Skip to main content
146

Dette jobopslag er udløbet

Pillorissaasut suleqatigiit timimik sungiusaasumik Innarluutilinnut aamma tarnimikkut nappaatilinnut Immikkoortortamut sulisussarsiorput / Atorfiup ilisarnaataa 326/21

Pillorissaasut suleqatigiit timimik sungiusaasumik Innarluutilinnut aamma tarnimikkut nappaatilinnut Immikkoortortamut sulisussarsiorput.

Kommuneqarfik Sermersooq Suliffeqarnermut Isumaginninnermullu Ingerlatsivimmi timimik sungiusaasumik pikkorissumik kajumissuseqarluartumillu atorfinittussamik pissarsiorpoq 01.08.2021 piaarnerpaamilluunniit atorfinittussamik.

Suleqatigiiuvugut pillorissaasunik qulinik, timimik sungiusaasut tallimat ilanngullugit, pillorissaasut sisamat kiisalu sungiusaasuni pisortamik sulisullit.
Innarluutilinnut aamma tarnimikkut nappaatilinnut tunngasuni Pillorissaasoq peqatigalugu innuttaasunik sullississaasi. Suleqatigiit sumiiffinnik pingasunik aamma tigummisaqarput.

Atorfik ullormut suliffiusussaq tamaat suliffiuvoq Nuummilu ataatsimut allaffeqarluni, ullut tassanngaaniit aallartittassaaq. Kommunimi illoqarfinnut nunaqarfinnullu allanut angalasoqartassaaq.

Uagut pilluta paasissutissat amerlanerusut pissarsiarisinnaavatit una aqqutigalugu https://sermersooq.gl/kl/suleqatigiit-timimik-sungiusaasut-pillorissaasu...

Suleqatigiit sullarissut nutaaliortullu qiimanermik ilinniarluarsimanermillu pingaartitsisut neqeroorutigaavut.

Illit suliaqarfiit assigiinngitsut qanimut suleqatigalugit Kommuneqarfik Sermersuumilu tarnikkut nappaatillit iluanni ineriartortitseqataarusuppit, taamaappat illiussaaq ujartugarput.

Sapaatip akunneranut suliffiusartoq: 40 tiimit

Timimik sungiusaasup suliassai:

  • Innuttaasut timimikkut aamma /immaqaluunniit tarnimikkut innarluutillit nukiisa tamakkiisumik atortissinnaalernissaat namminnerlu piumasaqaataat naapertorlugu aalalluarlutik inuullutik
  • Innuttaasut namminneerlutik ikiortinnatik inuulersinnaanerat nukittorsarlugu
  • Piginnaasanik attassiinnarumalluni eqaarsaarneq
  • Piginnaanngorsaaqqinneq.
  • Inooriaatsimik aallaaveqartunik nappaateqalernissap pinaveersaartinnissaa.
  • Sullitanut innuttaasunullu ataatsimut mailimeersunik nalilersuinerit, suliassanik suliarinninnerit iluaqusersuutinillu atukkiisarnerit.
  • Innuttaasunut sungiusaavinni sungiusartitsinerit il.il.
  • Silami sammisaqaqatigiinneq.
  • Nuussinermi ilinniartitsineq.
  • Innarluutilinnut aamma tarnimikkut nappaatilinnut sullissinerni pitsaassutsit aalajangersimasut naapertorlugit sulineq.

Pingaartipparput illit,

  • Innarluutilinnut aamma tarnimikkut nappaatilinnut tunngasunut soqutigisaqarluartuusutit
  • Namminersorlutit suliaqarsinnaasutit, suliffissannillu ilusilersuisinnaallutit pilersaarusiorsinnaassasutit.
  • Assigiinngitsunik sulialinnik suleqatigiittarnernik ilisimasaqarluartoq
  • Ulapaarfimmi tamakkiisumik takunnissinnaassuseqarlunilu attassiinnarsinnaassusilik.
  • Isumassarsiullaqqissuusutit, iliuuseqarusussuseqartoq suliatigullu inissilluarsimasutit.
  • Kulturini assigiinngitsuniissinnaasutit
  • Sungiussiasoq aamma allanngueriaannaassusilik.
  • Suleqatigiinnut suleqataalluartoq, suliassanullu nutaanut ammasoq inissaqartitsilluartorlu.
  • Oqaatsit marluk atorsinnaagukkit pitsaaqutaassaaq, piumasaqaataanngilarli..

Neqeroorutigaavut:

  • Ilinniartitsineq aammalu ilinniartinneqarnermi aalajangersimasumik attaveqaatissaq.
  • Suliffik namminersorsinnaanermi unammilligassanut periarfissaqarluartoq.
  • Nammineq atorfimmik pilersitsinissamik aamma periarfissaqarputit, atorfik nutaajulluinnarmat.
  • Sunneeqataasinnaaneq, ulluinnarnilu suliassannut nammineq pilersaarusiorsinnaaneq.
  • Suleqatigiit pillorissaasut piginnaasat pillugit siunnersuineq.
  • Suliatigut pikkorissarsinnaaneq illoqarfiup iluani avataanilu pikkorissarnerni.
  • Suleqatit pikkorissut qiimasut imminnullu isumassoqatigiittut.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:

Timimik sungiusaasut akissarsiaqartinneqarput Kalaallit Nunaani Timimik Sungiusaasut/Fysioterapeuter i Grønland aamma Kalaallit Nunaanni Naalakkersuisut isumaqatigiissutaat naapertorlugu.

Takuuk www.nanoq.gl

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 326/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Atorfik inuttassarsiuussaq pillugu apeqqutissaqaruit Timimik sungiusaasuni aqutsisoq Jonas Nørgaard Gai, oqarasuaat  +299 36 75 06, imaluunniit mailimut jnga@sermersooq.gl

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 25- juni 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Ledende Terapeut Jonas Nørgaard Gai
Telefon: +299 367506
Nittartagaq: http://www.sermersooq.gl
Qinnuteqaat nassiutiguk