Skip to main content
121

Dette jobopslag er udløbet

Sanarfinermut Avatangiisinullu Ingerlatsivik Ingerlatsinermut Avatangiisinullu immikkoortortaqarfimmi fagchefimik pissarsiorpoq /Atorfiup nr. 571/21

Aaqqissuussaanermi annertuumi pissanganartumik ineriartorfiusumi aqutsisutut imminut takorloorsinnaavit?

Kommuneqarfik Sermersooq Sanaartornermut immikkoortortamut, Ingerlatsinermut Avatangiisinullu Immikkoortortaqarfik fagchefimik pikkorissumik kajumissuseqartumillu pissarsiorpoq, atorfiniffissaq  01-11-2021 isumaqatigiissuteqarnikkulluunniit.

Ingerlatsinermut Avatangiisinullu immikkoortortaqarfik pingaarnertut pingasunik immikkoortortaqarpoq, materielgårdeni, entreprenøreqarfik aamma eqqagassaleriffik.

Ingerlatsinermut Avatangiisinullu Immikkoortortaqarfimmi fagchefitut atorfik ullormut suliffiusussaq naallugu atorfiuvoq aamma Sanarfinermut Avatangiisinullu Ingerlatsivimmi pisortaq qaninnertut pisortaralugu. Ingerlatsinermut Avatangiisinullu Immikkoortortaqarfimmi fagchefitut, sisamanik immikkoortuni aqutsisulimmut 200-llu miss. sulisulimmut siuttuussaatit.

Ingerlatsinermut Avatangiisinullu Immikkoortortaqarfimmi fagchefi ingerlatsivimmi chefit allat peqatigalugit pisortamut qanittumik suleqateqarnermut akuussaaq kiisalu – pisariaqarnera naapertorlugu – kommunimi ingerlatsiviit sinnerinik suleqateqartassalluni.

Suliffiup iluani suleqateqarnerup saniatigut aamma suliffiup avataani arlalissuarnik suleqateqarneq pisarpoq, soorlu Kalaallit Nunaat tamakkerlugu Eqqagassalerinermut piginneqatigiiffik ESANI A/S.

Sanarfinermut Avatangiisinullu Ingerlatsivimmi Ingerlatsinermut Avatangiisinullu Immikkoortortaqarfimmi fagchefitut misilittagaqarluartumik pissarsiorpugut, ilaatigut akisussaaffiit ilagissallugit:

  • Materielgårdenimik ingerlatsineq
  • Aqqusinilerisunik ataqatigiissaarineq, tassunga ilanngullugit asfaltilerineq aputaajaanerlu
  • Tummeqqanik, aqqusinernik illoqarfiullu iluani saligaatsuutitsineq aserfallatsaaliinerlu
  • Kuuffissuit, tassunga ilanngullugu imikoorummut kuuffiit
  • Atassusiinissamut akuersissutinik aamma qaartiterinissamut akuersissutinik qinnuteqaatinik oqartussaaffeqarfimmi suliaqarneq
  • Kalaaliaqqamik, umiatsiaaqqanik iluarsaassisarfimmik puttasunullu tunngasunik ingerlatsineq kiisalu aalisartut piniartullu peqatigiiffiinik oqaloqatiginnittarneq
  • Qimmeqarnissamut il.il. qinnuteqaatit
  • Eqqagassalerineq

 

Naatsorsuutigaarput:
 

  • Teknikkimut tunngasunik ilinniagaqarsimassasutit tamakkununngaluunniit tunngasunik misilittagaqartutit
  • Patajaatsumik aqutsinissamik misilittagaqartutit
  • Pitsaasumik, ersarissumik paasinartumillu attaveqaqatigiissinnaassuseqartutit
  • Tamakkiisumik isiginnissinnaanerit attatiinnarlugu arlalinnik suliaqarsinnaassuseqartutit
  • Tatituujusutit, suliniuteqarusussuseqartutit, nukissaqartutit iliuuseqarnissamillu piumassuseqarluartutit
  • Aaqqissuulluakkamik ukkassisinnaalluarlutillu sulisinnaasutit
  • Kisitsisilerillaqqillutillu aningaasanik aqutsinermik missingersuutinillu malinnaaffiginninnermik misilittagaqartutit
  • Suliffeqarfimmi politikerinit aqunneqartumi sulinermik misilittagaqartutit sulerusussuseqartutillu
  • Ajornanngippat kalaallisut qallunaatullu oqaaseqartutit

Neqeroorutigaavut:
Suliffik pissanganartoq unammillernartunillu suliassartalik, sulianik ilisimasaqarfigisanik ingerlatsinissamik periarfissalik, suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aammalu pitsaasumik suleqatigiittoqarnissaa qulakkeerniartuarlugu. Aqutsisut qanimut suleqatigalugit sulivugut, isumassarsioqatigiinnissaq periarfissaalluni kiisalu iliuuseqarnissaq nutaaliornissarlu inissaqartinneqarlutik. Aammattaaq pikkorissunik piumassuseqartunillu suleqateqarnissat, sulinermi nuannaarnissaq avatangiiserissaarnissamillu pingaartitsiffiusoq neqeroorutigaarput.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 571/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 16. oktober 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Louise Bruun Jensen
Telefon: +299 367403
Mobil: +299 227403
Nittartagaq: http://www.sermersooq.gl
Qinnuteqaat nassiutiguk