Skip to main content
123

Dette jobopslag er udløbet

Sanaartornermut oqartussaqarnermi sulianik sullissisoq

Kommuneqarfik Sermersuumi pissanganartumik ineriartortoqarnerani ulappuppugut. Tamaattumik sanaartugassanut sullissisussamik ataatsimik pissarsiorpugut.

 

Kommuneqarfik Sermersuup nunataa eqqarsaatigalugu nunarsuarmi kommunit annersaraat aammalu Kalaallit Nunaanni kommunit inuttunersaralugu 23.000-it miss. innuttaqarluni. Illoqarfiit pingaarnersaata Nuup saniatigut illoqarfiit Paamiut, Tasiilaq, Ittoqqortoormiit nunaqarfiillu arfineq-pingasut kommuneqarfimmiipput.

 

Sanaartukkanut oqartussaqarfiup suliarai :

·Illuliornermi malittarisassat atuuttut naapertorlugit sanaartukkanut tunngassuteqartunik sullissineq

·Sanaartornermut tunngasutigut Innuttaasunik sullissineq

·Sanaartukkanut tunngassuteqartunik nakkutilliineq, sanaartukkallu atulernissaanut akuersissutit

 

Sulisussaq ujagarput:
Naatsorsuutigivarput sanaartornermut tunngassuteqartumik ilinniarsimasutut tunuliaqutaqartutit. ( Ingeniøri, Illussanik titartaasartoq, Byningskonstruktør imal. ass.)

 

·Allakkatigut oqalunnikkulu paasinarluartumik oqariartuuteqarnissamut piginnaaneqarnissaq, kalaallisut qallunaatullu pisinnaaguit iluaqutaassaaq.

·Suliassat unamminarsinnaagaluartut ilusilersorluarlugit tunniusimallutillu suliarisinnaassavatit

·Suliaq tamarmiulluni ilusia ukkataralugu naammassinnissinnaassaatit

·Innuttaasut suleqatillu sullisserpalaartumik ammasumik sapiissuseqarlutit oqaloqatigisinnaaneri

·Susassaqarfiit, isummallu allat ataqqillugit suleqataaffigisinnaanerat pingaartissavat

 

Aaqqissuussaanikkut politikkikkut aqunneqartumik, kiisalu sanaartukkanut tunngassutilimmik sullissisutut sulineq misilittangaqarfigigukku iluaqutaassaaq. Biilernermut allagartaqaruit amma iluaqutaassaaq.

 

Ilinnut neqeroorutigisinnaavagut:

  • Suliffik soqutiginartoq, assigiinngiiaartunik namminersorluni piginnaasatigut ingerlatsineq, akisussaaffeqarnermik nassataqartoq
  • Pikkorissunik aamma peqataalluartunik suliffimmi suleqatigiinneq
  • Suliatigut inuttullu ineriartornissamut periarfissat pitsaasut

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissarsiat atorfinitsitaanermilu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

 

Atorfinitsitsinermi qaammatit pingasut misilitsiffiussapput.

 

Inissaq:
Atorfininnermut atatillugu inissiamik innersuussisoqarsinnaanngilaq.

 

Paasissutissat allat:
Suliffik pillugu paasissutissanik annertunerusunik, aamma nalinginnaasumik kommune pillugu paasissutissat uani pissarsiarisinnaavatit:

Immikkoortortami aqutsisoq Tittus Dalager, mail: tjda@sermersooq.gl , tlf +299 36 74 41 Mobil 55 07 38 imaluunniit immikkoortortaqarfinni Pilersaarusiornermi pisortaq Runa Sværd, mail: ruma@sermersooq.gl , tlf +299 36 74 38

 

Qinnuteqaateqarneq:
Qinnuteqaatit ima nalunaaqqutsikkat atorfik ilisarnaataa 346-22, ilinniagaqarsimanermut siusinnerusukkullu suliaqarsimanermut paasissutissat, soraarummeersimaneranut pappiaqqat il.il. assilineri sulisoqarnermut immikkoortortamut nassiunneqassapput qinnuteqarnissamut piffissaliussaq qaangiutsinnagu ulloq Junip 15-iat 2022. Piaartumik isumaqatigiissusiornikkulluunniit atorfinittussamik.

 

Imaaliussaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq ingerlalluartoq innuttaasunut sullissineq pitsaanerusumik akikinnerusumik sunniuteqarluarnerusumillu ingerlassinnaajumallugu. Suliatsinnut atatillugu malittarisassat politikkikkut anguniakkanit isumaqatigiissutigineqarsimasunik tunngaveqarput ”Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu."

 

Qinnuteqarnissamut killissarititaasoq: juunip 15.-at, 2022

Atorfik una qinnuteqarfigiuk