Skip to main content
130

Dette jobopslag er udløbet

Pisortaqatigiit Allatseqarfiat AC-fuldmægtigimik pissarsiorpoq

Nunatsinni kommunit annersaanni politikkikkut suleriaatsit paasisaqarfigerusuppigit? Ilinniagartuutut suliassamut ilisimasaqarluarpit aamma soqutiginnittuuit? Paasissutissiinerit attaveqaqatigiittarnerlu ilisimasaqarfigaagit? Taava Pisortaqatigiit Allatseqarfianni ujartugarput illiusimassaaq.

 

Pisortaqatigiit Allatseqarfianni AC-fuldmægtigitut suliffeqarfimmi kajuminnartumi aamma suliassaqarfimmik peqqissaarussisumi qaffasissunik anguniaqarfiusumi peqataalissaatit. Pisortaqatigiit Allatseqarfianni ulluinnaat allanngorartuupput suliassallu unammillernartarlutik, piffissat ilaanni sukkasuunik pisoqartarpoq aamma piffissaalatsilluni suliassat naammassisassaasarput suliamut, inatsisinut aamma aningaasaqarnermut tunngavissat pitsaasut tunngavigalugit. Ullut marluk qaqutigut assigiinnik suliassaqarfiusarput.

 

 

Uagut pilluta:
Pisortaqatigiit Allatseqarfiannit politikerit inuit qinigaattut Kommunalbestyrelsimi, nunaqarfimmi siulersuisut aamma najukkami ataatsimiititaliani issiasut sullinneqarput. Taassuma saniatigut Pisortaqatigiit Allatseqarfiannit kommunimi aqutsisut qulliunerusut sullinneqarnerat akisussaaffigineqarpoq nunatsinnilu kommunit sinnerinut kommunit ataatsimoorussamik suleqatigiinneranni allatseqarfittut atuulluni. Qulaani taaneqartut saniatigut Pisortaqatigiit Allatseqarfiannit ineriartortitsinermik suliniutit assigiinngitsut, suliniutit aamma kommune akimorlugu soorluttaaq nunatsinni kiisalu nunat tamalaat akornanni suleqatigiinnernik ingerlatsisoqarpoq.

 

Missingersuusiornermi isumaqatigiissut 2022-moortoq kommunalbestyrelsimi isumaqatigiissutigineqarsimasoq suliassanik soqutiginartunik malitseqarpoq. Suliassanut taakkununnga atatillugu politikkinik nutaanik suliaqarnermi illit pingaarutilimmik inissisimassaatit.

 

Pisortaqatigiit Allatseqarfiat Nuummi kommuneqarfiup allaffeqarfiani inissisimavoq. Allatseqarfik qulinik sulisoqarpoq aamma immikkoortortami aqutsisut marluupput illillu immikkoortortami aqutsisup aappaata ataani sulissaatit.

 

 

Suliassatit immikkoortortami aqutsisoq suleqatigalugu sukumiinerusumik aalajangersarneqassapput, ilaatigut makkuullutik:


∙ Politikkissanik aammalu periusissanik suliaqarneq

 

∙ Aqutsisunik kiffartuussisarnerit

 

∙ Suliniutinik aqutsineq

 

∙ Misissuinernik, nalunaarusianik, tusarniaatitsinermi akissutinik, allakkanik allanillu suliaqarneq

 

∙ Suliassat takkussortut suliarinissaat

 

∙ Suleqataasumit piareersimaffigineqassaaq allatseqarfiup suliassaanut allanut pisariaqartitsisoqartillugu isumaginnissinnaaneq

 

 

Naatsorsuutigaarput illit:


∙ Kandidatitut qaffasissusilimmik naleqquttumik ilisimatusarsimassasutit

 

∙ Ukiuni arlalinni suliffeqarfimmi politikkikkut aqunneqartumit misilittagaqartutit, kisianni ilinniakkamik nutaatut naammassinnittoq aamma isiginiarneqassaaq

 

∙ Naliliillaqqissuusutit aamma pisunik paasinnillaqqissuusutit

 

∙ Suleqatikkuminartuusutit, nutaamik eqqarsarsinnaassuseqartutit, suliamillu naammassinninnissamut akisussaaffeqarsinnaasutit

 

∙ Ulluinnarni suliassanik assigiinngitsorpassuarnik aaqqissuussisinnaasutit, pingaarnersiuillutit tamakkiisumillu paasinnissinnaallutit

 

∙ Oqariartuutinik naatsumik eqqortumillu ingerlatitseqqiisinnaasutit, peqqissaartuusutit annikitsualunnullu pikkoriffeqartutit

 

∙ Ilaanni suliassat piffissap nalinginnaasup avataani suliarineqarlutik naammassineqartartussaammata tamatigoortuunissat pisariaqarpoq

 

 

Neqeroorutigaavut:
Ulluinnaat allanngorartut politikkikkut aalajangiussanik qanimut attuumassuteqartut suliffeqarfimmi kajuminnartumi suliassaqarfimmullu tunniusimasumi. Taamannak ingerlatsivugut suleqatigiit pikkorissut soqutiginnittullu suleqatigiilluta aamma tamatta suliffimmi atugassarititaasunut suleqatigiillu akornanni ataqatigiinnermut pitsaasumut eqaatsumillu periuseqarfiusumut tapersiiuarpugut. Suliassaq unammillernartoq neqeroorutigaarput suliassanut nammineq sunniuteqarsinnaanermik piginnaasanillu atorluaasinnaanermik imalik.

 

 

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortaqarfimmi pisortaq Brandur Karlsson, oqarasuaat +299 36 71 25 imaluunniit e-mail: brfk@sermersooq.gl

 

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:
Akissarsiatigut atorfinitsitaanermilu atugassarititaasut: Kalaallit Nunaanni Naalakkersuisut AC-llu imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqarlunilu atorfinitsitsisoqassaaq.

 

Atorfinitsitsineq qaammatini pingasuni misiliinertaqaqqaassaaq.

 

 

Inissaq:
Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:
Qinnuteqaatip ilisarnaataata Atorfiup ilisarnaataa 468/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani ikkunneqassaaq qinnuteqarnermi.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

”Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq nukittooq innuttaasunut sullissineq pitsaanerusumik akikinnerusumik sunniuteqarluarnerusumillu ingerlasinnaajumallugu. Suliatsinnut atatillugu sinaakkutissat politikkikkut anguniakkanit isumaqatigiissutigineqarsimasunik aallaaveqarput ”Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu”

 

Qinnuteqarnissamut killissarititaasoq: juulip 25.-at, 2022

Atorfik una qinnuteqarfigiuk