Skip to main content
89

Dette jobopslag er udløbet

Pisortamik akuleriinnik meerateqarfimmut Soralumut. Atorfiup normua 693/19

Ulluunerani paaqqinnittarfimmi Soralumi pisortassamik pissarsiorpugut meeqqerivitsinni nuannersumi sulisunut meeqqanullu pitsaasumik, toqqissisimanartumik sulisunullu sulinermi avatangiisimik pitsaasumik meeqqanullu suliaqarniarnermi siuttuusussamik. Atorfinittoqarsinnaavoq piaartumik imaluunniit isumaqatigiissuteqarnerup kingorna.  

Soralu ukiumikkut akuleriinnut paaqqinnittarfiuvoq pinngortitami qaqqanut imarmullu qanittumi pinnersunik avatangiisilimmi Qernertunnguani inissisimasoq. Soralumi meeqqanut inissat 54-nut amerlassuseqarput. Meeraaqqerivimmi eqimmattat pingasut aqqaneq marlunnik meerartalllit, meeqqerivik ataaseq 18-inik meerartalik.

Meeqqerivimmi Soralumi sulisut 15-nut naatsersuussaapput. Pisortaq, pisortap tullersortia, perorsaasut sisamat, meeqqerisut isumaginninnermilu ikiortit sisamat, ikiortit sisamat, igaffimmioq ataaseq kiisalu asaasoq.

Soralu Qermertunnguaniippoq, pinngortitamiippoq qaqqanik imarmillu avatangiiseqarluni. Soralu meeqqeriviuvoq nutaajunerumaartoq 2008-mi ammarneqartoq. 

Soralu ulluunerani nal. 07.00-17.00-ullu akornanni ammasarpoq. 

Pisortaq akuersaartoq suliaminullu pikkorissoq Kommuneqarfiup Sermersuup pingaartippaa.

Atorfimmi perorsaanermik, aaqqissuussaanermik allaffissornermillu suliaqarsinnaanissat pisariaqartinneqarpoq.

Sulisut 15-it sulisorissavatit, taakkulu toqqissisimasumik, aalajaatsumik aaqqissuulluakkamillu sulinissaat pisariaqarluni. Ulluunerani paaqqinnittarfiup angajoqqaallu akornanni ersarissumik pitsaasumillu attaveqarnissaat pisortatut qularnaassavat. Aammattaaq pitsaasunik tunngavissiissaatit taamaalillutik angajoqqaat toqqissimallutik meeqqamik paaqqinnittarfimmukaattarnissaat pisinnaaqqullugu.  

Ilinnut makku naatsorsuutigaavut:

  • Perorsaasutut ilinniagaqarsimassaatit imaluunniit assingusumik
  • Pitsaassaaq aqutsinermik misilittaqaruit
  • Akisussaassuseqartutit, ataatsimut isiginnissinnaassuseqartutit aalajaatsuusutillu
  • Meeqqat sapinngisamik atugarissaarnissaat ilikkagaqarnissaallu qitiutissinnaagitit
  • Siunnerfilersuisinnaasutit, siuttuusinnaasutit aammalu perorsaanikkut kingunilimmik ineriartortitsisinnaasutit..
  • Aqutsisooqatigiit suleqatigalugit aaqqissuussaasumik sulisinnaasutit, tunniutiinnajanngitsutit angusaqarniartuusutit
  • Piumassusermik aammalu suliffimmik nuannarisaqarnermik pilersitsisinnaassuseqartutit
  • Tatiginninneq, akuutitsineq nersuerpalaarnerlu aqqutigalugit sulisut piginnaasaannik atuisinnaasutit
  • Sulisunut, angajoqqaanut illullu avataani suleqatigisanut tunngatillugu pitsaasumik attaveqarsinnaallutillu suleqatiginnissinnaasutit
  • Allaffissornermik pikkoriffeqartutit allaffissornermillu suliassat akisussaaffigisinnaagitit
  • Nutaaliorsinnaassuseqartutit aporfissarsiornak periarfissarsiortuusutit
  • Ulapiffinni uisakajaarnak sulisinnaassaatit
  • Qeratasuunngitsutit, suleqatikkuminartoq saaffigiuminartorlu

Aqutsisutut atorfimmut atatillugu suliassat:

Ulluunerani paaqqinnittarfiup pisortaata illu tamaat akisussaaffigaa. Sulisut amerlassusissaat 15-iupput, taakkulu inini tamani pingasukkaarlutik, asaasoq ataaseq kiisalu iggavimmi ikiorti.

Pisortaq, pisortap tullersortaa immikkoortortamilu aqutsisoq aqutsisoqatigiipput ulluuneranilu paaqqinnittarfimmi perorsaanermik ineriartortitsinermik, angajoqqaanik suleqateqarnermi sulisunillu aqutsinermi akisussaasuullutik.

Pisortap, pisortap tullersortaa isumasioqatigisassavaa marluullutillu anguniakkat pingaarnerit, anguniakkat perorsaanermilu sulianik suliaqarnissamut malittarisassat malinnissaat qularnaartartussaallugu.
Pisortaq sulianut tunngatillugu paaqqinnittarfimmilu sulisunut tunngatillugu aqutsisuussaaq. Tamatuma saniatigut aqutsisoq innersuussisinnaatitaavoq aamma paaqqinniffiup aningaasaqarneranut aamma ingerlatsinermut missingersuutit malinneqarnissaannut akisussaasuulluni.

Aqutsisutut akisussaaneq siullertut pingaarnertullu inatsit malillugu taassumalu killiliussai tunngavigalugit pisussaavoq (Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaattut siunnersuut nr. 16, 3. december 2012-meersoq). Taassuma saniatigut iliuusissatut pilersaarutip/suliassanut pilersaarutip suliarinissaa, sulisut suliartortarinernik aammalu atuisut angajoqqaavinik ataatsimiititsinernut takkuttarnerinik nalunaarsuineq.

Akissaatinut atorfinitsitaanermilu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl.

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat. Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Qinnuteqaat:
Qinnuteqaatip ilisarnaataata Atorfiup ilisarnaataa 693/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

 

Qinuteqaat tunniunneqassaaq kingusinnerpaamik: 14. november 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Skoleinspektør Karno Lynge
Telefon: +299 361620
Nittartagaq: http://www.sermersooq.gl
Qinnuteqaat nassiutiguk