Skip to main content
88

Dette jobopslag er udløbet

Qinngutsinni najugaqatigiiffik Sundhedsassistent-issarsiorpoq / Atorfiup normua 263/20

Inuit sullikkusuppigit?

Qinngutsinni najugaqarfik sundhedsassistentissarsiorpoq.

Innarluutilinnut tarnikkut nappaatilinnullu Immikkoortortaqarfiup iluani sulinissat nuannaraajuk, aammalu ineriartortitsinermut sunneeqataanissat periarfissaqarfigalugu nammineersinnaassuseqarlutit sulinissat nuannaraajuk, taava immaqa Qinngorpumi Innarluutilinnut isumaginninnermi socialpsykiatrillu iluani piginnaanngorsaqqiinissamut neqeroorummut nutaamut perorsaasuunissat ilinnut tulluartuussaaq.

Piginnaanngorsaqqiinissamut neqeroorummi, sullinneqartarput innuttaasut annertuumik innarluutillit tarnimikkut piginnaanngorsaqqinneqartariaqartut, taakku ataasiakkaatut timikkut, eqqarsartaatsikkut inooqataanikkullu piginnaanngorsarnissamut ineriartortitsinissamut periarfissaqartinniarlugit.  Tapersersuinermi tassani pingaartinneqarpoq innuttaasup kinaassutsiminik, imminut naleqartinnerminik aamma inuunermik nuannarisaqarneranik attassiinnarnissaq ineriartortitsinissarlu, kiisalu inooqatigiinnermi pitsaasumik inooqataasinnaaneranut, attaveqaqateqarsinnaaneranut tapersersuineq taamatullu nammineq inuunerminik annerpaamik oqartussaaqataanermik misigisimanissaa.

Peqqinnissamut ikiortitut innuttaasumut attaveqaataassaatit, tapersersornissaanullu akisussaasuusallutit aammalu sunngiffimmi sammisassanut timigissariarnerannullu ingiaqatiginissaanut, aammalu suleqatit allat suleqatigisarsinnaanissaanut, soorlu ilaqutaasut, nakorsaqarfik/tarnikkut nappaatilinnik sullissivik, peqqissaasut, Pinerluttunik Isumaginnittut kiisalu innuttaasup sullissisua.

Ullukkut, unnukkut weekendinilu nikerartumik vagteqartarnissaq naatsorsuutigineqassapput.

Illit ilaatigut makku suliarisassavatit:

  • Innuttaasup timikkut, tarnikkut inuusaatsikkullu pisariaqartitaanik isumaginneqataanissaq
  • Kommunimi iliuusissatut pilersaarut aallaavigalugu innuttaasumut tapersersuineq
  • Innuttaasup katsorsarneqarnissaanut pilersaarutaanut ingerlaavaartumik qulakkeerineq, taassuma iluani assersuutigalugu ilinniartitsinertalimmik iliuusissamut pilersaarusiorneq aamma sulianik
  • Kommunimi perorsaanermullu iliuusissatut pilersaarut aallaavigalugu innuttaasumut tapersersuineq
  • Suliassaqarfiit assigiinngitsut suleqatigiiffiannik suleqateqarluni innuttaasup ineriartorneranik ikorfartuineq
  • Sunngiffimmi sammisassanut ingiaqatiginissaa il.il.
  • Isumassuisuullutillu ilakkuminartuullutillu, tapersersuerusullutillu tapersersuisinnaallutit aammalu innuttaasup eqeersimaarnissaanut peqataasarnissaanut il.il. nassuiaatarnissaa

Naatsorsuutigaarput illit:        

  • Sundshedsassistentitut ilinniarsimasuunissat
  • Innarluutilinnut tarnikkut nappaatilinnullu tunngasut iluani sulinermik misilittagaqarlutit, perorsaanikkut iliuusissanik pilersaarusiornermut aammalu avatangiisit tunngavigalugit katsorsaanermik suleriaaseqarnermik ilisimasaqarneq pitsaaqutaassaaq
  • Suleqateqarsinnaassuseqarluartutit, nammineersinnaassuseqarlutit ajornartorsiutinillu aaqqiisinnaassuseqartutit kiisalu assigiinngitsunik suliallit suleqatigalugit sulisinnaassuseqartutit
  • Tamakkiisumik isiginnissinnaassuseqartutit, aammalu suliassanik pingaarnersiuillutit suliarinnisinnaasutit
  • Ineriartortitsinissamut aallartitsisinnaassuseqartutit nutaamillu eqqarsarsinnaassuseqarlutit
  • Isumalluartuusutit nuannaartuusutillu
  • Inuttut patajaatsuussasutit
  • Pikkorissoq suliaminillu aaqqiiniarnermikkut akisussaassusilik
  • Innuttaasut ataasiakkaat inuunerat qitiutillugu

Neqeroorutigaavut:

  • Suleqatit pimoorussisut pikkorissullu
  • Ilisarititsineq
  • Tatiginassuseqarneq
  • Akisussaaneq
  • Ilanngussineq
  • Pisariaqartitat malillugit illumi ilinniartitsineq sungiusarnerlu.
  • Ataqatigiineq / illumi suleqatigiineq
  • Suliffeqarfinnik allanik kommunimit, peqqinnissaqarfimmiit il.il. suleqateqarneq
  • Suliffeqarfik najugalinnut ilakkuminartunut suliffik, ulluinnarni aaliangersimasumik ilusilersukkamik, tapersersortimik, siunnersuisussamik, susoqartitsisunut ilaatitsinermi, silamiinermi isersimanermilu pisariaqartitsisuni
  • Suliffik unammillernartulik, suliallu aallaavigalugit sunniuteqarnissamut periarfissaqarneq

Pinerluuteqarsimasinnaanermut uppernarsaat:
Atorfik taanna pinerluuteqarsimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq.

Taamaattumik malugeqqussavarput Politiniit pinerluuteqarsimasinnaanermut uppernarsaat pissarsereerpat atorfinitsitineq aatsaat pisinnaavoq pinerluuteqarsimasinnaanermut allagartat naammaginartutut isigineqarpat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat PPK-llu Peqqissaasut Kattuffiat, Kalaallit Nunaannilu kattuffiup isumaqatiginninniarsinnaatitaasup isumaqatigiissutaat atuuttut malillugit.

Atorfinitsitsineq qaammatini pingasuni siullerni misiliummik atorfinitsitsisoqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata atorfiup normua 263/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 16-07-2020
Atorfininneq: isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Henrik Gundersen
Telefon: +299 36 60 87
Mobil: +299 522836
Nittartagaq: http://www.sermersooq.gl
Qinnuteqaat nassiutiguk