Skip to main content
81

Dette jobopslag er udløbet

Pisartakkanik isumaginniffimmi teamlederi / Atorfiup ilisarnaataa 118/21

Kommuneqarfik Sermersuumi Suliffeqarnermut Isumaginninnermullu Ingerlatsiviup Oqartussaaffeqarfiani Isumaginninnermi Sullissivik piaartumik isumaqatigiissuteqarnikkulluunniit atorfinittussamik teamlederissarsiorpoq.

Pisartakkanik Isumaginniffik pillugu.

Pisartakkanik Isumaginniffik Suliffeqarnermut Isumaginninnermullu Ingerlatsivimmi Oqartussaaffeqarfiup immikkoortortaa taassumalu saniatigut Oqartussaaffeqarnermut immikkoortortaqarpoq.

Oqartussaaffeqarfiup immikkoortortaata suliffeqarnermut, pisortat ikiorsiissutaannik, erninermut atatillugu ullormusianillu tunniussinermi, pensionisianik inunnullu innarluutilinnut tunniuttakkanik ineqarnermullu tapiissutinik tunniussisarnermut tunngasut inatsisit atuuttut naapertorlugit tunniunneqartarnissaat qulakkiissavaa, aammalu innuttaasut ataasiakkaat pisariaqartitaasa erseqqissumik nalilersorneqarneri tunngavigalugit.

Suliassat:

  • Qinnuteqaatit, akiligassat naatsorsuinerillu assigiinngitsut pitsaassusaannik qulakkeerineq
  • Kommuneqarfik Sermersuumi sullissisumut Siunnersuineq Ilitsersuinerlu.
  • Sullissisoq ataasimiinnerni assigiinngitsuni peqatigalugu
  • Tasiilami Paamiunilu sullissisut oqarasuaatikkut qaammatikkaartumik avitseqatigalugit ataatsimiinnerit.
  • isumaginninnermi Naammagittaalliuuteqartarfimmit Ombudsmandimillu saaffiginnissutit, immikkoortortami aqutsisoq inatsisileritoorlu qanimut suleqatigalugit suliaralugit.
  • Immikkoortortami aqutsisoq qanimut kinguneqartussamik suleqatigalugu
  • Nuummiittunik sulianik ingerlatsineq
  • naatsorsuutinik allattuineq akiligassiinerlu kiisalu immikkoortortami aqutsisoq aningaasaqarnikkut apeqqutinik siunnersueqatigalugu.

Naatsorsuutigaarput, illit: 

  • HK /isumaginninnermut ikiorti imaluunniit assigisaa aqutsinermullu ilisimasaqartutit
  • Suleqatigiuminartuussasutit
  • Suliat akimorlugit sulisinnaassasutit
  • Suliassaqarfimmi ineriartortinneqartuartumi suliassanik unammillernartunik suliaqarnissamik nuannarisaqartutit
  • Sullissiumassuseqartoq ineriartortitserusussuseqartoq
  • Ulluinnaat ulapaarfiusut nuannarigitit
  • nammineerlutit siunnerfeqarluartumik sulisinnaassuseqartutit
  • inuttut tatituujusutit
  • qiimasuusutit

Neqeroorutigaavut:

  • Immikkoortortami suliffik, piginnaasaqarluartunik suleqateqarfiusoq
  • Suleqatit nuannaartut
  • Atorfik suliassanik unammillernartulik namminerlu suliassanik sunniuteqarfigisinnaasaq.
  • Atorfik tamatigoortoq unammillernartunillu suliassartalik

Paasissutissat allat Immikkoortortami aqutsisumut Kirsten Johnsen oqarasuaatikkut: 36 70 00 E-mail: kajn@sermersooq.gl pissarsiarineqarsinnaapput

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq AK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissiamik atugassiisoqanngilaq.

Qinnuteqaatip
Qinnuteqaatip ilisarnaataata Atorfiup nr. 118/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 12. marts 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kirsten Johnsen
Telefon: +299 368083
Nittartagaq: http://www.sermersooq.gl
Qinnuteqaat nassiutiguk