Skip to main content
127

Dette jobopslag er udløbet

Pillorissaasoq Pillorissaasutut suleqatigiinnut / Atorfiup nr. 106/19

Pillorissaasut timimillu sungiusaasut suleqatigiinni meeqqanik pillorissaasutut 1. maji 2019-mi tamatumaluunniit kingorna piaartumik atorfinittussamik pissarsiorpugut.

Suleqatigiinni ingerlalluartuni tikilluaqqunissat qilanaaraarput, suliamut atatillugu siunersiueqatigiinnissamut, ineriartornissamut ataatsimoorfeqarnermullu periarfissaqarfiuvoq.

Pillorissaasut timimillu sungiusaasut suleqatigiit amerlajaartut suleqatigissavatit, ilaatigut taakku ilaanit pillorissaasumit timimillu sungiusaasumit meeqqat inuusuttullu 18-it tikillugit ukiullit sullinneqarlutik.

 

Taakku marluullutik Kommuneqarfik Sermersooq tamakkerlugu sullippaat, illilli Nuummi allaffeqarlutillu najugaqassaatit.

Pillorissaasup suliassai:

  • Meeqqat timikkut aamma/imaluunniit eqqarsartaatsikkut innarluutillit nukiminnik atuisinnaanissaannut sapinngisamillu eqeersimaartumik inuuneqarsinnaalernissaannut peqataassaatit.
  • Meeqqanik inuusuttunillu ilaatigut CP-mik, nukinik aqutsisinnaarpiannginnermik akornutilinnik, allisiitsunik autismeqartunillu sullissinermi timimik sungiusaasut/suleqatigisartakkat sinneri suleqatigalugit misissuineq, pilersaarusiorneq kiisalu sungiusaaneq.
  • Meeqqap ineriartorneranut, adl-mut misikkarissutsinullu tunngasunik angajoqqaanik ikorfartortinillu ilitsersuineq
  • Timimik sungiusaasunik, angajoqqaanik ikorfartortinillu qanimut suleqateqarneq
  • Pillorissaanermut timimillu sungiusaanermut tunngasunik ilisimasaqarnissamik piumasaqaatitaqarfiusuni suleqatigiissitani akuuneq
  • Nalilersuisarneq, suliamik suliaqarneq sullitanullu atortorissaarutinik ikiuutissanik atukkiisarneq
  • Suliassat immikkoortumi pineqartumi suliassat allattorsimaffiat naapertorlugu ingerlanneqartarput, taakkulu Kalaallit Nunaanni inatsisit naapertorlugit ilusiligaapput

Pisariaqartitarput tassaavoq:

  • Pillorissaasutut ilinniagalik
  • Ajornanngippat, innarluutilinnik meeqqanillu sullissinermik misilittagalik
  • Isumassarsiassaaleqinngitsoq, iliuuseqarusussusilik suliassaqarfimminillu ilisimaqarluartoq
  • Namminersorsinnaassusilik suliassanillu pingaarnersiuisinnaassusilik
  • Ulapaarfimmi tamakkiisumik takunnissinnaassuseqarlunilu attassiinnarsinnaassusilik
  • Sungiussiasoq aamma allanngueriaannaassusilik
  • Immikkoortut akunneranni suleqatigiittarnernik misilittagalik

Neqeroorutigisinnaavagut:

  • Aallartinnermi ilisarititsilluarneq
  • Sunniuteqaqataaneq
  • Pillorissaasoqatigiinni timimillu sungiusaasoqatigiinni ingerlalluartuni sulianut tunngasunik siunnersueqatigiilluartarneq
  • Suliassat tamatigoortut pissanganartullu
  • Suleqatit pikkorissut piumassusillillu

Annertunerusumik paasisaqarusukkuit inussiarnersumik peqquneqarputit immikkoortortaqarfimmi aqutsisoq Anders Stig Frederiksen attavigeqqullugu, oqarasuaat nr. +299 366063 imaluunniit mail: ansf@sermersooq.gl

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, PPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

 

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 106/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                       
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 17. marts 2019
Atorfininneq: 1. maj 2019 imaluunniit isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Anders Stig Frederiksen
Telefon: +299 366063
Mobil: +299 522845
Nittartagaq: http://www.sermersooq.gl
Qinnuteqaat nassiutiguk