Skip to main content
127

Dette jobopslag er udløbet

Qeqertarsuatsiaani utoqqarnut ataatsimut najugaqatigiiffimmi angerlarsimaffimmilu ikiorteqarnermi aqutsisoq/ Atorfiup nr. 21/19

Qeqertarsuatsiaani utoqqarnut ataatsimut najugaqatigiiffik ”Utoqqallak” aamma angerlarsimaffimmi ikiorteqarneq decembarip ulluisa aallaqqaataanni isumaqatigiissuteqarnikkulluunniit sapaatip-akunneranut 40 tiiminik sulisartussamik aqutsisussarsiorpoq.

”Utoqqallak” utoqqarnut ataatsimut najugaqarfiuvoq arfineq-marlunnik aalajangersimasunik najugaqarfiusoq marlunnillu oqilisaassinissamut inissaqartitsilluni. Illu utoqqarnut annikitsumik paaqqutarisarialinnut najugaqartunuuvoq. Najugaqartut ataasiakkaat imminnut isumassornissaannut nukittorsaaneq attassinissarlu pingaartinneqarput.

Aqutsisutut pisoqarfiusumi siuttuulluinnassaatit, aamma sulisut qanimut suleqatigalugit illumi najugaqartut pisariaqartitaat naapertorlugu ikiorneqartarnissaat akisussaaffigissallugu.

ANGERLARSIMAFFIMMI IKIORTEQARNEQ: Tamatuma saniatigut innuttaasut imminni najugaqartut ukkatarinissaat aamma pingaaruteqarpoq, aammalu innersuunneqarnerat naapertorlugu ikiorneqartarnissaat qulakkiissallugu. Nunaqarfimmi innuttaasut toqqissisimanartumik sumiiffeqarnissaat pilersitseqataaffigissagit pingaaruteqarpoq.

Peqataatitsineq, attaveqatigiinneq paasissutissiinerlu assut pingaartippavut. Taamaattumik illit aqutsisutut oqaluuserinnilersitsinissat suliniutinillu nutaanik eqqartuinnilersitsinissat pikkoriffigissavat.

Atorfiup suliassartaa:

Aqutsisutut suliassatit ilaatigut makkuussapput:

  • Utoqqarnut ataatsimut najugaqatigiiffimmi kiisalu angerlarsimaffimmi ikiorteqarnermi ulluinnarni suliassat ataqatigiissarneri
  • Suliassat pilersaarusiornissai suliaralugit
  • Ullut 14-ikkaarlugit imaluunniit qaammatikkaarlugit akissarsiat nalunaarutigisarlugit
  • Oqaloqatiginnittarnerit MUS-inik taaneqartartut ingerlanneqartarnissaat isumagalugit
  • Napparsimasoqartillugu/isumassuilluni atorfimmullu tunngatillugu oqaloqatiginnittarnerit ingerlattarlugit
  • Sulisunik atorfinitsitsineq aamma soraarsitsineq
  • Suleqatit siunnersorlugit sulianullu tunngatillugu ilitsersorlugit
  • Innuttaasut innersuunneqarsimanerat aamma innuttaasut timikkut pisinnaasaat naapertorlugit ikiorneqarnissaat qulakkiissallugu
  • Suleqatigiit assigiinngitsut ataatsimiinneranni aamma attaveqaataasut ataatsimiinneranni peqataaneq
  • Aningaasatigut atuineq killiliussatut aalajangersakkat qaangernagit akisussaasuussasutit aamma naliliisinnaallutillu tulleriiaarisinnaasutit

Peqqissutsimut tunngasumik ilinniagaqarsimanissat takorusupparput. Taakku saniatigut makku naatsorsuutigaavut:                                        

  • ilaatigut aqutsinermi misilittagaqartutit pitsaasumillu qanilaartumillu aqutseriaaseqartutit
  • suleqatigiit tamarmik ataatsimut anguniakkamut ilisimasaminnut anguniagaqarnissanik qulakkeerinneqataassasutit
  • angusaqarfiulluartumik aqutsinikkut aqutsineq aqqutigalugu sulisut pitsaanerpaamik atorluarneqarnissaat isumannaareqataaffigissavaa
  • innuttaasut/ilaqutaasullu naatsorsuutaasa pilersaarusiornermut ilanngunneqarnissaat qulakkeerniarlugu tamakkiisumik isiginnillutit ataqatigiissumillu sulissutigissagitit.
  • sulisut piginnaasaasa ataavartumik ineriartortittuarnissaanut suliniaqataassasutit.
  • tamakkiisumik isiginnissinnaassuseqartutit, aammalu suliassanik pingaarnersiuillutit suliaqarsinnaasutit
  • ineriartortitsinissamut aallartitsisinnaassuseqartutit nutaamillu eqqarsarsinnaassuseqarlutit
  • kalaallisut danskisullu oqaaseqartuusutit.
  • suliffimmi avatangiisinik pitsanngorsaaqataarusuttutit, tamatigoorlutillu qiimasuusutit.

Tamatuma saniatigut pingaartipparput, illit:

  • Aalajaatsoq
  • Ataatsimut takunnissinnaaneq attatiinnarlugu arlalinnik suliaqarsinnaanissat
  • Namminersorluni, akisussaassuseqarluni kiffartuussisinnaallunilu sulisinnaasoq
  • Suliassanut tunngatillugu eqaatsumik pissuseqartutit
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu
  • Tatitullunilu aallarnisaasinnaasoq, nukissaqarluartoq iliuuseqarnissamullu piumassuseqarluartoq.
  • Siamasissumik assigiinngitsullu akornanni suleqatiginnillaqqittuusutit

Neqeroorutigaavut             

  • Suliffeqarfimmi ineriartortitsineq, akisussaaqataaneq sunniuteqaqataasinnaanerillu pingaartinneqartut.
  • suliffik pissanganartoq assigiinngisitaartunik unammilligassarpassuarnillu suliassaqarfiusoq
  • suleqatigiit suleqatigiinnermik pingaartitsisut, ingerlatitsinissamik paasinnittut
  • sineriammi sumiiffimmi aqutsisoq qanimut suleqatigalugu ilisarititsilluarneq
  • sulianut inuttullu piginnaassavit piukkunnaativillu atornissaanut ineriartortinnissaanullu periarfissaqarluassaatit.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsimmi pisussaatitaaffiuvoq. Inatsit naapertorlugu atorfinitsitsineq aatsaat pisinnaavoq pineqaatissinneqarsimannginnermut uppernarsaammik kommune pissarsereerpat. Taamaammat maluginiaqqussavarput, kommune pinerluuteqarsimannginnermut uppernarsaammik Politiinit pissarsereerpat aatsaat atorfininnissamut isumaqatigiissusiortoqarsinnaammat. 

Akissarsiat atorfininnermilu atugassarititat:

Akissarsiaqarnermut atorfinitsitaanermullu atugassarititaasut: Isumaqatigiissut atuuttoq imaluunniit kattuffiup allap isumaqatigiinniarsinnaatitaasup isumaqatigiissutaa atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Qaammatini pingasuni misiligummik atorfinitsitsisoqassaaq.

Ineqarneq:

Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Job nr. 21/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit: 
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 04. Februar 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Qeqertarsuatsiaat
Paasissutissat allat uani piniarneqarsinnaapput: Heidi Kristensen
Telefon: +299 550893
Mobil: +299 550893
Nittartagaq: http://www.sermersooq.gl
Qinnuteqaat nassiutiguk