Skip to main content
92

Dette jobopslag er udløbet

Pisortap tullia Pitsaaliuinermut Meeqqanut Ilaqutariinnermullu Immikkoortortamut / Atorfiup nr. 30/19

Kommuneqarfik Sermersooq pikkorissumik Pisortap tullianik Pitsaaliuinermut Immikkoortortamut aamma Meeqqanut Ilaqutariinnullu Katsorsaavimmut martsip 1.-ani imaluunniit isumaqatigiissuteqarnikkut atorfinittussamik pissarsiorpoq.

Meeqqanut Ilaqutariinnullu Immikkoortortamut ilaapput katsorsaaviit, Meeqqanut Ilaqutariinnullu Sullissivik, Ivaami Kusernermilu ilaqutariinnut inissiat, Qimarnguik, Meeqqat angerlarsimaffiat Tupaarnaq kiisalu Inuusuttunut sullissvik meeqqanut inuusuttunullu kingunerlutsitsisunut katsorsaavik,Inuusuttunik siunnersuisartut, atornerluinermik katsorsaasut, efterværnimillu ingerlatsisut kiisalu Immikkoortormi ikorfartuisartut, meeqqanik katsorsaasartut, pitsaaliuinermik suliallit kiisalu angajoqqaarsialerisut.

Atorfik pilerseqqammerpoq piffissaq tamaat suliffiulluni, Pitsaaliuisumut Meeqqanut Ilaqutariinnullu aktsorsaanermut immikkoortortami ingerlatsisumut atassuteqarluni.

Atorfiup suliassartaa:
- Ulluunerani aqunneqarneranut immikkoortortaqarfimmilu suliat ineriartortinnissaannut akisussaasoq
- Suliatigut siunersioqatigiinneq suleqatinullu suliatigut aqutsineq
- Inatsisit atuuttut Inatsisartullu peqqussutaat malillugit sulineq isumannaassallugu
- Sulinerit suleriaatsillu pitsaassusiannik qulakkeerineq
- Anguniagaqartumik ilitsersuineq siunnersuinerlu, aamma piginnaassutsinik ineriartortitsinermik akisussaaffik sulisunillu pikkorissaaneq
- Aqutsineq ataqatigiissaarinerlu immikkoortortamilu suliassaqarfiup ineriartortinnissaa
- Fagchefi immikkoortortamilu aqutsisut allat peqatigalugit, suliassat isumannaassallugit,  immikkoortortaqarfiillu piviusunngortitsinermi ineriartortitsinermilu ingerlatsiviup/kommunip suliassat anguniakkallu pingaarnerit sulissutigissagaat. 
- Immikkoortortami aqutsisut allat peqatigalugit ataatsimut qulakkeerineq aamma suliniutaasumut ataatsimut ataqatigiissaarineq susassaqarfinni.

Naatsorsuutigaarput:  

  • Perorsaasutut Isumaginninnermiluunniit siunnersortitut ilinniarsimanissaq
  • Perorsaanermut, isumaginninnermi sulinermi pisortaqatigiinnilu suliassaqarfinni attuumassutilimmik ingerlariaqqiffimmik ilinniagalik
  • Isumaginnittoqarfinni isumaginninnermik suliaqarnermik misilittagartooq. Meeqqanut Ilaqutariinnullu tunngasunik ilisimasaqarnissaq piumasaqaataavoq. 
  • Aqutsinermik misilittagaqarneq assigisaaluunniit, sulianik ataqatigiissaarisoq suleqatigiinnilluunniit aqutsisoq, pisortani namminersortuniluunniit suliffeqarfinni.
  • Iluaqutaassaaq ineriartortitsinernik siammarterinernillu misilittagaqarneq
  • Ineriartortitsinissamik ilisimasaqaruit, allannguinissamut piumassusilik meeqqanut ilaqutariinnullu tunngassuteqartunik ataatsimoortunik ineriartortitsineq
  • Suleqatikkuminartoq
  • Tatitooq nutaaliortorlu
  • Oqaloqatigiinnermik ilisimasalik, kiisalu akuersaartoq peqataatitsillunilu aqutsineq

Tamatuma saniatigut pingaartipparput:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Allattariarsornikkut oqaluttariarsornikkullu ersarissumik paatsuugassaanngitsumillu attaveqateqarsinnaasoq
  • Nammineerluni sulisinnaasoq akisussaassuseqartoq kiffartuussinissamillu paasisimasalik
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allannguuteqartitsisinnaassuseqartoq
  • Tatitullunilu aallarnisaasinnaasoq, nukissaqarluartoq iliuuseqarnissamullu piumassuseqarluartoq
  • Sulianik naammassinninniarluni ingerlatsinermut ineriartortitseqataallunilu pitsanngorsaaqataalluni peqataalluartoq
  • Arlalissuarnik suleqateqallaqqissoq
  • Qinnuteqartut marluinnik oqaasillit (kal/qa) atorfinitsinnissaat orniginartinneqarpoq.

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu ineriartortinneqartuartumi allanngorartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma qanimut aqutsisut suleqatigalugit pitsaasumik suleqatigiittoqarnissaata qulakkeernissaa anguniartuarparput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 30/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 5. februar 2019
Atorfininneq: 1. marts imaluunniit isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Ellen Magnussen
Telefon: +299 367331
Mobil: +299 497979
Nittartagaq: http://www.sermersooq.gl

Qinnuteqaat nassiutiguk