Skip to main content
156

Dette jobopslag er udløbet

Pisortaqatigiit Allatseqarfianni Inatsisinut immikkut siunnersorti

Kommuneqarfik Sermersuumi Pisortaqatigiit Allatseqarfiat Inatsisinut immikkut siunnersortimik pissarsiorpoq Pisortaqatigiit Allatseqarfianni inatsisinut immikkut siunnersortitut suliassaqarfiit assigiinngitsut suleqatigiinneranni ilaalissaatit, taakkunannga kommunalbestyrelse, borgmesteri aamma qullersaqarfik politikkikkut akuersissutigineqartut suliniutinut ingerlatsinernullu attuumassuteqartut ingerlateqqinneqarnerannik ulluinnarni suliassanut tunngasunik sullinneqarput.

 

Pisortaqatigiit Allatseqarfiat suliffeqarfiuvoq kajuminnartoq aamma suliassaqarfimmik peqqissaarussisoq qaffasissunik anguniaqarfiusoq. Pisortaqatigiit Allatseqarfianni ulluinnaat allanngorartuupput suliassallu unammillernartarlutik, piffissat ilaanni sukkasuunik pisoqartarpoq aamma piffissaalatsilluni suliassat naammassisassaasarput suliamut, inatsisinut aamma aningaasaqarnermut tunngavissat pitsaasut tunngavigalugit. Ullut marluk qaqutigut assigiinnik suliassaqarfiusarput.

 

Pisortaqatigiit Allatseqarfiannit politikerit inuit qinigaattut Kommunalbestyrelsimi, nunaqarfimmi aqutsisut aamma najukkami ataatsimiititaliani issiasut sullinneqarput. Taassuma saniatigut Pisortaqatigiit Allatseqarfiannit kommunimi aqutsisut qulliunerusut sullinneqarnerat akisussaaffigineqarpoq nunatsinnilu kommunit sinnerinut kommunit ataatsimoorussamik suleqatigiinneranni allatseqarfittut atuulluni. Qulaani taaneqartut saniatigut Pisortaqatigiit Allatseqarfiannit ineriartortitsinermik suliniutit assigiinngitsut, suliniutit aamma kommune akimorlugu soorluttaaq nunatsinni kiisalu nunat tamalaat akornanni suleqatigiinnernik ingerlatsisoqarpoq.

 

Pisortaqatigiit Allatseqarfianni Inatsisinut immikkut siunnersortitut suliassanik namminersorlutit ingerlatsisassaatit Pisortaqatigiit allaffianni sulisut pikkorissut suleqatigalugit. Akisusaaffissavit ilaat tassaapput imigassanik sassaalliisinnaanermut akuersissutit, malittarisassanik suleriaasissanillu suliaqarneq, kommunitut aaqqissuussami inatsisinut tunngasunik siunersiueqataaneq aamma ilaatigut qinersisoqarneranut atasumik suliassaqarfiit assigiinngitsut suleqatigiinneranni peqataaneq. Tamakkua saniatigut suliani aalajangersimasuni sulianik takunnissinnaatitaanermut tunngasunik aissuteqaatinik suliaqarnermik ingerlatsisassaatit.

 

Aqutsisoqatigiit Allatseqarfiat Nuummi, Kalaallit Nunaanni illoqarfiit pingaarnersaanni kommuneqarfiup allaffeqarfiani inissisimavoq. Allatseqarfik qulit missaannik sulisoqarpoq, allatseqarfimmi qullersaq aamma immikkoortortami aqutsisut marluk, illillu immikkoortortami aqutsisup aappaata ataani sulissaatit.

