Skip to main content
98

Dette jobopslag er udløbet

Pisortaqatigiit Allatseqarfia politikerinik sullissisussamik ataatsimiititami allatsimik/AC-Fuldmægtigimik pissarsiorpoq / Atorfiup nr. 582/20

Kommuneqarfik Sermersuumi Pisortaqatigiit Allatseqarfia immikkoortortami aqutsinermik politikerinillu sullissinermik qitiutitsiffiusumi ilanngunnissaminut soqutiginnittumik ataatsimiititami allatsimik/AC-fuldmægtigimik pissarsiorpoq. 

Ulluinnarni Pisortaqatigiit Allatseqarfiani ataatsimiititami allatsitut/AC-fuldmægtigimik politikerit aalajangiisarnerannut qanittumiissaatit taamaattumillu Kommuneqarfiup Allaffiani politikkikkut suleriaatsinik qanimut malinnaassaatit. Politikerinik sullissisoqatigiinnut ilanngutissaatit, tassunga ilanngullugu politikerit ataatsimiittarnissaannik pilersaarusiornerit ataqatigiissarinerillu.

Pisortaqatigiit Allatseqarfiani suleqataasutut suliffiup piffissat ilaanni pilertortumik aamma piffissaalatsilluni isumagisassanik suliassaqarfiusumi sulisinnaassuseqassaatit. Politikerit inuillu assigiinngitsorpassuit akornanni aamma piffissap ingerlanerani suliniutitigut allannguiffiusariaqartartumi imarisaasalu allanngorfigisinnaasaanni sulisinnaassuseqassaatit. Suliassat ilaannikkut piffissap suliffiup nalinginnaasup avataani suliarineqartartussaammata tamatigoortuussaatit. Atorfimmut atatillugu angalanerit pisinnaapput.  

 Suliassat:

  • Kommunalbestyrelsimut, Aningaasaqarnermut Inuussutissarsiornermullu Ataatsimiititamut Ataatsimiititanullu sullissinermi sullissisunik suleqataassaatit, soorlu Politikkerit ataatsimiinnissaannut aammalu angalanissaannut pilersaarusiornerni ataqatigiissaarinernilu
  • Politikerit allaffimmiullu akornanni attaveqaataasoq
  • Politikkikkut sullissineq inerisaaqataaffigalugu
  • Politikikkut sulianik suliarinninnermut ilinniartitsineq
  • Aqutsineq, Pisortaqatigiit Allatseqarfik aamma kommunimi aaqqissuussaaneq akimorlugu suliniutit suleqataaffigalugillu ataqatigiissaartarnissaat
  • Pisortaqatigiit Allatseqarfianni pisortaq immikkoortortaqarfimmilu aqutsisoq suleqatigalugit qullersaqarfiup aalajangigaannik piviusunngortitsineq
  • Suliassanik saqqummiussinerit politikkikkut aalajangiiffigisassat suliaralugit

 Naatsorsuutigaarput, illit:

  • Naleqquttunik ilinniagaqarsimasoq
  • Suliassat assigiinngitsorpassuit akisussaaffigisinnaagai ataatsimoortumillu takunnissinnaajuaannassasoq
  • Aaqqissuussillaqqissoq, ilusilersuillaqqissoq aamma nammineerluni sulisinnaassusilik
  • Suliffeqarfinni politikkikkut aqunneqartuni sulinermik misilittagalik
  • Kalaallisut danskisullu, allattariarsornermi oqaluttariarsornermilu nassuiaasiullaqqissinnaassusilik
  • Suliffiup avatangiisiinik pitsaasumik tunniussaqarsinnaassusilik

 Neqeroorutigaavut:

  • Suliassat allanngorartut pissanganartullu
  • Suleqatit pikkorissut piumassuseqartullu suleqatitsialaanissamik pingaartitsisut
  • Ulluinnarni ullut marluk tulleriit qaqutiguinnaq assigiiffigisaat aamma ullut imarisaat akuttunngitsumik illit pilersaarutigisimasannit allaanerukkajuttartut

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, AC-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.
Atorfiup ilagaa immikkut pilerinarsakkatut atugassaqartitaalluni atuuttoq.
Atorfinititsineq qaammatini pingasuni misiliutitaqassaaq.
Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Atorfiup nr. 582/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 10. december 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Maritha Eugenius
Telefon: +299 367014
Nittartagaq: http://www.sermersooq.gl
Qinnuteqaat nassiutiguk