ilinniartitsisumik atuarfimmi aqutsisuutigisussamik pissarsiorpoq

Kommuneqarfik Sermersooq Sermiligaami Alivarpimmi ilinniartitsisunik pikkorissunik piumassusilinnik pissarsiorpoq.

Sermiligaami Alivarpi Tasiilap nunaqarfiinni kangisinnersaavoq 35 missaani atuartoqarluni. Taakkulu klassinut 3 agguarneqartussaallutik. 7-nik ilinniartitsisoqarpoq immikkoortunut pingasunut agguarsimallutik, Nukarliit, akulliit angajullernullu. Immikkut atuartitsinermi hold ataasiuvoq.

Sermiligaaq Tunumi nunaqarfiit inuttunerit ilagaat, 200 missaani inoqarluni. Atuarfimmi suleqatigiinneq nekerartunik atuarfimmi pisortaqarsimagaluarlutik sulisut kivitseqatigiilluartarput.

 

Atorfiup imai

Ilinniartitsisumik ilinniarsimasumik suleqataasinnaasumik pissarsiorpugut. Makkua suliassarivatit:

  • Atuartitsinissamut piareersarneq
  • Atuarfik angerlarsimaffillu suleqatigiinneq
  • Atuartitsineq
  • Ataatsimiinerni pikkorissarnernilu peqataaneq
  • Alaakkasumik suliassat.
  • Allaffissorneq
  • Ulluinnarni atuarfimmi aqutsuneq

 

Suleqatit artuarfiullu siulersuisui suleqatigalugit suliat naammassineqartassapput.

 

Piginnaasassatit:

  • Ilinniartitsisut ilinniarfianni ilinniarsimanissaq
  • Piumassuseqarnissaq angusaqarusunnerlu piginnaaneqarfigissavat
  • Tassanngaanartunik sulissaqalernermi pipallattumik sulisinnaaneq

 

Pingaatipparput:

  • Pilersaarusiorluarsinnaanissat piviusunngortitsisinnaallutillu
  • Atuartunut aqutsisinnaalluarnissat tiguaasinnaanissallu
  • Atuarfimmi aalaakkasumik ineriartortitsinissamut piumassuseqarneq
  • Immikkoortukkaani suleqatigiinnermi ineriartortitseqataasinnaaneq
  • Ammasumik inuiaqatigiinnut akuusinnaaneq
  • Meeqqanik oqaloqateqallaqqinneq
  • Angajoqqaanik suleqateqarluarneq

 

Neqeroorfigisinnaavatigit

  • Atuarfik ineriartorfiusoq inuttut piginnaasatigullu ineriatorfiusinnaasoq
  • Suliffik pissanganartoq,atuarfeqarfimmi inerisaaneq pingaatinneqartoq
  • Suleqatinit tapersersugaaneq
  • Suleqatigiini suleqatitsialaat
  • Ineriartortitsinissamut peqataaffiusinnaasoq

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

Akissaatinut atorfinitsitaanermullu tunngatillugit atugassarititaasut:


Akissarsiaqarneq atorfinitsitaanerlu isumaqatigiissutit atuuttut malillugit pissaaq, Naalakkersuisut aamma Ilinniartitsisut Meeqqat Atuarfianneersut Kattuffiata (IMAK) akornanni. Ilinniartitsisutut isumaqatigiissut malillugu atorfineqqaarnermi qaammatini pingasuni misiliisoqarnissaa aalajangersimassaaq.

Atorfinitsinneqarnikut tjenestemanditut, tjenestemandiuinnarnissartik pigiinnassavaat, sulisut atorfinitsinneqarnermi siuliani isumaqatigiissutit malillugit atorfinitsinneqarnikut isumaqatigiissutit malillugit atorfinitsinneqarsinnaanissartik pigiinnassavaat.Atorfinitsitaanermi atorfinittup taassumalu ilaqutaasa angalanerat atorfinitsitsisumit akilerneqassaaq aammattaaq siusinnerpaamik ukiut pingasut qaangiunnerini suliunnaarnermi angalaneq atorfinitsitsisumit akilerneqassaaq, soorluttaaq malittarisassat malillugit nuunnermut ajunngitsorsiassaqartitsisoqarumaartoq.

Atorfinitsitsineq ukiuni aalajangersimasuni atorfeqarnissamut malittarisassaq pillugu 16. februaari 2007-imi aalajangersagaq tunngavigalugu, ukiuni aalajangersimasuni atorfeqarnissat tunngavigalugu, atorfinitsinneqassaatit. Ukiut ataasiakkaarlugit atorfeqarsimaneq tunngavigalugu, 1. apriili 1991-imeersoq malillugu ukiumut tunngaviusumik kr. 18.000,00 aningaasartalimmik, soraarnerusutisiaqartitaanngitsumik soraarnermi akissarsiaqartitsineq pissaaq. Annertussusaa naleqqussarneqassaaq immikkut ittumik tapisiatut, 1. apriili 2017-imi ukiumut annertussuseqarluni kr. 20.253,67. Soraarnersiassaq qaammatikkuutaartumik akissarsiannut ilanngullugu Kalaallit Nunaata aningaaseriviani kontumut matoqqasumut akiliutigineqassaaq.

Qaammatini 12-ini atorfeqarsimanerpit kingorna ilaquttatillu akiliunneqarlusi feeriarsinnaatitaavusi, (feeriaqatissat pillugit aalajangersakkat eqqaassanngikkaanni) kapitali II, Akiliunneqarluni feeriarneq, 26. aggusti 2014-imeersoq Naalakkersuisut IMAK-illu akiliutitilluni angalaneq pillugu isumaqatigiissutaanni aalajangersagaq malillugu.

 

Atorfimmut atatillugu inissaqartitsoqarpoq

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Inigisamik tapinik tunniussisoqartarpoq

 

Qinnuteqaat:
Qinnuteqaatip ilisarnaataata Atorfiup ilisarnaataa 398/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani ikkunneqassaaq qinnuteqarnermi.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

”Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq nukittooq innuttaasunut sullissineq pitsaanerusumik akikinnerusumik sunniuteqarluarnerusumillu ingerlasinnaajumallugu. Suliatsinnut atatillugu sinaakkutissat politikkikkut anguniakkanit isumaqatigiissutigineqarsimasunik aallaaveqarput ”Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu”

 

Kingusinnerpaamik qinnuteqarfissaq                   04.07.2022

Atorfiniffissaq 01.08.2022

Suliffiusoqiluittoq

SumiiffikSermiligaaq

Annerusumik paasiniaaffissaqRiikki Grønvold – immikkoortortami pisortaq -  rigr@sermersooq.gl

Qinnuteqarnissamut killissarititaasoq: juulip 5.-at, 2022

Atorfik una qinnuteqarfigiuk