Akuleriinnik meeqqerivik Pingajeqqad , meeqqanut 88-inut - meeqqerivimmi marlunnut initaqartumi meeqqanut 40-inut meeraaqqerivimmilu sisamanik initaqartumi meeqqanut 48-inut inissaqartitsivoq. Sulisut 22-nut amerlassusiligaapput.

Meeqqeriviit ammasarput ulluinnarni ataasinngorneq – tallimanngorneq ilanngullugu nal. 7.00-imit 17.00-mut

Kommuneqarfik Sermersooq meeqqerivinni ukioqanngitsuniit arfinilinnut ukiulinnut “Nerisaqartitsineq pillugu politikkeqarpoq” . Politikki iluaqutigalugu tunngavilersuutaalu aallaavigalugit meeqqerivimmi peqqinnartunik allanngorartunillu meeqqat nerisinneqartarnissaat pingaartipparput.

 

 

Ilinnut naatsorsuutigaavut:

• Inuussutissalerinermi ikiortitut ilinniagaqarsimasuusutit assingusumilluunniit
• Meeraaqqanut tallimanik qaammatilinniit pingasunik ukiullit katillugit 48-nut amerlassusillit aamma meeqqat 3-niit arfinilinnik ukioqalertussanut katillugit 40-nut amerlassusillit nerisaqartitsinissamut pilersaarusiortarnissaat.
• Nerisassanik amigaatinik piniagassanik siunnersuusioqataasarnissat Nerisassiornermi isumassarsiullaqqissuusutit.
• Eqqiluisaarnissamik pingaartitsisuusutit
• Isummanik siunnersuutinillu nutaanik tusaaniartoq.
• Suliffimmi aalajaatsuusutit aamma naatsorsuutigiuminartuusutit.
• Angajoqqaanik suleqatinillu ataqqinnittuusutit, suleqatikkuminarlutillu.
• Kalaalisut / qallunaatullu paasisinnaallutillu oqaaseqarsinnaasutit.

 

 

Ilinnut makku neqeroorutigisinnaavagut:

• Suleqatigiit 22-t iluini ammasumik suleqatigiinnissamik pingaartitsisut
• Perorsaariaatsinik aqutseriaatsinillu ineriartortitsinermi unamminartumik sulineq.
• Aqutsilluarnikkut pisortap sulisullu akornanni periarfissaqarput pilersissallugu suliffimmi atugassarititaasut pitsaasut, attaveqatigiinneq pitsaasoq pingaartuutinneqarluni meeqqat inersimasullu naligiittut immersueqataaffiat.
• Igaffimmi nerisassiortut aqutsisuanik suleqateqarnissat
• Suliffimmi avatangiisitigut atugassat pitsaasut.
• Isumassarsianut misilittaanissamullu inissaqartitsineq

Meeqqerivinnut Immikkoortortaq meeqqerivinnut aqutsisoqatigiinnullu naleqqussakkanik pikkorissarnernik ingerlaavartumik neqerooruteqartarpoq.

 

 

Annertunerusumik paasisaqarusukkuit:

Annertunerusumik paasisaqarusukkuit pisortaq Naja A. Kilime attavigisinnaavat uunga oqarasuaat +299 77 48 imaluunniit e-mail-imut uunga: naam@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:
Qinnuteqaat qulequtserlugu Atorfiup ilisarnaataa 62-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

Qinnuteqarnissamut killissarititaasoq: februaarip 2.-at, 2023

Atorfik una qinnuteqarfigiuk