 

 

Suliassatit immikkoortortami aqutsisoq suleqatigalugu sukumiinerusumik aalajangersarneqassapput, ilaatigut makkuullutik:

 

∙ Imigassanik sassaalliisinnaanermut akuersissutit aamma aningaasanoorutinik akuersissutit

 

∙ Politikkissanik, malittarisassanik aamma suleriaasissanik suliaqarneq

 

∙ Allaffissornermi inatsisinut tunngasunik siunersiueqataaneq 

 

Inatsisilerinermi oqaaseqaatinik suliarinnittarnerit

 

∙ Sulianik takunnissinnaatitaanermik qinnuteqaatit 

 

∙ Qinersinissanik piareersaanerit qinersisitsinerillu

 

∙ Suliassat takkussuuttut nalinginnaasut

 

∙ Suleqataasumit piareersimaffigineqassaaq allatseqarfiup suliassaanut allanut pisariaqartitsisoqartillugu isumaginnissinnaaneq

 

 

Naatsorsuutigaarput:

∙ Cand jur.-itut ilinniagaliusutit

 

∙ Ukiuni arlalinni suliffeqarfimmi politikkikkut aqunneqartumit misilittagaqartutit, kisianni ilinniakkamik nutaatut naammassinnittoq aamma isiginiarneqassaaq

 

∙ Oqariartuutinik naatsumik eqqortumillu ingerlatitseqqiisinnaasutit

 

∙ Suliamut tunngasumik nangaassuteqarnak tamakkiisumik isiginnittaaseqarlutit suliassamik ingerlatsisinnaassuseqartutit

 

∙ Oqaatsit soorluttaaq allattariarsornikkut erseqqissumik paasiuminartumillu oqaasertaliorsinnaasutit

 

∙ Sammisat paasiuminaatsut paasiuminartunngorlugit atuagassanngortissinnaagitit

 

∙ Allatseqarfimmik aamma kommunitut aaqqissuussamik suleqateqarnermi suliamut tunniusimallutit sullissinissamillu periaaseqartuussasutit

 

∙ Tamatigoortuusutit, saaffigiuminartuusutit qiimasuullutillu

 

 

Uagut neqeroorutigaavut:

Ulluinnaat allanngorartut politikkikkut aalajangiussanik qanimut attuumassuteqartut suliffeqarfimmi kajuminnartumi suliassaqarfimmullu tunniusimasumi. Taamannak ingerlatsivugut suleqatigiit pikkorissut soqutiginnittullu suleqatigiilluta aamma tamatta suliffimmi atugassaritaasunut suleqatigiillu akornanni ataqatigiinnermut pitsaasumut eqaatsumillu periuseqarfiusumut tapersiiuarpugut. Suliassaq unammillernartoq neqeroorutigaarput suliassanut nammineq sunniuteqarsinnaanermik piginnaasanillu atorluaasinnaanermik imalik.

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortorrtami aqutsisoq Maritha Eugenius, oqarasuaat +299 367014 imaluunniit e-mail: maeu@sermersooq.gl

 

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat aamma AC akornanni isumaqatigiissut atuuttoq, imaluunniit kattuffiup allap isumaqatigiinniarsinnaatitaasup isumaqatigiissutaat atuuttut malillugit atorfinitsitsisoqassaaq.

 

Atorfinitsitsineq qaammatini pingasuni misiligutitaqassaaq.

 

 

Inissaq:

Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il.il akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaasunut tunngatillugu ineqarnermut akiliuteqartarnermut maleruaqqusat atuuttut naapertorlugit akiliisarneq pisassalluni. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il il qulaani taaneqartoq innersuussutigalugu akiliuteqartoqassaaq. Ineqarnermut, matumani atuinermut, il. il. tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl

 

Sulisumut inissaqartitsilersinnaaneq apeqqutaatillugu atorfininnissamut piffissaliussisoqassaaq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.

 

 

Qinnuteqaat:

Qinnuteqaatip ilisarnaataata atorfiup normua 577/22, aamma ilinniagaqarsimaneq siornatigullu sulisimanermik paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.Suliffissarsiortunik oqaloqateqarnerit ingerlaavartumik ingerlanneqassapput

 

 

Ima qinnuteqassaatit:

Nittartagarput atorlugu qinnuteqaatit immersorneqarnissaa piumaneruarput, tassuuna CV ilinniarsimanermullu pappiaqqat ilanngullugit nassiussinnaavatit.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarmersumik piumasarineqarpoq.

 

 

Qinnuteqarnissamut killissarititaasoq: septembarip 6.-at, 2022

Atorfik una qinnuteqarfigiuk