Kommuneqarfik Sermersuumi Pillorissaasut aamma timimik sungiusaasut suleqatigiinni immikkut ittumik akisussaasoq

 

Inunnut innarluutilinnut aamma Tarnimikkut Nappaatillit immikkoortortaq pillorissaasumik timimilluunniit sungiusaasumik nutaaliorluni pissarsiorpoq, taanna inuunerissaarnerulernissamut teknologiimik atortorissaarutinut tunngasunik assigisaanillu suliaqassaaq, 1/10 2023 tamatumaluunniit kinguninngua piaartumik atorfinissalluni.

 

Pillorissaasut timimillu sungiusaasut suleqatigiinni sungiusaasut 9-nik amerlassusiligaapput, tassa timimik sungiusaasut 5-it pillorissaasullu 4-t. Taakku saniatigut pillorissaasunut timimillu sungiusaasunut aqutsisumik kiisalu Paamiuni kommunip ataaniittumik ullup affaanut sulisussamik timimik sungiusaasoqarluni.

 

Pillorissaasut aamma timimik sungiusaasut suleqatigiit pingaarnertut sisamanut agguagaapput aamma immikkut ittumik suliaqarfimmik ataatsimik peqarluni: Meeqqanut tunngasunik suliassaqarfik, Inersimasunut tunngasunik suliassaqarfik, Piginnaanngorsaqqiinermut suliassaqarfik aamma Innarluutilinnut tunngasut, inuunerissaarnerulernissamut teknologiimik atortorissaarutinut tunngasunik immikkut ittumik akisussaaffilik.

 

Suleqatigiit timimik sungiusaasut pillorissaasullu innuttaasut timikkut, eqqarsartaatsikkut, malugissutsikkut aamma/imaluunniit tarnikkut ulluinnarni unamminiarnartitaminnik namminersorsinnaanerulernissaat anguniagaraat. Tamanna ilaatigut siunertaqarluartunik sammisassaqartinneqarnikkut piginnaasassatigut sungiusaanikkut pisarpugut. Ataavartitsisussamik sungiusarneq, ataasiakkaarinikkut holdikkaartumilluunniit. Innuttaasut inuunerminni nammineersinnaanerunissamut, orniguteriaannaalernissamut peqataalluarsinnaalernissamullu ikiuutinik mikisunik angisuunillu tunineqarnissaannut nalilersuineq, atukkiineq tunniussinerlu.

 

Ineriartornermik ingerlatsinermik aallartitseqqammivugut, pingaarnertullu suliatsinnik ineriartortitsinitsinni suliatigut piginnaasat, assigiinngissuseq, ataatsimoornerlu ilisarnaataassapput. Innuttaasut nammineersinnaanerulernissaannik pitsaanerusumillu inuuneqalernissaannik tapersersornissaat. Tamanna inuunerissaarnerulernissamut teknologiimik atortorissaarutinik inerisaanikut suliniuteqarnikkullu iluatsissinnaassasoq upperaarput. Tamanna iluatsikkumallugu illit aamma piumassutsit piginnaasatillu inuunerissaarnerulernissamut teknologiinut sulianik ingerlatsinermilu suliassanik tamatigoortuunerit atorfissaqartippavut.

 

 

 

Sungiusaasup suliassai:

• Ingerlatsivimmi suleqatigiinnilu inuunerissaarnerulernissamut teknologiimik atortorissaarutinut tunngasunik akisussaaffeqarneq

• Inuunerissaarnerulernissamut teknologiimik atortorissaarutinik atuilluni suleriuseqarnermik ingerlatsinermi ikorfartueqataaneq, takussutissalioqataaneq periutsinullu ilaalersitsineq.

• Inuunerissaarnerulernissamut teknologiimik atortorissaarutinik atuinermi ilinniarnermut peqataaneq aamma suliassaqarfimmut tassunga tunngasunik immikkut ilisimasalinnik attaveqaatinut akuuneq.

• Sungiusaasutut suliassanik, Isumaginninnermut Ingerlatsiviup aamma sungiusaasoqatit anguniagaat tunaartaralugit suliassanik nalinginnaasunik naammassinninneq.

• Suleqatigiit akornganni ikioqatigiinneq

 

 

Pisariaqartitarput tassaavoq:

• Pillorissaasutut imaluunniit timimik sungiusaasutut ilinniagaqarputit.

• Misilittagaqarluarneq aamma/imaluunniit inuunerissaarnerulernissamut teknologiimik atortorissaarutinik soqutigisaqartuuneq pitsaaqutaassapput.

• Nammineerlutit sulisinnaasutit suleqateqallaqqittutillu.

• Kalaallit piorsarsimassusaannik soqutiginnittoq, ataqqinnittoq paasinnissinnaasorlu.

• Ingerlatitseqqinnermik piginnaasaqarluartutit namminerlu sulisinnaassuseqarluartutit.

• Suliniutinik nammineq ataqatigiissaarisinnaassuseqarluartutit suleqatiginnillaqqissuseqartutillu.

 

 

Neqeroorutigisinnaavarput:

Suliassanik ilisaritsitsineq pitsaasoq

Suliffik pissanganartoq, aallaqqaataaniit ineriartornermut sunniuteqaqataanissamut periarfissaqassaatit.

Kommuneqarfik Sermersuumi inuunerissaarnerulernissamut teknologiimik atortorissaaruteqarnerup siammarsaanissamut annertuumik sunniuteqaqataaneq.

Pillorissaasut aamma timimik sungiusaasut suleqatigiinni ingerlalluartuni sulianut tunngasunik siunnersueqatigiilluartarneq

Suliassat assigiinngiiaartut pissanganartullu

Suleqatit pikkorissut piumassusillillu

 

Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqarsoraagut. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilluareerpugut. Kukkussutitta oqaluuserinerisigut ilinniutiginerisigullu ataatsimut pikkorinnerulersinnaanerput upperaarput.

 

 

Annertunerusumik paasisaqarusukkuit:

Annertunerusumik paasisaqarusukkuit Heidi Paneeraq Møller attavigisinnaavat uunga oqarasuaat +299 36 73 68 imaluunniit e-mail-imut uunga: hepm@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Sundhedsassistentit Peqatigiiffiata IMALUUNNIIT Peqqissaasut Kattuffiata (PPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

 

Inissaq:

Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:

Qinnuteqaat qulequtserlugu Atorfiup ilisarnaataa nr. 831-23,-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: septembarip 24.-at, 2023

Atorfik una qinnuteqarfigiuk