Skip to main content
106

Dette jobopslag er udløbet

Sammisaqartitsinikkut peqatigiinnissamullu neqeroorummi Kammagiit Perorsaasumik pissarsiorpoq / Atorfiup ilisarnaataa 406/21

Sammisaqartitsinikkut peqatigiinnissamullu neqeroorummi ingerlalluareersumi ineriartorluartumilu suleqataarusuppit?, taava illiuvoq Kammagiinni Perorsaasutut suleqatisarput. Ataatsimik perorsaasumik suleqatissarsiorpugut.

Sammisassaqartitsinikkut peqatigiinnissamullu neqeroorummi Kammagiit (+18) innuttaasunut innarluutilinnut / tarnimikkut eqqarsartaatsikkullu napparsimasunullu ornittagaavoq, innuttaasullu innarluutaasa nappaataasa suussusaat assigiinngillat, maannakkumut uku Kammagiinniittuutigaagut, autisme, ADHD, eqqarsartaatsikkut kinguarsimaneq, skizofreni, Ersiorneq, ilaqarlunilu allanik.

Sammisassaqartitsinikkut peqatigiinissamullu neqeroorummi Kammagiinni sulisutut. Innuttaasoq qanigisaalu, sulisullu sinneri suleqatingalugit ulluinnarni najoqqutassaqartinnissaat qulakkeerinneqataaffigissavat, atuisuusoq toqqissisimanermik aalajangersimasunillu najoqqutassaqarneranik misigitillugu, nammineq sungiusarnissaminut iliuusissatut pilersaarusiuussimanera aallaavigalugu, illit ataavartumik nalilersueqataaffigisartangassarnik, atuisuusoq suleqatigalugu.

Perorsaanikkut anguniakkat tassaapput atuisut naleqassutsimik misigitinnissaat aamma namminneq ulluinnaap qanoq ingerlaniarneranut atatillugu misilittagaqalernissaat.

Tassunga inunnut innarluutilinnut tarnikkullu nappaatilinnut inuttut piginnaasamikkullu killiffiat tunngavingalugu immikkoortortaqarfiit tamarmiusut OCN – Open College Network atorneqarpoq, innuttaasoq taamaasilluni allangartartaasinnaanngorluni.

Ilaatigut sullissineq imaappoq:

  • Nammineq inigisaqarnissamut sungiusarneq, soorlu eqqiaaneq, errorsineq nerisassiorneq il.il.
  • Suliaqarnissamut kaammattorneqarneq.
  • Inoqatit akornaniissinnaaneq.
  • Innuttaasut ataasiakkaarlugit ilinniartinnerat.
  • Sungiusarnermut atatillugu timersorneq nalunnerlu.
  • Qulakkeerlugu ataavartuunissaat, ikorfartuineq, aqqutissiuineq aammalu pisinnaasanik ataavartitsineq ataasiakkaartumik innuttaasumut.

Kammagiinni makku pigaagut:

  • Sanserum, iggavik, inersuaq ataatsimoorfiusoq.
  • Assassugassat assigiinngitsut, pinnguaatillu.
  • Boardmaker

Sammisaqartitsisoqartarporlu atuisuutitta soqutigisaat ineriartorfimmikkullu killiffii aallaavingalugit.

Naatsorsuutingaarput illit:

  • Perorsaasutut ilinniangaqarsimasutit taassumap iluani.
  • Innuttaasunut annertuumik innarluutilinnut tarnimikkut eqqarsartaatsikkullu napparsimasunullu iliuuseqarnikkut allanngueqataarusussuseqartutit.
  • Nammineerlutit siunnerfeqarluartumik sulisinnaassuseqartutit, kajumissuseqarlutit inuunermullu pitsaasumik isiginnittaaseqarlutit.
  • Namminersorlutit suleqatit akimorlugit sulisinnaasutit suleqatit assigiinngitsunik ilinniangallit suleqatigisinnaallugit tamatingoortuusutillu.
  • Savituujunissat, aallarnisaasinnaasoq qungujunnartunillu nuannarisalik.
  • Suleqatigiit amerlanngitsut akornaniissinnaasoq, suleqatigiinneq pingaarnerpaatillugu.
  • Tamakkerlugu isiginnissinnaasoq aammalu pisunik maluginnissinnaasoq.
  • Aalajaatsuunissat, pitsaassutsimik ilisimasaqarluartuunissat, ataasiakkaanullu maluginiaasinnaanissat.

Tamatuma saniatigut pingaartipparput:

  • Innuttaasunik innarluutilinnik, innorluutilinnik, sianissutikkut eqqarsartaatsikkullu napparsimasunullu sullissinermik misilittangaqartutit.
  • Ineriartortitsinissamut pilersaarutinik suliaqarnissamut ilisimasaqartutit.
  • Tatituujusutit, aallarnisaasinnaasutit, nukissaqartutit iliuuseqarnissamullu piumassuseqarluartutit.
  • Suliassatta ingerlanneqarneri ingerlaavartumik ineriartortitsinermut pitsanngorsaanermullu suleqataassasutit.
  • Suleqatiginnillaqqissuunissat.

Qinnuteqartut marluinnik oqaasillit (kal/qall) atorfinitsinnissaat orniginartinneqarput.

Neqeroorutigaavut:

  • Suliffik pissanganartoq, tamatingoortorlu unammillernartunik amerlasuunik suliassartalik namminerlu suliat pillugit sunniuteqarfigisinnaasaq, ullut assigiinngitsunik misigisaqartitsisut.
  • Suliffeqarfimmi sunniuteqarnissamut periarfissaqartoq suliffeqarfillu ineriartortuarlunilu allanngorartuartoq, innuttaasut pitsaanerpaamik tunniussaqarfiginissaat eqqarsaatingalugit.
  • Suleqatit pimoorussisut nuannaartullu akornanni suliffiusoq.
  • Atorfimmi sunniuteqarnissamut periarfissaqartoq suliassallu aamma sunniteqarfigisinnaallugit.
  • Suliassaqarfinni assigiinngitsuni sulisunik suleqateqarnerit.
  • Kingullertut minnerunngitsumillu atuisut nuannaartut ilakkuminartullu ilinnik tikilluaqqusinissaminnut qilanaartut. 

Atorfik tamakkiisumik suliffiusussamik atorfiuvoq.

Kammagiit sammisassaqartitsinikkut peqatigiinnissamullu neqerooruteqarfiuvoq ulluunerani ammasartoq. Naatsorsuutigineqassaaq siunissami unnukkut ullukkullu nikerartumik sulisarnissaq, weekend tamaasa sulinngiffeqartassaatit aammalu nalliuttuni freertassallutit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 406/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 16. august 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Marie Grønvold
Telefon: +299 366920
Nittartagaq: http://www.sermersooq.gl
Qinnuteqaat nassiutiguk