Skip to main content
156

Dette jobopslag er udløbet

Sermersuumi Inuussutissarsiornermut Immikkoortortaq inuussutissarsiornermik siunnersortimik pissarsi

Sermersuumi Inuussutissarsiornermut Immikkoortortaq inuussutissarsiornermik siunnersortimik pissarsiorpoq – Ilinniagartooq imaluunniit imaani inuussutissarsiornermik misilittagalik

 

 

Nuummi imarsiornermut tunngasunik suliassaqarfimmi piujuartitsisumik ineriartortitsinermut tapersersueqataarusuppit?

Sermersooq Business Imarsiornermut tunngasunik suliassaqarfimmik akisussaasussamik inuussutissarsiornermik siunnersortissarsiorpoq, inuussutissarsiornermut pisortaq aamma Nuummi Imarsiorneq pillugu attaveqatigiit peqatigalugit Nuummi imarsiornermut tunngasunik suliassaqarfimmik ineriartortitsinissamut sunneeqataasinnaasumik

 

Nuummi Imarsiorneq pillugu attaveqatigiit 2021-mi maajip qaammataani pilersinneqarput, taakkulu Nuummi imarsiornermik inuussutissarsiortut assigiinngitsut suleqatigalugit naleqarluartunik suleqatigiinnernik pilersitsinissaq sulissutigaat, tassunga ilanngullugit atugassarititaasunik pitsanngorsaanerit, misissuinerit aamma piginnaasanik ineriartortitsineq.

Tamatuma saniatigut aningaasaqarnermut suliniutinillu aqutsinermut tunngasunik arlalinnik suliassaqassaaq.

 

 

Akisussaaffitit:

∙ Kommunimi soqutigisaqaqatigiit assigiinngitsut akornanni suliniutinik ineriartortitsineq aallarnisaanerlu

 

∙ Nuummi Imarsiorneq pillugu attaveqatigiinnut suliniutinut aqutsisuuneq

 

∙ Suliniutinik aqutsineq

 

∙ Imaani inuussutissarsiornerup, allanik suleqateqarnerup kiisalu illoqarfimmik ineriartortitsinerup pilersaarusiornerullu akornanni attaveqatigiinnernik ineriartortitsineq

 

∙ Sulissat takkussuuttut isumaginissaat

 

 

Piginnaasatit:

∙ Aaqqissuussaasumik misissueqqissaartarlunilu suleriaaseqarneq

 

∙ Ilisimatitsillaqqinneq

 

∙ Sulinermi namminersorsinnaaneq, angusaqarusussuseqarneq kiisalu piffissaliussanik malinnikkusussuseqarneq

 

∙ Oqaatsinut tunngatillugu piginnaasaqarluarneq

 

 

Inuttut tunuliaqutitit:

∙ Inuussutissarsiornermik ineriartortitsinissamut periarfissanik alapernaatsuuneq

 

∙ Ilisimasat periarfissanngortinneqarnissaannut pikkoriffeqarneq

 

∙ Siunersiueqatigiinneq nalinginnaasutut atortarpat

 

∙ Kisitsisilerillaqqinneq, kiisalu aaqqissuussaalluartumik misissueqqissaartarlunilu suleriaaseqarneq

 

∙Misissueqqissaarnermik suliaqarneq misilittagaqarfigaat

 

∙ Ilaatigut inuussutissarsiornermut tunngasunik misilittagaqarputit, taamalu inuussutissarsiortut atugaannik ilisimasaqarluarlutit

 

Ilinniakkatigut tunuliaqut Naleqquttumik ingerlariaqqiffiusumik aningaasaqarnermut, inuiaqatigiilerinermut assigisaannilluunniit ilinniagaqarsimavutit

 

 

Neqeroorutigaavut:

∙ Suliffik namminersorfiusoq, inuussutissarsiornermut ineriartortitsinermik anguniagaqarlutit suliaqassaatit

 

∙ Suleqatit pikkorissut piginnaasaqarluartullu

 

∙ Suliatigut avatangiisit pissanganartut

 

 

Sermersooq Business pillugu:
Sermersooq Business Kommuneqarfik Sermersuumi inuussutissarsiornermut immikkoortortaavoq. Kommuneqarfik Sermersuumi inuussutissarsiuteqartunut namminersortunik amerlanernik suliffissaqartitsiniarnerup annertusarneratigut pilersitsinissamullu tapersersuineq aqqutigalugu atugassarititaasut pitsaanerulersinnissaat sulissutigaarput. Kommuneqarfik Sermersuup Inuussutissarsiornermut periusissiaa tunngavigalugu immikkoortortaq sulisarpoq, periusissiami takornariaqarnermi, imarsiornermik inuussutissarsiuteqarnermi, inuussutissanik tunngasuni aamma suliffissuaqarnermi pilersaarutinik ineriartortitsiffiusinnaasut pingaartinneqarput.

 

Naalagaaffiit Peqatigiit nunarsuaq tamakkerlugu piujuartitsinissaq tunngavigalugu ineriartortitsinissamut anguniagai 17-it sulissutigaavut. Tamanna periusissianik taakkuninngalu atuutsitsilernikkut kiisalu suliffeqarfinni, paaqqinniffinni innuttaasunullu sammisassaqartitsinikkut pissaaq. Sermersuumi Inuussutissarsiornermut Immikkoortortami Kommuneqarfik Sermersuumi ineriartornissamut, piujuartitsinissamut, nutaaliornissamut aallartisarnissamullu periarfissaqartitsivugut.

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami pisortaq Særen Würtz, oqarasuaat +299 236223 imaluunniit e-mail: soew@sermersooq.gl

 

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.


Atorfinititsineq qaammatini pingasuni misiliutitaqassaaq.

 

 

Inissaq:
Atorfininnermut atatillugu inissaqartitsisoqanngilaq.

 

 

Qinnuteqaat:
Qinnuteqaat Atorfiup nr. 568/22 ilisarnaaserlugu, aamma ilinniagaqarsimaneq siornatigullu sulisimanermik paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

 

Ima qinnuteqassaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allermi innersuussaq toorlugu qinnuteqaatit CV-llu kakkiullugit nassiussinnaavatit.

 

 

Qinnuteqarnissamut piffissaliussaq: 10. septembari 2022

 

 

 

Qinnuteqarnissamut killissarititaasoq: septembarip 10.-at, 2022

Atorfik una qinnuteqarfigiuk