Skip to main content
121

Dette jobopslag er udløbet

Seernaq 4, najugaqarfik perorsaasunik pingasunik pissarsiorpoq. / Atorfiup nr. 402/21

Seernaq 4, inunnut tarnimikkut piginnaasakillisimasunut najugaqatigiiffik perorsaasunik pingasunik pissarsiorpoq. / Atorfiup nr. 402/21

Innarluutilinnut aamma Tarnimikkut Nappaatilinnut Immikkoortortaq najugaqatigiiffik Sermeq 4-mut pingasunik perorsaasussarsiorpoq, sapinngisamik piaartumik isumaqatigiissuteqarnikkulluunniit atorfinittussanik.

Najugaqatigiiffik sisamanik quleriilimmiippoq, quleriinni tamani immikkut ilisimasaqarfiulluni. Sullitavut inersimasuupput tarnimikkut piginnaasakillisimasut. Inuit ima nappaatillit sullitarissavatit autisme, skizofreni, ineriartornerminni akorngutillit, Prader-Willi syndrom tarnikkullu nappaatinik allanik nappaateqartut.

Uku ilaatigut suliassaraatit:

  • Nammineq inigisaqarnissamut (ADL), soorlu eqqiaaneq, errorsineq, nerisassiorneq il.il..
  • Inoqatit akornanniissinnaaneq
  • Inunnut attaveqarniarnermut sunngiffimmilu sammisassaqarnermut tapersersuineq
  • Ilinniartitaanermut sammisaqarnissaannullu tapersersuineq
  • Timimik aalatitsineq
  • Timigissarneq sianissutsikkullu piginnaanngorsarneqarneq.

Suleqatitut innuttaasoq, sulisut allat qanigisaasullu suleqatigalugit ulluinnaat aaqqissuussat pilersinnissaannut isumannaarnissaannullu peqataasassaatit. Ulluinnaq innuttaasup toqqissisimaneq ulluinnarnilu pisartut aalajangersimasut, immikkut pisariaqartitaasa avataatigut, misigisarnissaa. Innuttaasoq suleqatigalugu aallaavittut perorsaanermi ineriartornermut pilersaarutinut nalileeqqinnermut peqataasassaatit.

Peqataaffigisassavatittaaq attaveqaatit peqatigalugit ataatsimiinnerit, katsorsaaneq pillugu ataatsimiinnerit  ataatsimiinnernilu allani, tamakku tamarmik innuttaasoq, sulisullu allat kiisalu qanigisaasut qanimut suleqatigalugit ingerlanneqartassapput.

Atorfik piffissaq tamakkerlugu suliffiuvoq, piffissani nikerartuni suliffiusoq kiisalu akunnerup naaneri allortarlugit suliffiusoq.
Seernaq 4 ulloq unnuarlu suliffigineqartarpoq, taamaattumillu ullukkut unnukkullu sulisarnissat naatsorsuutigissavat. Unnuarsiortut aalajangersimasuupput.

Marluinnik oqaaseqarneq (kal/dk) iluaqutaassaaq piumasaqaataanngilarli.

Naatsorsuutigaarput:

  • Inunnik tarnimikkut piginnaasakillisimasunik sullissinissamut piumassuseqartuusutit.
  • Inunnik tarnimikkut piginnaasakillisimasunik sullissinermik misilittagaqartutit.
  • Suleqatigiit akornaniissinnaasoq, suleqatigiinneq pingaarnerpaatillugu
  • Ataatsimut isiginnissinnaanermik piginnaasaqartutit aamma pisunik paasinnissinnaasutit
  • Aalajaatsuusutit, aaqqissuussaasumik sulisinnaasutit suliffinnilu ileqqorissaartuusutit.
  • Sulianut atatillugu tamatigoortuusinnaaneq, kiisalu allannguutinut ammasuusutit.
  • Tarnikkut tatituujusutit.
  • Pilersitsiniallaqqissuusutit, inissaqartitsiuartuusutit, piumassuseqarluartuusutit akisussaaffimmillu tigusisinnaallutit.
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
  • Namminersorlutit sulisinnaasutit, kisimiillutit sulisinnaasutit kisianni suleqatiginnissinnaallutittaaq.

Neqoroorutigaavut:

  • Suliffik pissanganartoq suliassaqarnartorlu, ullullu assigiinngiiaartut.
  • Suliffeqarfik sunneeqataanissamut periarfissalik, ineriartorfiujuartoq allanngoriartortuartorlu.
  • Suliffik nammineq suliniuteqarfigisinnaasat.
  • Innuttaasunut arlalinnut attaveqaataaneq.
  • Suliassaqarfiit assigiinngitsut akornanni suleqatigiinneq
  • Qaammammut ataasiarluta sulisunik ataatsimiititsinerit aamma ataatsimoorluni ataatsimiinnerit.
  • Suleqatinik aqutsisunillu siunersiueqatigiinnermik periarfissaqarneq.
  • Ilisarititsineq

Akissaatinut atorfinitsitaanermullu tunngatillugu atugassarititaasut:
Uani Sulisoqarnermut Immikkoortortaqarfik isumaqatigiissutit atuuttut naapertorlugit qaammatinillu pingasunik misiligummik sulinissamik atorfimmullu atatillugu inissaqartitsisoqassappat, utaqqiisaasumik ineqartitsinermut akiliutissat pillugit nalinginnaasumik ikkussissaaq.

Qinnuteqartunik oqaloqateqarnerit sap. ak. 31-mi ingerlanneqassapput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq: Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 402/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 3. august 2021
Atorfininneq: Piaartumik isumaqatigiinnikkulluunniit
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Ululinanguak Kleist
Telefon: +299 366083
Nittartagaq: http://www.sermersooq.gl
Qinnuteqaat nassiutiguk