Skip to main content
159

Dette jobopslag er udløbet

Sanarfinermut Avatangiisinullu Ingerlatsivik AC-fuldmægtig-mik sulisussarsiorpoq

Sanarfinermut Avatangiisinullu Ingerlatsivik AC-fuldmægtig-mik sulisussarsiorpoq

Kommuneqarfik Sermersooq, Nuuk

 

 

Ingerlatsivimmi pissanganartumi amerlasuunik sullitaqartumi assigiinngitsorpassuarnik suliaqarusuppit? Aamma tamanik sullissivimmi pingaaruteqartumi ineriartortitsinissamut annertuumik sunniuteqaqataarusuppit?

 

 

Atuuffimmi pingaarutilimmi tassani annertuumik Nuummi innuttaasunut allanngueqataassaatit. Peqatigitillugu pitsaasunik ineriartornissamut periarfissaqassaatit, pikkorissunik suleqateqarlutit pissanganartorpassuarnillu unammilligassaqassallutit.

 

 

”Ingerlatsivimmi qitiusumik inissisimasumi atuuffimmi qitiusumi inissisimassaatit. Kommunimi piujuartitsineq tunngavigalugu ingerlalernissamut ikiuuteqataavugut, aamma uaguuvugut attaveqaatinik pingaarutilinnik pilersueqataasut, upalungaarsimasut anorersuarujussuartillugu piareersimapput allarpassuillu isumagineqartarlutik,” Stabschef Asmus Jessen Rubæk oqaluttuarpoq.

 

 

Tamanik Sullissivimmut tikilluarit - atuuffik pingaaruteqartoq

 

Kommuneqarfiup Allaffiani Nuup qeqqani inissisimavoq, qaqqat kangerluk isikkivigalugit Tamanik Sullissivimmi suleqataalissaatit - taakkuuppullu Sanarfinermut Avatangiisinullu Ingerlatsivimmi suleqatigiit pitsaasut patajaatsullu.

 

 

Ataatsimoorlusi illit suleqatitillu sisamaasut tamanik sullissivimmi qitiusumik inissisimassaasi, suliassaralugit illoqarfimmi atortut timitallit ingerlalluarnissaannik qulakkeerinninneq. Aamma uaguuvugut ingerlatsivimmi aningaasaqarnerup malinnaaffigilluarnissaanik isumaginnittut, aammalu ineriartortitsinermut pilersaarutit sulisut akimorlugit ataqatigiissaarisuusut, aammalu ingerlalluartoqarnissaanut ikiuuttarpugut, sullivimmi atukkat pitsaasuunissaat allarpassuillu qulakkeerinneqataaffigisarlugit.

 

 

Illit Sanarfinermut Avatangiisinullu Ingerlatsivik ikiortassavat

 

Illit AC-fuldmægtig-tut suliassaraatit suliassaqarfik tamakkerlugu ikiuuttarnissaq, isumannaallisaaneq qatserisartoqarnerlu aammalu kuuffissuit aputaajaasarnerlu. Aamma assigiinngitsorpassuarnik suliaqartassaatit, aqutsisut ikioraangakkit, sulianut tunngasunik ikiuukkaangavit, aammalu qinikkanik sullissinermi qulakkeerinneqataasarnermi.

 

Allatut oqaatigalugu ulluinnaat assigiinngisitaartut qilanaarisinnaavatit, amerlasuut suleqataaffigisassagakkit, ingerlatsivimmi immikkoortorpassuit sulisullu suleqatigigaangakkit.

 

 

 

Erseqqissumik oqaatigalugu suliassatit tassaassapput:

 

· Pisortaq aamma fagchefgruppe ikiorlugit

 

· misissueqqissaarineq, tassunga ilanngullugit aningaasaqarnermut inatsisinullu tunngasut

 

· nalunaarusiorneq

 

· suliamik aqutsineq

 

· politikkikkut oqaluuserisassanik pitsaassutsimik qulakkeerinninneq

 

· digitalikkut aaqqiissutinik misissueqqaarneq atuutsitsilernerlu

 

 

Suliatigut alapernaatsoq aammalu nalilersuilluni misissuisarnermut piginnaassuseqartoq

 

Suliassaqarfiit tamaasa ilisimasaqarfigissagitit naatsorsuutiginngilarput - illimmi tunuliaqutitit pillugit ammasorujussuuvugut. Soorunami iluaqutaassaaq politikkimut tunngasunik ilisimasaqaruit, tassami suliffik politikikkut aqunneqartoq ingerlatseqataaffigissagakku, piumasaqaataanngilarli.

 

Pingaarnerpaavoq, immikkoortorpassuit ilikkarusunneritit, ajornanngippat suliassanik akisussaaffeqarusullutit aammalu Tamanik Sullissivik Ingerlatsivillu ineriartortitseqataaffiginissaanut piareersimasoq, innuttaasunut pitsaanerpaamik kinguneqartussamik.

 

 

 

Naatsorsuutigaarput:

 

· uku arlaannik ilinniagaqarsimassasutit cand.negot., cand.scient.pol., cand.merc., cand.soc., imaluunniit allamik ingerlariaqqiffiusumik sivisuumik ilinniagalik

 

· siornatigut nunani allani sulisimasoq, soorlu nunani allani ilinniariartorsimasoq

 

·Nalilersuilluni misissuisarnermut piginnaassuseqarputit

 

·Allattariarsornikkut attaveqarsinnaalluartoq

 

·Suleqatikkuminartoq aammalu attaveqatigiinnermik qanilaarfiusumik pilersitsillaqqissoq

 

 

Atuuffimmik ineriartortitsisinnaasoq pinngortitaassutsimini pitsaasoq

Suliffitsinni atuuffivit ineriartortinnissaanut periarfissaqarluassaatit. Nalunngilarput suliassaqarfik siammasissuusoq, kisianni aamma illit ilisimasanik pissarsiffigisarlugulu suliassaqarfiit assigiinngitsorpassuit aqqusaartassavatit. Tamatumunnga peqatigitillugu illit nammineq isumassarsiatsialatit aammalu suliassaqarfimmut illit sunneeqataanissat inissaqartinneqarput. Sulinermi qaffakkiartornissamut aqqutissat amerlaqaat, aammalu illit piginnaasavit ineriartortinnissaannut suliat pikkorissarnerillu aqqutigalugit periarfissaqarpoq.

 

Taakku saniatigut sulinerup sunngiffiullu oqimaaqatigiissaarneqarnissaat pingaartitaraarput, taamaattumik inuunerissaarnissamut periarfissaqassaatit, sunngiffimmi sammisassanut, soorlu pisulluni angalaarneq, kangerlummi sisorarneq umiatsiamilluunniit angalaarneq.

 

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Stabschef Asmus Jessen Rubæk, oqarasuaat +299 254918 imaluunniit e-mail: asjr@sermersooq.gl

 

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:

Qinnuteqaat qulequtserlugu Atorfiup ilisarnaataa 287-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

 

Qinnuteqarnissamut killissarititaasoq: apriilip 20.-at, 2023

Atorfik una qinnuteqarfigiuk