Inunnut innarluutilinnut tarnimikkullu nappaatilinnut immikkoortortaqarfik Qinngutsinni Najugaqatigiiffik tunniusimasumik isumassuisumillu perorsaasumik isumaginninnermiluunniit ikiortimik pissarsiorpoq. Suliatigut pisinnaasatigut ineriartorusuppit aamma najugaqartut pillugit allanngueqataarusuppit, taava illerpiaq suleqatissatsitut amigaatigaatsigit.

 

Atorfik ulloq naallugu suliffiuvoq sap. ak. 40 tiimit allanngorartumik suliffiulluni. Ataatsimoornermik pingaartitsisunut ilikkagaqarusunnermik ineriartorusunnermillu pingaartitsisunut akuulissaatit.

 

Najugaqatigiiffik Qinngorput Nuummi najugaqatigiiffitta annerit ilagaat. Najugaqatigiiffik 21-nik najugaqartoqarpoq, taakkulu tarnimikkut piginnaasaat annikillisimasuupput atornerluinermillu atugaqartuullutik. Najugaqartut namminerisaminnik ineqarput, najugaqarfiullu ataatsimoorussamik iniutai marluk iganermut, nerinermut ataatsimoornermullu atortarlugit. Illit pingaarnertut suliassarissavat najugaqartut eqqarsartaatsimikkut, inooqataanikkut aamma nalinginnaasunik piginnaasassanik inerisaaviginissaat, taamaalillutik sapinngisamik imminnut ikiorsinnaalersillugit. Suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit. Najugaqartut 21-t saniatigut najugaqatigiiffik 20-t missaanik sulisoqarpoq, peqqinnissamut tunngasunik ilinniagallit, perorsaasut ilaallu ilinniagaqartuunatik.

 

Najugaqatigiiffimmi pingaartitagut tassaapput inuunermi ajornaannerpaat, tassaasut isumassuineq, ataasiakkaanut ataqqinninneq, toqqissisimanermik tatiginninnermillu pilersitsineq, pitsaanerpaamik inuuneqartitsinissaq tusarnaarluarnerlu. Suliffiuvugut unammillernartulik nammineq suliassani sunniuteqarnissamut periarfissalik

 

Suliassatit:

·Najugaqartut nammineernerulernissaat inuunerisaasalu pitsaanerulernissaat ineriartortillugit ilaatigut najugaqartunut iliuusissanut pilersaarusiat najoqqutaralugit

·Najugaqartut ulluinnarni sammisassanut kajumissaarlugillu tapersersortassavatit assersuutigalugu pisuttuarnermi, pisiniarnermi, nerisassiornermi nakorsiarnermilu

·Suleqatit, aqutsisoq najugaqartullu suleqatigalugit najugaqatigiiffimmi ataatsimoornerulersitsineq

Suliassat najugaqatigiiffimmi sulisut allat qanimut kiisalu illup iluani avataanilu suleqatigisat suleqatigalugit suliarineqassapput, matumani sullissisut, Ikaarsaarfik, Dronning Ingridip Napparsimmavissua aamma Pinerluttunik Isumaginnittoqarfik ilanngullugit.

 

Ilinnut naatsorsuutigineqartut:

·Perorsaasutut isumaginninnermi ikiortitulluunniit ilinniagaqarsimasutit

·Innuttaasutsinnut sullissinermik soqutigisaqartoq

·Unammillernartunut alapernaatsoq kajumilersinneqartartorlu

·Isumassuisoq, inussiarnersoq pitsaasumillu suliffiup avatangiiseqarnissaanik takunnissinnaasoq

·Ilinnut siuarsarusupputit immikkoortortaqarfitsinnillu ineriartortitserusullutit, taamaalillutit najugaqartumut allannguineq

pingaaruteqarluinnartoq pilersillugu

·Inuttut ilakkuminartuussaatit qiimasuusutillu

·Eqqissisimasuusutit, naammagittarsinnaassuseqartutit namminermilu toqqissisimaffeqarsinnaallutit

·Aalajaatsutit, tatituujusutit inunnillu allanik inissaqartitsillutit

 

Uagut pilluta:

Atorfimmi tassani ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu tapersersorteqarfinnut pingasunut Nuummi, Tasiilami Paamiunilu agguataarsimasut.

 

Perorsaasutut ataatsimoorluni suleqatigiinnut tassaasunut peqqissaanermi assistentinut, perorsaasunut, peqqissaasunut ilinniarsimanngitsunullu ilaalissaatit.

 

Immikkoortoqarfimmi annertuumik ineriartorfiusussanngortumi pissanganartumilu atorfimmik neqeroorfigaatsigit. Ineriartortitsinermi ilaatigut pineqarlutik sulilerlaatut iluamik ilitsersuunneqarnissat, ingerlaavartumik siunersioqatigiittarnissamik kiisalu suliatigut ataatsimooqatigiiffeqarnissamik imaqarput. Suli paasisaqarusukkuit tikilluaqqusaajuassaatit attaveqarfiginissatsinnut.

 

Atorfinitsitsinissamut oqaloqatiginninnerit sapaatip akunnerani 8-mi ingerlannissaat naatsorsuutigaarput

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Sundhedsfaglig Konsulent Ulrik Neess tlf.: +299 580129 Mail: ulne@sermersooq.gl imaluunniit Malene H. Jensen Mail mahj@sermersooq.gl

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

Qinnuteqaat:

Qinnuteqaat qulequtserlugu Atorfiup ilisarnaataa 61/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 9.-at, 2023

Atorfik una qinnuteqarfigiuk