Skip to main content
134

Dette jobopslag er udløbet

Sanarfinermut Avatangiisinullu Ingerlatsivik aningaasaqarnermut siunnersorti/Controlleri

Kommuneqarfik Sermersuumi ukiuni kingullerni kommunip aningaasaqarnikkut pitsaanerusumik aqutsinissamik anguniagalimmik sulissuteqartoqarpoq. ERP-systemi nutaaq atutilersinniarlugu ingerlarsuleruttorpugut. Suliniummi tassani tullertut alloriarnerussalluni, kommunimi aningaasaqarnermi nalimmassaanerup pitsanngorsaanerullu ingerlatiinnarnissaat. Tassunga atatillugu Sanarfinermut Avatangiisinullu Ingerlatsivimmi sulisussat arlallit piukkunnartut pisariaqartinneqarput, kommunimi ingerlatsivinnik allanik suleqateqarluni suleriutsinik misissueqqissaarnermik pisariillisaanermillu suliaqassallutik.

 

Tamaammat aningaasaqarnermut siunnersortissarsiorpugut, isumaqatigiissuteqarnikkut anguniakkamut tassunga ikiuussinnaasumik. Atorfik Nuummi Stabimi inissisimassaaq, controlleritullu stabchefip atorfiata ataaniissallutit.

 

 

Aningaasaqarnermut siunnersortip/Controllerip suliassai ukuupput:

 

∙ Aqutsisunut nalunaarusiortarneq, aningaasaliissutinik nakkutilliineq aamma nikingasoorutinik nalunaarusiortarneq

 

∙ Missingersuutinut atortussanik suliaqartarneq

 

∙ Ukiumut naatsorsuutinut atortussanik suliaqartarneq

 

∙ Ingerlatsiviup iluani nakkutigisassanik ingerlaavartumik misissuisarneq

 

∙ Suleriutsinik periusissanillu allaaserinninnernik pioreersunik ingerlaavartumik suliaqartarneq nutarterisarnerlu

 

∙ Aningaasanik tigoriaannarnik ingerlavartumik misissueqqissaartarneq

 

∙ Suliassamik saqqummiussaliortarneq

 

∙ Kommunimi ingerlatsivinnik allanik siunersuisarneq siunnersuisarnerlu

 

∙ Ingerlatsiviup iluani suliassaqarfiillu allat akornanni pilersaarutinik aamma suliassanik takkussuuttunik assigiinngisitaartuusunik suleqataaneq  

 

 

Ilinnut tunngasut:


Atorfik atorfigisinnaassagukku attuumassuteqartumik ilinniagaqarsimanissat misilittagaqarsimanissallu naatsorsuutigaarput. Ukiut pingasut tallimallu akornanni suliffeqarfimmi angisuumi (pisortani) assingusumik atorfeqarsimavutit.

 

Qarasaasiamik atuilluarsinnaanissat pisariaqarpoq, tassunga ilanngullugit ERP-systemimik aamma MS Office-pakkenimik kiisalu Excelimik misilittagaqarluarsimasutit. Dynamics-AX atorlugu sulisinnaaguit pitsaaqutaassaqaaq.

 

Aningaasaqarnermik aqutsinermik periutsit paasisimasaqarfigilluarnerisa saniatigut, allanngueriaannassuseqarnissat suleqatikkuminartuunissallu kissaatiginartipparput, Aningaasaqarnermut tunngasunik immikkoortortap kommunip sinneranut ikorfartuisussaanera paasisimalluarlugu, aammali nammineerlutit tunniussaqarluarsinnaassuseqartut.

 

Atorfimmut pisariaqarpoq, ammasuunissat, inussiarnersumillu attaveqariaaseqarnissat, aaqqissuussaanermilu tamarmi suliaqartartussaagavit qulakkeerniartussaallugu Aningaasaqarnermut tunngasunik immikkoortortap ingerlatsiviillu akornanni anguniagalimmik pisariitsumillu suleqatiginnissinnaassuseqarnissaq. Piffissaq eqqorlugu tunniussaqarsinnaasarneq qaffasissumillu pitsaassusilimmik naammassisaqarsinnaanissaq pingaartitarivatit. Tassunga aamma peqqissaartuuvutit, sukumiisut pingaartillugit, ataatsikkut arlalinnik suliaqarsinnaallutit tamakkiisumillu takunnissinnaassuseqarnerit innarlinngikkaluarlugu aallussinnarsinnaallutit.

 

Aammattaaq Aningaasaqarnermut tunngasunik immikkoortortami naleqartitanik ineriartortitseqataasinnaassuseqarnissamut piumassuseqarlutillu piginnaasaqartutit.

 

 

Suliffeqarfimmit neqeroorutigisinnaasavut:

 

∙ Aningaasaqarnermut tunngasunik immikkoortortami kommunimilu ineriartorfiusumi suliatigut unammilligassaqarfiulluartoq, nammineq suliassaqarfigisami sunniuteqaqataanissamut annertuumik periarfissaqartitsisoq 

 

∙ Inuttut suliatigullu ineriartornissamut periarfissagissaartoq

 

∙ Suliffik avatangiisigissaartoq, inissaqartitsilluartoq ammasumillu attaveqatigiiffiusoq

 

∙ Ilinniaqqiffissatigut periarfissagissaartoq

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Asmus Jessen Rubæk, oqarasuaat +299 36 71 42 imaluunniit e-mail: asjr@sermersooq.gl

 

 

Pinerliisimannginnermut uppernarsaat:

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

 

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.



Atorfinititsineq qaammatini pingasuni misiliutitaqassaaq.

 

 

Inissiaq:

Atorfimmut atatillugu inissiamik atugassiisoqanngilaq.

 

 

Qinnuteqaatip:

Qinnuteqaatip ilisarnaataata Atorfiup ilisarnaataa 702-22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: oktobarip 12.-at, 2022

Atorfik una qinnuteqarfigiuk