Qatserisartoqarfik qatserisartumik ataatsimik aalajangersimasumik ullukkoortartussamik pissarsiorpoq

 

Kommuneqarfik Sermersooq/Qatserisartut SERMERSOOQ

 

Qatserisartunik marlunnik maani Nuummi qatserisartoqarfimmi aalajangersimasumik ullukkoortartussanik pissarsiorpugut. Uagut suleqatigiit tassaavugut sulisut inuusunnerit utoqqasaajunerillu tamatta inuiaqatigiinnut iluaqutaasumik suliaqarnissamik kissaatillit. Aamma iluaqutaavugut - 1880 aallarnerfigalugu inuiaqatigiinnut iluaqutaasumik suliaqarpugut tamannalu tulluussimaarutigaarput. 

Maani qatserisartoqarfimmi nutaami nukissaqarluarpugut aamma inissaqartitsivugut. Ineriartupiloorneq aqqusaarparput, immitsinnullu qiviarluta suleriaaserput nutaamik aaqqissuunniarlugu aamma qanoq ililluta piginnaasavut pitsaanerpaamik atorsinnaanerlugit paasiniarlugu. Tassungalu atasumik amigaatigaatsigit.

Suliffeqarfimmi aqutsineq naalagarsiorfiunngitsoq neqeroorutigaarput, namminersorluni ulluinnarni sulineq nammineq annertuumik sunniuteqarfigisinnaasaq ulloq suliffigisaq qaqutiguinnaq pilersaarutigisatut naammassineqartartoq. Naalagarsiortitsilluni aqutsineq upperisarinngilarput, kisianni imminut naalakkersinnaaneq aamma apeqquteqarnissamut qunugisaqannginneq isumalimmillu unammillersinnaaguit taava illiuvoq taanna ujagaqarput.  

Illit piginnaanerisannut kissaaterpassuaqarpugut. Piginnaanereriikkannut kisianni aamma ilikkarusutannut. Aamma allanik piginnaaneqarsimassaatit uagut atorsinnaasatsinnik amigaatigalugit nalusatsinnik.

 

Suliassat ilaatigut makkuussapput:

 

∙ Ikuallattoqartillugu, annaassiniartoqartillugu avatangiisinulluunniit tunngasunik suliaqartoqartillugu orniguteqataasarneq. Tamakku qulimiguulimmik, imaatigoorluni nunakkulluunniit ornigunnerit pisinnaasarmata unammilligassaaleqinavianngilatit

 

∙ Upalungaarsimanermi atortunik aserfallatsaaliueqataaneq

 

∙ Atortunik, atortorissaarutinik biilinillu qatserutinik nammineq akisussaaffeqarneq

 

∙ Qatserisartoqarfimmi suliassanik takkussuuttunik suliaqarneq, tassunga ilaallutik qatserisartoqarfimmi eqqiaaneq ukiuuneranilu aputaajaaneq

 

Naatsorsuutigaarput, atorfimmut qinnuteqartoq:

 

∙ Qatserisartutut tunngaviusumik aamma atuuffimmi ilinniarsimasoq imaluunniit sapinngisamik piaartumik ilinniagaqarusussuseqartoq

 

∙ Timikkut qajannaatsuusoq tatituujusorlu.

 

∙ Timip pisinnaasaanik, nalunnguarnermik aamma inimi mikisuaqqamiissinnaanermik misilitsinnermik naammassinnissinnaassuseqartoq

 

∙ Ineriartornissamut piareersimasuusoq ineriartornitsinnullu peqataarusuttoq

 

∙ Attaveqarfigisanut suliassanullu alapernaatsuusoq

 

∙ Sullitatsinnut annertuumik kiffartuusserusussuseqartuusoq

 

∙ Inooqataanermi akisussaaffeqarnermik misigisimasoq aamma suliffeqarfimmi inooqataanermut misigissuseqartoq

 

∙ Suleqatigiinnermik eqqarsartaasilik – ataatsimoorluta kivitseqatigiissaagut - aamma taamaaliornissaq ilinnut pissusissamisuuinnartuuvoq

 

∙ Ajornanngippat sanasutut ilinniagaqartutit

 

∙ marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

 

∙ Piffissap nalinginnaasumik sulinerup avataani qatserisartutut aggersarneqarnermi peqataaneq

 

Sapiutinngikkuit:

 

·      Inunnik allanik attaveqatiginnillaqqissinnaassuseqaruit apuussassanillu apuussillaqqissinnaassuseqarlutit Inersimasunik perorsaanikkut Tunngaviusumik ilinniartitaanermik ilinniagaqalernissannik neqeroorfigisinnaavatsigit, taamaalillutit qatserisartunik suliffiullu avataani sullittakkatsinnik ilinniartitsisinnaalerlutit.

 

·      Qatserisartuunissamik piginnaasaqartutit nalilerutsigu ikuallattulerinermut tunngasuni holdlederitut ilinniarnissamik neqeroorfigisinnaavatsigit. 

 

Annertunerusumik paasisaqarusukkuit;

 

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Beredskabschef Jes Damgaard Andersen , oqarasuaat +299 36 74 26 imaluunniit e-mail: jdan@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

 

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq

 

.

Akissaatinut atorfinitsitaanermullu tunngatillugu atugassarititaasut:

 

Kalaallit Nunaanni Naalakkersuisut kattuffiullu allap isumaqatigiinniarsinnaatitaasup

akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Atorfinitsitsinermi qaammatit pingasut misiligutaassapput.

 

Sulinerup sivisussusaa:

Sapaatip-akunneranut akunnerit 40-t aalajangersimasumik suliffik. Ilaanni suliffiup piumasarippagu piffissat suliffiusut nikingasinnaasarput aamma sivisunerusumik sulisoqarsinnaasarpoq.

Nalinginnaasumik sulinerup avataani qatseriartornissamut aggersarneqarneq nalinginnaasumik sulinerup avataaniimmat immikkut akissarsissutigisassavatit.

 

Inissaq:

Atorfininnermut atatillugu inissaqartitsisoqanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 26/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

 

 

 

 

 

Qinnuteqarnissamut killissarititaasoq: januaarip 30.-at, 2023

Atorfik una qinnuteqarfigiuk