Skip to main content
134

Dette jobopslag er udløbet

Pisortaq Nukariit-nut

Akuleriinnut meeqqerivik Nukariit pisortassarsiorpoq

Meeqqerivimmik aqutsisuullutit pilersittaqataarusuppit, qanittumik attaveqarneq pingaartinneqartoq, meeqqanut ataasiakkaanut eqimattanullu ineriartorneq iluarisimaarnerlu uukkatarineqartoq? Taamaappat atorfissaqartippatigit.

Kommeqarfik Sermersooq akuleriinnik meeraateqarfik Nukariitatorfinittussamik pikkorissumik eqigaasumik pisortamik pissarsiorpoq. Taamaattumik illit pisortatut meeqqeriviup peqataaffigisarnik meeqqerivimmi pingaartitat pilersitseqataaffigissavatit.

Meeqqanut atuarfeqarnermut ingerlatsivik anguniagaqarpoq meeqqat nuannaartut, alapernaattut, tatituut, peqqissullu pilersissallugit. Naatsorsuutigineqarpoq illit pisortatut anguniagassaliussat pimoorullugit anguniagaqataassasutit.

 

Atorfiup imarisaa:

Pingaartipparput meeqqat ataqatigiissumik toqqissisimanartumik nuannersumik attaveqaateqarlutik ulluinnarni misigisaqartinneqarnissaa. Naatsorsuutigaarput meeqqeriviup anguniagaanut sinaakkusersuillutillu tapersersueqataanissat.

 

 Saniatigut suliassat:

·Ulluinnarni aqutsineq

·Qulakkiissallugu Immikkoortortami anguniagaliunneqarsimasut meeqqerivimmi suliarinerat

·Meeqqeriviup aningaasaqarneranut akisussaasuuneq

·Meeqqanut ajunnginnerpaassaq anguniarlugu angajoqqaanik suleqateqarneq

·Suliarinasuarneqarsinnaasullu ilanngullugit

Suliassat naammassineqartassapput ingerlatsivimmi meeqqeriveqarnermut immikkoortortaq qanimut suleqatigalugu.

Qinnuteqartumut naatsorsuutit:

·Perorsaasutut ilinniarsimasuunissaq.

·Meeqqeriveqarnerup iluani aqutsinermik misilittagaqarsimanissaq.

·Akisussaaffimmik tigusineq ataatsimoorluni anguniakkat anguniarnerani.

·Meeqqanut sammisassaqartitsinermi pilersaarusiullaqqissuunissaq.

·Siammasissumik suleqateqarluarsinnaaneq.

·Aningaasaqarnikkut Missigersuutinut naatsorsuutinullu tamakkiisumik nakkutiginnissinnaaneq.

·Ulluinnarni PC atuinermut sungiusimasaqarneq

·Kalaallisut qallunaatullu oqarseqartuusinnaaneq.

 

Pingaartipparputtaaq aalajaatsuussasutit, pitsaassusisermut eqqumaarissoq peqqissartumillu eqqummaarittuussasutit, suliassanik arlallinik ataatsikkut puullaaqinngikkaluarlutit suliaqarsinnaassasutit.

Akerlianik neqeroorfigisinnaavatsigit atorfimmut periarfissarpassualimmut nammineerlutit inerisaaqataaffigisinnnaasarnut nammineerluinnarlutit akissussaaffigalugu suliffeqarfimmi inerisaaqataanissarnut. Pingartitarivarput atorfimmut suliffeqarfimmullu pitsaasumik isertilluarneqarnissaq ilungersorlutalu qulakkeertussaallutigu suleqatigiilluarneq aqutsinerup tungaatigut avitseqatigiilluarnerlu inissaqartitsineq suliniutinut pilersitsisinnaanermullu.

Nukariit ukioqatigiinngitsunut meeqqeriviuvoq nutaanerusoq meeqqanut 120-nut, meeqqerivimmi 60-it aamma meeraaqqerivimmi 60-it, ininut pingasunut tallimanullu avillugit inissalik.

Sulisullu 29-inut naatsorsuussaavoq.

Meeqqeriviullunilu meeraaqqerivik Nuup illoqarfiata ilaani nutaami Qinngutsinni pinngortitamik annertuumik avatangiiseqarpoq.

 

Annertunerusumik paasisaqarusukkuit:

Immikkoortortami pisortaq Ane Marie Lynge Møller telefon: 367325/233467 imaluunnit mail: anmm@sermersooq.gl saaffigisinnaavat

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Pinerluuteqarsimannginnermut meeqqanillu innarliisimannginnermik uppernarsaatit atorfimmi piumasarineqarput. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit tiguneqarpat atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:
Namminersorlutik Oqartussat, NPK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Atorfinitsitsineq qaammatini pingasuni misiliutaaqqaassaaq.

 

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

 

Qinnuteqaat:
Qinnuteqaatip ilisarnaataata atorfiup normua 670-22, aamma ilinniagaqarsimaneq siornatigullu sulisimanerit pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

Ima qinnuteqassaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

MALUGIUK:

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

 

Qinnuteqarnissamut killissarititaasoq: oktobarip 4.-at, 2022

Atorfik una qinnuteqarfigiuk